الموضوع: 60الف يجيبو ايه مستعمل او جديد والباقى قسط

المشاركة الأصلية كتبت بواسطة ahmed_kot88

يعنى ايه كلاسيك
كان فى واحد معاه بومه فل اوبشن 1300 مانيوال تقريبا هى 2005 او 2004 تعمل كام

الكلاسيك يعنى من غير فتحة سقف ولا عتب ولاسبويلر يعنى العربيه من غير الاكسيسوارات الخارجيه
وعلى فكره فتحة السقف موجوده فى السبور والسوبر أكشن

معنديش فكره والله تعمل كام بس ياريت تخليك فى ال1600سى سى
وانتظر باقى أراء الأخوه الأفاضل

لوجان زيرو ان شاء الله
اتوكل على الله لو مش فارق معاك الاتوماتيك وهات المانيوال والفرق 10 الاف جنية ممكن تشتريها كاش زى ما حصل معايا
مضيت كمباليتن 5 × 5 مع التوكيل وخدتها بتمنها

او هات الاتوماتيك لو فارق معاك وقسط 20 الف براحتك

المشاركة الأصلية كتبت بواسطة ahmed_kot88

يا ريت اللوجان ممتازه سواء مانوال ولا اوتومتيك لكن انا فى الاقاليم ومفيش حد هنا بيفهم فيها وكمان قطع الغيار جوه التوكيل وبره غاليه ومش موجوده هنا وده هيتعبنى خاصة ان دى اخر فلوس معايا بالاضافه للقسط

هى الوجان طبعا الاختيار الافضل عمتن اى عربيه جديده لازم اول سنه على الاقل ان لم يكن اول 3 سنين لازم تعامل معه التوكيل علششان تحافظ على الضمان فى كل الحالات لزم يكون فى عربيه فى مركز خدمات عندك

عمتن لوجان اوتماتيك معايه مشاء الله عربيه جميله وانا من المنصوره يعنى اقاليم زي بعض وجمبى مركز عدوى هنا مركز معتمد من رينوا لو ده هيحل ليك المشكله وعمتن اتمنى ان رينوا يعتمده مركز او يفتحه مركز قريب منكم لان بجد حرام الشرقيه تحرم من عربيه جميله زي دى

عمتن ممكن تكتب تسال عن اقرب مركز معتمد ممكن يكون فى مركز معتمد جمبك وانته مش واخد بالك
فى صفحة رينوا مصر
Renault Egypt | Facebook

وربنا يوفقك لما فيه الخير لكن نصيحه لو هتجيب عربيه قسط خليك فى الزيروا صع تدفع اقساط وتدفع صيانه لعربيه اله لو كانت حاجه انته عرفها وضامنها وربنا يوفقك لعربيه تريحك

تحياتى
محمد رسمي