الموضوع: (صور) Exhaust system خاص بالتويوتا اليارس

المشاركة الأصلية كتبت بواسطة me_medoo

حبيب قلبي ميدوو باشا ... تسلم يا غالي على ردك الجميل ... بس يارتى هو ركب عبشة رياضية علشان تستحمل الجنط 17 الي مركبوو ... لأن أبن عمي معاه يارس برضو .. وكان مركب لها جنط 16 ... المهم مره مسافر يصيف هو ومراتو وعيالو حماتو غتت وقالت انا جية معاكم وقعدت ورة ... بيقلي مكملش نص الطريق والجنط الخلفي ابتدى يحك في الكرتيرة وأتسلخ الكويتش ... فنصيحة أو عه تركب حماتك معاك نهائي واوعة تركب جنط 16 ... فهل ياترى الي مركب جنط 17 دهو عامل حسابو ان العبشة الرياضية دي هتسند وهترفع العربية ... ولا هو اساسا ً مش فارقة معاه لأنو معندهوش عيال بيركبو ورى وتحياتي ...

ليه يا باشا مانا مركب جنط 16 والعربية زي الفل مافيش اي مشاكل الحمد لله !

لا وكمان فيه مساحة كبيرة مابين الكاوتش والكارتيرات لدرجة كذا واحد قالولي كانت تشيل 17 مرتاح ! !

وانا بفكر اساسا انيم العربية على الارض واهبطها بسوست رياضية ! بس خايف من المطبات

المشاركة الأصلية كتبت بواسطة me_medoo

المشكلة في الاوزان يابوحميد لوركبوو معاك ورى ... صحيح يابوحمدي هنطر نأجل السباق دلوقتي ... معليش خليها نتقابل انا وانتا وميدو ونروح معرض الفورميلا الي هيتعمل قريب هو هيبقى فورميلا ولا اوتو ماك ... يعني نلفلنا هناك يمكن نلاقي حجات حلووة لعربيتنا ، وانتا عارف اللمة بتبقى حلوة في المعارض .
أدي أميلي أهو x_non@ymail.com

المشاركة الأصلية كتبت بواسطة me_medoo

أأأأأأأأأأأه واللهي وانا كمان ... بجد بجد انا بنزل محل الاكسسورات الاقيهم بيفهمو في التكاتك أكتر مابيفهمو في أسكسسورات اليارس ... ويحسسك أن اليارس دي نازلة أول أمبارح بالليل مصر ... ومفيش مليون بل ملايين ملين الشوارع ... وضيف على ذالك كمان تصدقو كل ما أجي أركب فيها حاجة أقدم رجل وأخر رجل ... بخاف بجد بخاف ... بخاف من العين بخاف من الحسد بخاف من السرقة ... بخاف لا اجي أركب حاجة أقوم أبوظ حاجة تانية فأقول خليها كده أحسن ... ده لسه واحد من يومين ... بيقلك سرقو الاير باج بتاع من قلب التابلوة وهو عندو صني ... فما باكلو لو ركبت فيها شاشات انا هموووووووووت بجد نفسي أجي الكاسيت ابو شاشة الي هو زي بتاع الفبريكة بالضبط و ب 3500 جنية ... وأركب معاهم 2 مساند راس كمان شاشات بس خايف لا تتكسر العربية ويتكسر التابلوة علشان يسرقو الحجات دي ... والي يوجعك بجد انك نفسك تركبو ,,, ومعاك فلوسوو بس فعلاً خايف من السرقة من العين من ومن ومن ... والي يدحكك اني عندي جراش خاص ... بس بقول طيب لو طلعت بالعربية كده ولا كده وارد جداً أنها تتسرق . ألطف بينا يارب الواحد مش قادر يتمتع بحاجتو في البلد دي .

الاوزان والله حتى مع الجنط ال 16 مش مأثرة طالما انت جبت مقاس كاوتش مناسب مع عربيتك بالتالي فرق الارتفاع مابين الكارتيرا والكاوتش زي ماهو ! كانك ماعملتش حاجة

هو انا من ساعت ماركبت سنتر لوك للعربية ! وعانيت فيه معاناة شديدة للغاية !

كل ماروح لواحد بكام ياعم السنتر يقولي 200 جنيه اقوله العربية تويوتا ياريس يقولي لاء مش بركب عليها !

واللى بيركب عليها يقوم مزود 100 جنيه مصنعية ويقولي اصل التركيب على العربية دي بالذات مش عارف ماله ! وفي الاخر فضلت 3 ايام في معاناة وكل ماباب يتركب فيه السنتر يعلق في الباب التاني لحد ماظبط ودلوقتي كل شوية يعلق ! <<< تخيل 3 ايام بتركب في سنتر لوك ؟ ؟ !

حلفت اني ماهركب حاجة تانية ليها علاقة بالكهرباء من جوة ! مع اني نفسي اركب ازجاج كهرباء تعبت من الاوكر

الشاشة ماتخفش منها ركبها عادي انا مركب عندي في العربية GPS وحاطه في الكونسول بص دي صورته







فالشاشة ماتقلقش من موضوع سرقتها لان لو حطيتها مكان الكاسيت مش هتبقى باينة اوي ومحدش هياخد باله

وبعدين الشاشة بليل مع الانوار بتاعة العربية والكاسيت بتعمل جوووو تاني خالص !

وولايهمك يا كبير نتقابل في اي وقت انا نفسي والله نعمل مقابلة في قسم تويوتا مش لازم نستنى لحد مقابلة معرض الاهرام

نتقابل قبلها ونتقابل في المعرض تاني ايه المشكلة يعني

المشاركة الأصلية كتبت بواسطة me_medoo

حبيب قلبي واللهي يا بوحميد ... طمنتني الله يطمن قلبك
بس الي انا بفكر فيه اهووو

[youtube]http://www.youtube.com/watch?v=5A4XsEyi4qs&feature=related[/youtube]

[youtube]http://www.youtube.com/watch?v=Hq_r2vfj6T4&feature=related[/youtube]

هو ده الي بفكر اجيبو وهو عامل 3500 جنية
ومسند الراس ابو شاشة الواحد ب 350 جنية
طيب انتا يابوحميد كل ما هتنزل من العربية بتشيل الشاشة دي فين وبتخبيها فين ولا بتغطيها بفوطة صفرة ... وياترى كل ما هتنزل هتفتكر انك تغطيها او تشيلها ... ورغم ان الشاشة دي
وجودها مهم جداً جداً في العربية ، يعني الناس الي فاكراها
كامليات او رفاهية هما غلطانين ... لأنها وجودها مهم جداً ، في
ظل بلد كل ما تسئل واحد عن عنوان ... يقلك معرفش او يتوهك
ده غير انها بتوفر في استهلاك البانزين لأنها مش هتوهك فبالتالي
هتوفر في البانزين وهتوفر في وقتك .

ده غير أهميتها ... لأنها بتلهي الاطفال الي معاك في رسوم
متحركة وافلام كرتون علشان تعرف انتا تركز في السواقة ..
لأنهم لو مشفوش الرسوم المتحركة بتاعتهم ... بيمارسو
هوايتهم في انهم يضربو بعض... وبابا ضربني ، بابا بيشد شعري

بابا خد لعبتي وهكذا ... ده غير ابني عندو هواية انو ينط في حجري ، وبابا عاوز اسووق هههههههههههههه ... عنن عننن
والواد لسه مفقس من بيضة بس مش عارف طالع لمين بيحب
العربيات هههههههههه والسواقة .

أمبارح يأحمد باشا انا خفت ... لتكون مقرتش المسج وتيجي
فقلت اروح اعدي على الحلاق احلق شعري ودقني وبالمره
أعدي واشوف اذا موجود ولا لأه المهم الحلاق وهو بيحلقلي
حكالي سيرة الناس كلها ... وقعد يحلق لي شعره شعره
لا وايه على لمض سهاري واقلو ياعم شغل النور علشان تشوف انتا بتعمل ايه يقلي متخفش ..ههههههههه

المهم شوي شوية راح النور قاطع ... راح مولع شمعة وقعد يحلقلي ههههههههههههههه

المهم رحت ميدان لبنان ركنت العربية عند بتاع الجرايد ونزلت
جبتلي أيس كريم بطعم الليمون من عند جلاتي عزة وركبت العربية شغلت لقيت واحد اسمو اسامة منير
وبنات بتكلمو ، والي تقلو حبيبي دحك عليا وسقط الواد ومش عارف ايه ... حبت كلام كده يكسف ... ويدحك لأن كل ده ولسه مجوزهاش ... وهيا طالعه كده على الهوى تحكي فضيحتها

المهم أتسليت ... عامة أكيد لازم ننسق مع بعضينا ونعمل مقابلة للتيوتاوية حتى أبل المعرض مش مشكلة علشان
نستفيد من خبرات بعضينا .

عارفين الي يفهم سستم ونظام اليارس هيكتشف انها عربية بسيطة جداً بتقنية عالية ... وجودتها ومتانتها في بساطتها ،وهما صمموها علشان تبقى بديل للعربية تويوتا تيرسل ... وتحل محل الكورولا ... علشان هما يبتدو يكبرو في الكورولا ويخلوها عربية عائلية واسعة ... وكانت فكرة العربية التويوتا
تيرسل انها تكون عربية عملية تسير وتسير بأقل التاكاليف . والي تستغربلو ان حجم اليارس = حجم التويوتا كارسيدا

يعني العربية مش صغيرة أبداً أبداً ... ولكن بتوحيلك العربية انها كتكوووته ، في حين انها دبدوبة كده صغيرة ... وتعالة وقفها جمب الشاهين هتكتشف ان الشاهين جمبيها عبارة عن
فسوة صغيرة ... تعالو وقفوها جمب البيجو 405 او 504 ...
نفس الحكاية ... بجد بجد العربية دي بحس معاها احساس
غريب كأنها فعلاً حته مني ... وبفكر اتصل على اسامة منير
وأقلوو أني بحبها ههههههههههههه

طبعا اللى GPS اللى حضرتك عايزه ده احسن حاجة واشيك كتييير لانه بيحل محل الكاسيت وبتحس اكنه مدمج في التبلوه بتاع العربية وبيدي شياكة ومنظر جميل جدا

انا بالنسبة ليا الشاشة كدة كدة مش باينة اوي ومحدش هيركز معاها لانها تعتبر اكنها مكان الكاسيت فبسبها مكانها لا بغطيها ولا حاجة لان محدش هياخد باله منها غير واحد يدخل راسه جوة العربية ويدقق غير كدة مش هيشوفها

ووالله كلك ذوق يا باشا انا قريت المسج بتاعتك وطبعا كنت اكيد قبل مانزل اتحرك هاتصل بيك او ااكد عليك لكن والله ده ذوق جدا من حضرتك انك تروح في المعاد خوفا من اني اكون ماشفتش المسج بتاعتك ربنا يخليك من ذوقك

والياريس والله عربية محبوبة جدا سبحان الله ماشفتش حد معاه ياريس الا وكان بيحبها ومتعلق بيها يعني انا ملاحظ ان حضرتك معاك كورولا وماتركس لكن اغلب كلامك واهتمامك عن الياريس اكنك مش معاك غيرها

وانا هكتب موضوع دلوقتي في قسم التويوتا عن المقابلة ويارب نلاقي تفاعل !