الموضوع: نفسى اعيش واشتغل فى اسرائيل !

المشاركة الأصلية كتبت بواسطة maserati

السلام عليكم و رحمة الله و بركاته

طبعا, مش لدرجة اسرائيل, ممكن تروح بلاد تانية كتير.

و أنا من رأيى أنك تسافر و تبعد لحااااااااااااااااااااااد ما الدنيا تتصلح, ده ان اتصلحت, أما أنك تقعد فى البلد عشان بتحبها, أو لأنك حاسس أنها بتاعتك, مش بتاع حد تانى و الكلام ده -مع احترامى الشديد جدا ليه- مابيأكلش عيش, الحياة عاوزه اللى يدوس على أحاسيسه و يجمد قلبه و يديها, و أحسن ناس فى الحاجات دى اللبنانيين و السوريين, بيقولك, بلدى هى البلد اللى فيها مصارى (فلوس), لكن المصرى اللى بيسافر و يفضل عنده الاحساس بالغربة و البرد و الساقعة و يفضل عايش فى دور الاكتئاب و الهم و الغم و بينام و يقوم يفكر فى اليوم اللى هيركب فيه الطيارة و يرجع مصر و كل مايشوف طيارة طايرة فى السما قلبه يرفرف و الدموع تنزل من عينه و يتمنى أنه كان فيها و كده و الكلام ده, اللى عايش كده هيضطر أنه يفضل قاعد فى مصر طول عمره و يفضل هوا و الأجيال التالية كووووووووولها تعانى و تعانى و تعانى, حتى تنتهى الحياة.

سافر مكان, يكون فيه مستوى الbasic life بالنسبة لمصر و للى فى مصر, luxury, هتلاقى نفسك سعيد و مبسوط.

لما ربنا يكرمك و تسافر أميركا مثلا و لا أى بلد محترمة -يعنى مش الخليج طبعا- و ربنا ييسرلك الأحوال و تشتغل و أمورك تتظبط و تلاقى أن الmercedes s430 مو 2006 ب 16000 دولار -لأننا فى منتدى سيارات بأه- و أنك لما تشتغل, هتقدر تشتريها و تبقى بتاعتك و تركب فيها أنت و أسرتك و تستمتع, هتشعر بالسعادة و لما تزهق من العربية, بيعها و هات الbmw 750li مو 2007, ب 23000 دولار, و عيش حياتك و اتمتع, هتقرف نفسك ليه, الحياة حلوة, بس احنا اللى واخدين على القرف و الغم لأننا عايشين فيه من ساعة ماتولدنا, لدرجة أننا بقينا بندور عليه و نروحله و لما مانلاقيهوش, نحس أن فيه حاجة ناقصة و نفضل قاعدين تعبانين و مقلقين.

و لما ربنا يكرمك و تاخد جنسية أجنبية محترمة غير الجنسية المصرية و تحصلك -لاقدر الله- مشكلة فى مصر, هتلاقيهم باعتين طيارة عسكرية تاخدك و ايااااااااااك حد يفتح بقه و لا يتنفس.

أنا قربت أصدق اللى كان بيقول الكلام اللى مكتوب على الباسبور الأميركى و البريطانى و الكندى, فاكرين الموضوع بتاع جيوشنا و أسطولنا من أجلك و آخر جندى و الكلام ده, اللى ناااااااااقص فعلا أنهم يكتبوه بصحيح, بس هما مش محتاجين يكتبوه, لأنهم فعلا بينفذوه, هيكتبوه ليييييييييييييه, الأفعال تتحدث, لا الأقوال !!!!.

أما حكاية أنك مش هتعرف قيمة بلدك الا لما تسافر, فأنا بقالى كتير مسافر و بصراحة عمرى ماحسيت أن البلد قيمتها اتغيرت يعنى و لا حاجة, أكيد الموضوع ده فيه اختلافات بينية بين الناس طبعا.

هي ديه كل المشكلة عربية و مرتب و ريش نعام و الحياة تبقي زبادي في الخلاط هو ده المطلوب ؟؟ مش هقولك غير ( اخششنوا فأن النعم لا تدوم )
كل اللي محتاجينه شوية تظبيط للبلد و تظبيط لعقول الناس الأول و كل حاجة هتبقي كويسة
معاك اننا متبهدلين و يمكن بعض الناس بتتبهدل نظرا ان مكنش فيها اهتمام بينا لكن زي مقولت الارض ملهاش ذنب بافعال الناس
و الناس اللي بتدور ع الفلوس زي اللي بيقول بلده اللي هي فيها فلوس يعتبروا مرتزقة
و اللي يسيب بلده و ينساها عشان الفلوس اكيد مش هيبقي صعب عليه ينسي اهله لأنه كده كده نسيهم من ساعة ما نسي بلده و مش بعيد يغير دينه عادي جداااا و لا كان فيه حاجة طالما فيها فلوس

ربنا يهدينا و يهدي الجميع ان شاء الله