الموضوع: سبحان الله بقالها معايا اربع شهور ومعرفش عنها حاجة !!!!

المشاركة الأصلية كتبت بواسطة tameraast

لو ماتورك 1300 سى سى هيطلع 92 حصان و 130 تورك
2004 فيها واحد اير باج
عايز الثيات يزيد جتط 16 على 205 و هيا تاخد 17 بس حط 16 على 205 على 50
اختياراتك
البيجو صغيره
i 30
لا تمت بصله للالنترا لانها مصممه لاوروبا و بالتحديد فى مركز هيونداى فى المانيا لانها فى الاساس بتستهدف السوق الاوروبى ثباتها لو بجنوط 17 جيد جدااا
الدايهاتسو سيريون تعتبر تويوتا بس هاتش باك بتنزل 1000 سى سى و ده ايعد عنه
1300 مانوال طلقه لو مانوال 1500 و ده ماتور جاحد و بتنزل ب 2 اير باج و ايه بى اس ثيات اقل من الى ثيرتى
و بتنزل اوتو بس و بطلت تنزل اصلا :)
افضلهم الاى ثيرتى شرط انها تكون هاى لاين او كامله اوتو ب 2 اير باح و ايه بى اس لو من غير هتبقى النترا مع تعديل الشكل
اسوء الاختيارات البيجو
صغيره
ماتور ضعيف توعا ما
ثبات جيد
مفيش اى اوبشن

بالفعل انا الماتور 1300 سي سي ولو بالفعل بيطلع 92 حصان يبقي كويس جدا بس حضرتك متاكد انه 92 يعني مش فالثمنينات حاجة و 80 يعني ؟
ووجهة نظر حضرتك تحترم جدا وفعلا مش عارف اغير مع العربية ثابتها سئ فوق ال 120 فقط وكمان لما بيقل لما بكون لوحدي وحجم العربية بس مخدتش عليه ومعلش اني تعبتك وشكرا للردك وتعبك
تحياتي

المشاركة الأصلية كتبت بواسطة me_medoo

معلش ياباشا أمسحها فيا أننا أتأخرنا عليك بالرد ... وده بسبب الاجتمعات والندوات بتاعت قسم تويوتا ده غير المؤتمرات .

حقيقةً حقيقةً أنتا هزيت مشاعرنا ، لأنك قلت على الكورولا مش ثابتة ... وانا من ساعة ماقريت الموضوع أتهزت مشاعري لدرجة أني هطر أروح التوكيل علشان يرجع يربطها بعد ما فاك فكت مشاعري ... وأحاسيسي .

موضوع الثبات ده ياباشا نسبي وبيختلف من شخص لشخص ... حضرتك بتتكلم على اني سرعة 120 ولا 140 ولا 200 ولا 220 كيلو

وهل تقصد في السرعات ولا في المنحنيات ولا في الغرز ... رغم اانا نفسي اعدي عليك واخدك جولة كده بعربيتي علشان تلاحظ أنك ظلمت الكورولا ... والمثل بيقلك يا باشا .. علشان تعرف خيري جرب غيرررري .... بس ممكن يكون عربيتك حالتها محتاجة طربية او صيانة محترمة .. أو ممكن تكون واخد فيها عين ونفسك قايمة منها ... بتحصل صدقني ، فانصحك في الحالة دي لو في حد من صحابك عندو اي ماركة تانية قولو ممكن أخود بيها لفة وأسوقها شوية جرب تسوق اللوجن او الانوس او الماتريكس او النيسان تيدا صني أي حاجة انشالله حتى فيرنا ... وانتا هترجع لعربيك جري وتبوسها من خدودها من هنا ومن هنا ... هتقلي العربية ملهاش خدود . لأ في بوس الرف رف اليمين والرفرف الشمال بوسة من هنا وبوسة من هنا وهبتوس راسها الي هو السقف بتاعها وتقول ياحبيبتي يا عرررررررررربيتي .

ده اانا كنت ظلمك واللهي ... وتحياتي .
أه لازم تقرى أية الكرسي وقل أعوذ برب الفلق 3 مرات قبل قيادة السيارة علشان ربنا يحميك ويحميها من العين والحسد . وتحياتي كمان مرة .

يا باشا كفاية انك نورتني انا مستني ردك الي بجد ضحكني لانك بتحب العربية فعلا
كل الموضوع اني لسه مختش علي حجم العربية فحنيت للعربيات الهتشباك الصغيرة والثبات اقصد فوق 110 كده وخصوصا اني ساعات كتير ببقي لوحدي والعربية مش محتاجة شئ العيب يمكن فيا لاني بحب العربيات الواطية عالارض ولوني بحترمها جدا مش عارف اكبر الجنط وكده واجرب ولا اوفر الفلوس واغير لحاجة من الاختيارات الي قولتها ومعلش اني تعبتك معايا بس بجد كنتي مستني رائيكم لاني بحس انه كلام اخوي والله ونصيحة لله والعربية الي معايا بفضل الله 83 الف كيلو يعني مش متهانة بس كان تعليقي عالثبات فالسراعات العالية والحجم شوية
معلش طولت عليكم بس بيشرفني ردكم والله عليا ...

المشاركة الأصلية كتبت بواسطة ahmed1006

بالفعل انا الماتور 1300 سي سي ولو بالفعل بيطلع 92 حصان يبقي كويس جدا بس حضرتك متاكد انه 92 يعني مش فالثمنينات حاجة و 80 يعني ؟
ووجهة نظر حضرتك تحترم جدا وفعلا مش عارف اغير مع العربية ثابتها سئ فوق ال 120 فقط وكمان لما بيقل لما بكون لوحدي وحجم العربية بس مخدتش عليه ومعلش اني تعبتك وشكرا للردك وتعبك
تحياتي

اه يا باشا متأكد لان التويوتا نزلت من اول 2001 ل 2007 ب 1300 سى سى بأختلاف تزوده ب vvti من 2005
كلهم 92 حصان و 128 تورك بالظبط

المشاركة الأصلية كتبت بواسطة tameraast

اه يا باشا متأكد لان التويوتا نزلت من اول 2001 ل 2007 ب 1300 سى سى بأختلاف تزوده ب vvti من 2005
كلهم 92 حصان و 128 تورك بالظبط

ربنا يخليك يا باشا علي اهتمامك وتأكيدك للمعلومة
وحضرتك قولت عيوب صناعه فى السسبنشن بالذات ممكن اعرف ايه معانها معلش مش فاهم الجملة دي او العيب ده وانا عموما كنت بتكلم فالاختيارات عن سيريون 1300 سي سي مش 1000
ونورني ردك عليا يا باشا

المشاركة الأصلية كتبت بواسطة me_medoo

ياباشا ده انتا الي منورنا هنا واللهي ... أخ عزيز وغالي ... بس يافندم مدام وصلت للتويوتا ... تبقى وصلت لحلم أي شاب مصري أصيل ... حلم كل الشباب ... الي تلاقيهم ماسكين كده ابرشور بتاعها والكتلوج بتاعها بالسعات وبالايام ... قاعدين بس بيزكروو ملامحها وجمالها ويحملو بيها ... وتلاقيهم بيدعو ربهم يارب كورولا يارب كورولا زي الي مستني مراتو تخرج من اوضت العمليات وهو عمال يقول يارب ولد يارب ولد ههههههههههه ومراتو داخله تعمل عملية الزايدة هههههههه

ياباشا ... ده كفاية وانتا رايح تتقدم لأي وحده والبت تكون رفضاك تلاقي أمها أول حاجة تقولها ياااااااااااااااااابت أعقلي ده معاه كورولا ... يعني ركيب يعني عريس لقطة ... هتلاقي فين بس واحد عندو كورولا ولا عاجبك عمااااااااد بتاع الفيرنا .

ههههههههههههه ما احترامي لعماد ... ياباشا أنتا معاك جوهرة كل ماتلمعها كل ماتلمع كده وتزغلل في عنيك ... وكل ما تدلعها ... تديك عنيها واللهي ... العربية من الاخر برستيج وقوة ومتانة ... وشوية شوية شخصيتك بتطبع على العربية بمعنى ايه بأه ... بمعنى هتلاقي نفسك من غير ما تحس أنسان عملي وصبور ومكافح ونشيط وحركي ... ده كفاية وانتا نازل منها تلاقي ألف ألف تعظيم سلام وتحية ، وأهلا وسهلا ياباشا ... وأتفضل ياباشا ... شرفت ونروت ياباشا ... عاوز أكتر من كده أيه بس ياباشا .

نصيحتي بأه وبما أن عربيتك بسم الله مشاء الله .... موديل 2004 وماشية 83000 بسم الله مشاء الله يعني مش متهانة ... كل ماعليك دلوقتي بأه تبتدي تضبطها تدلعها ترونشنها ... عليك بطقم جنوط على حتت اسبويلر على طقم فرش جلد من عند جينز كار ... على فوانيس عدسات ولديات على طقم زينون واعمي الي قدامك انشالله معن حد حوش يابيه انتا راكب كورولا ... على طقم شمسات ... على طقم dvd على طقم gps ... وانتا تلاقي العربية دي بأت وحدة تانية خالص بقت أحلى من هيفاء وهبي ونناسي عجرم ..

عربية ركوبة ومع الوقت بتلاقيها عشرة ... وتخاف عليها زي اي حد من عيالك ... يعني تصور تبقى قاعد في البيت وتسمع بس مجرد سمع عربيتك بتعيط وجهاز الانزار قاعد يصوصو تلاقيك على طول تلبس وتنزل جري عليها وتقولها مالك يابابا مين زعلك ووتجري عليها تشوفها بتعيط ليه .... لو شفت واحد بس مريح مريح عليها ولا ساند تبص تلاقيك هتنزل هتكلو بأيدك وأسنانك ... وتبهدلو وتقلوا مش حرام عليك تقعد عليها ... طفلة صغيرة تقعد عليها وتفطسها ... صدقني العربية دي بتبقى مع الوقت عيل من عيالك .

واللعب كلو والدلع كلو في الكورولا واسئلني انا ... هيا محتاجة بس لمساتك الجميلة وحنيتك عليها ... وهتلاقيها زي الخاتم في صباعك ... والناس كلهااااااا تحسدك عليها ... وربنا يحميك ويحفظك من شر الطريق وشر العين وشر البهايم ويستر طريقك ... يارب ... ونورتنا ياباشا في المنتدى .

والله العظيم انا ما عارف اقولك ايه انت كلامك كله عسل والله
ويا سلام عليك وانت بقول لما تتقدم لعروسة هههههههههههههههههههههههه
ربنا يخليك يا باشا ويبارك فيك علي كلامك الجميل ده وفعلا هتخليني احبها بجد علشان كلامك الحلو ده وافكر فاني ادلعها بجنوط وكده يمكن يخلي شكلها شبابي شوية علشان بحس انها للناس الكبار اما الشباب لا
وبجد والله ما تبخلش بكلامك الي زي العسل ده علينا نورتني