وأسفاه سيارة رائعة لوكيل غائب عن توكيله

**crazylambada** · 04-06-2008 11:26 AM

يا جماعة التوكيل معذور
كان بينش وفجاة بقى يمتلك اكبر سيارة مبيعات في هذه الفئة
يعني التوكيل كان حلو قبل الاوكتافيا
و اكبر دليل خش مراكز الصيانة حتلاقيها 90 في المية
سكودا اوكتافيا A5 موديلات 2006 و 7 و 8
و الباقي موديلات تانية

**iBiZa** · 04-06-2008 11:44 AM

المشاركة الأصلية كتبت بواسطة crazylambada

يا جماعة التوكيل معذور
كان بينش وفجاة بقى يمتلك اكبر سيارة مبيعات في هذه الفئة
يعني التوكيل كان حلو قبل الاوكتافيا
و اكبر دليل خش مراكز الصيانة حتلاقيها 90 في المية
سكودا اوكتافيا A5 موديلات 2006 و 7 و 8
و الباقي موديلات تانية

مع حترامى طبعا لرأيك, دة مش عذر.
طالما باع بالاعداد دية كان المفروض يفتح مركز تانى اكبر او يعمل فرع تانى.
انا عندى 2 من اصحاب بيشتكوا مر الشكوى من التوكيل رغم انهم بيحبوا العربية جدا.

**crazylambada** · 04-06-2008 11:50 AM

هي مشكلته الزحمة بس
و هو اكيد حيفتح مراكز تانية
تخيلوا واحد صغير وفجأة كبر
حيقعد شويا لغاية ما يتظبط

**iBiZa** · 04-06-2008 11:57 AM

المشاركة الأصلية كتبت بواسطة crazylambada

هي مشكلته الزحمة بس
و هو اكيد حيفتح مراكز تانية
تخيلوا واحد صغير وفجأة كبر
حيقعد شويا لغاية ما يتظبط

ماهو كان عندة سنتين اهوة من 2006 - 2008 لو كان عايز يفتح كان فتح.

**crazylambada** · 04-06-2008 02:13 PM

اصل هو خصبا عن عينه حيفتح
لانه مش حيلاقي مكسب قدامه و يرفض

**mharidi** · 04-06-2008 09:17 PM

الأصدقاء الأعزاء
تحية طيبة
بداية أشكر كل من ادلي بدلوه في هذا النقاش
ثانيا كان الغرض من هذا الموضوع هو أن يقرأ مسئولي الشركة الكرام ما يحدث حاليا في التوكيل و يقوم أحد الغيورين منهم بالرد علي أو علي الأقل المسارعة في تطوير المركز و الله أعلم أن كانوا يشاهدون هذا الموقع القيم أو لا يهتمون
ثالثا بخصوص المراكز الجديدة فكل من سألته قال إن شاء الله نهاية 2010 طب فين الله أعلم و بصفتي مهندس معماري أقول لسيادتهم أن تجهيز فرع صيانة بكافة منأته و تجهيزاته لا يستغرق كل هذه الفترة و لا نصفها و أعتقد أنه كلام في الهواء
رابعا حتي لا أكون متجنيا عليهم فبرجاء من يذهب للصيانة قريبا يفيدنا بتطورات الحال
و أخيرا و ليس أخرا أشكر كل من تداخل في الموضوع و خاصة صديقي العزيز نادر نبيل و شكرا لتكبده عناء التواصل معي و برضه الإسكودا سيارة رائعة بمعني الكلمة:party: و لو اضضررت لعمل الصيانة في التشيك أو اوكرانيا و شكر ا لكم جميعا نعم الأصدقاء

**mohamedmostafa** · 09-06-2008 11:13 AM

انا معاك ومجرب اللى انت بتقوله من مش هاقدر اقول سوء معاملة ولكن هى لا مبالاة وكسل فى تقديم الخدمة كعادتنا احنا المصريين عمرنا ما هانبطل نظام فوت علينا بكرة بغض النظر عن اوقات العملاء المخصصة لمثل هذه الاشياء وبغض النظر عن مكان التوكيل اللى يقرف وانا مع الاخ محمد عبد الجواد وبارشح لحضرتك مركز الصيانة اللى فى العبور انا جربته وفعلا اريح وغير كدة انت شايف عربيتك بيحصل فيها ايه من صالة الانتظار البانوراما على الورشة وكمان فى وهدان فى المهندسين خلف مطعم نعمة دا ممتاز وعنده اجهزة والله اعلم هى اللى المفروض تكون فى التوكيل لو عندهم يعنى والله المستعان .

**NaderNabil** · 30-06-2008 07:46 PM

يوم السبت الفائت قمنا بالتوجه لتوكيل سكودا...كنا هناك الساعة الثامنة صباحا...و كنا رقم 5 في الطابور

الاستراحة الكبيرة اللي فوق لسه ماخلصوش التشطيبات اللي فيها...و عاملين تحت قاعة جديدة مكيفة و مريحة و ديه صورتها:

فعلا كان هناك بعض القطع مثل تيل الفرامل الخلفي غير موجودة بالمركز و كان المهندس يطلب من العملاء التوجه للمحلات امام المركز لشراء هذه القطع.

بس عموما الخدمة كويسة و المهندس قالنا قدامكم 3 ساعات و فعلا اخدنها بعد 3 ساعات و ربع:)

**mharidi** · 01-07-2008 08:42 PM

الأخ العزيز نادر نبيل
تحية طيبة
مر شهر علي كتابة هذا الموضوع كما تتذكر و لقد وعدتني بكتابة ملاحظاتك عن زيارتك القادمة للتوكيل و ها انت تذكر ما حدث و الذي لم يختلف كثيرا عن حال المركز من شهر عدا أنهم قد من الله عليهم و استطاعوا أن يقوموا بعمل جمعية علي مدار شهر لشراء تكييف للإستراحة البديلة و نحمد الله علي أن بعض الإحساس قد وصل إليهم و لكن سيادتك لم تقص علينا هل من الله عليهم بحمام أم ما زال مرحاض الأمن هو المتاح و يا صديقي و أخي هل تري أن يطلب من العميل شراء قطع الغيار من الخارج أمر جيد أم أنه توكيل فاشل فاشل بمعني الكلمة يا صديقي تيل الفرامل الخلفي غير موجود من شهر وواضح انهم يقومون بإستيراد قطع الغيار عن طريق رأس الرجاء الصالح أو القطب الشمالي و أخيرا هي سبوبه ربنا رزقهم بيها و شكرا و لا عزاء لنا
و في الختام لك تحياني و طمنا عليك وشكرا للتواصل