الموضوع: أيهما أفضل إلانترا 2005 والا سيراتو 2005

المشاركة الأصلية كتبت بواسطة حماده المصري

العربيتين زي بعض بالضبط في معظم قطع الغيار

خصوصا الموديل ال 2005 نفس المتور

لو سيراتو 06 او 07 او 08 هتبقى متور الالنترا ال 2007 ف هتبقى افضل من الالنترا في الناحيه دي بس

في السيراتو فيها موديلات بايرباج واي بي اس وفتحه سقف بس سعرها في الغالب 75 الف

الفرق الوحيد في العفشه الالنترا فيها ميزان امامي والسيراتو مفيهاش

وان كنت بميل ل شكل السيراتو من برا وجوه احلى من الالنترا بصراحه مع اني كنت بمتلك النترا

شكرا ليك ع الإفادة
بس نسيت تقولي بما إنك كان معاك إلانترا إيه أخبار فراملها هل فعلا ضعيفة والا مجرد إشاعات كالمعتاد

[QUOTE=ma7amadk;3874154565]شكرا ليك ع الإفادة
بس نسيت تقولي بما إنك كان معاك إلانترا إيه أخبار فراملها هل فعلا ضعيفة والا مجرد إشاعات كالمعتاد[/

خاااالص فرامل الالنترا قوية جدا خصوصا الاتوماتيك منها

[QUOTE=mudengineer;3874154587]

المشاركة الأصلية كتبت بواسطة ma7amadk

شكرا ليك ع الإفادة
بس نسيت تقولي بما إنك كان معاك إلانترا إيه أخبار فراملها هل فعلا ضعيفة والا مجرد إشاعات كالمعتاد[/

خاااالص فرامل الالنترا قوية جدا خصوصا الاتوماتيك منها

أنا أقصد الـ 2005 خاصة مش الالنترا عموما

والله بالنسبه للكوري كله فرامله في الضياع ماعدا ممكن الموديلات الجديده من النترا وسيراتو


بس عموما هي فراملها كويسه خصوصا لو تيل فرامل اصلي وكاوتش نوعه كويس التيل في السوق ب 250 اصلي وفي التوكيل ب 350 للاسف وكل حاجه العربيه متوفره في شارع دمشق عند اكتر من حد

لا للاسف كل الكوري بينزل بكاوتش تعبان الى هو كومهو نيكسن هانكوك الى اخره كل دول بيساعدو ان الكاوتش يتزحلق والفرامل تقفش

طبعا لازم تخلي بالك وانت بتشترى من الفتيس الاوتوماتك لانه الموديلات دي فتيسها لو هنته وكبرت دماغك زيت وفلتر الفتيس بيبوز

لازم ميبقاش فيه هبط وانت بتنقل من p to r or from n to d لان اي هبد معناهش كبالن داخليه ودي استيراد من 250 ل 500 كامله الجوز والناحيتين يفضل وانت بتشترى تكشف عند اي مركز معتمد بالكميوتر بيعرف6 اذا الفتيس في اخطاء او لا

ثباتها جميل وعفشتها في النقر والمطبات حلوه بس لازم يبقى كاوتش نضيف لو اي كلام بتحس انك راكب ركوبه تانيه خالص

انا موضوع الكاوتش عاملي عقده شويه لان من اكتر الحاجات الي مبهدله العربيات الكوري الكاوتش والناس مش فاهمه والعفشه بتتهان بسرعه ومش واخدين بالهم

انا كنت جايب النترا ب كاوتش ميشلان تعبان جدا غيرته ب كومهو جديد تخيل الميشلان التعبان انضف

وراي لو ميزانيتك عاليه لل 75 او 80 خليك في سيراتو فوق 2006 هتلاقي منها فوول اوبشن

المشاركة الأصلية كتبت بواسطة sehsss

موديل الالنترا 2005 ممتااااااااز.. وخلي بالك إن الموضوع بتاعك هايتنقل قسم المقارنات

العربية دى بحترمها جدا عليها فوانيس تحس إنها من بى إم مش هيونداى

انا ممكن افيدك بالنسبة للانترا 2005 علشان كان معايا نفس الموديل ، اشتريتها زيرو فى شهر 4/2005 و بعتها فى اول 2010

المميزات :

واسعة من جوه و الشنطة اتساعها كويس
تكييف ممتاز انا كنت راكبها فى السعودية فى درجة حرارة 50 و التكيف شغال على طول عمرى ما قفلته ( بيتشتغل مع الكونتاكت)
ثابتة و متزنة فى الملفات الى حد كبير بالنسبة لاى عربية كورى
صاج جامد و عفشة بتستحمل
العربية الى كانت معايا كانت اصيلة قعدت خمس سنين معملتش فيها غير تغيير بوجيهات و فلتر هواء بس و بعد 10000 كم بطلت اعمل الصيانات ، بس تغيير زيت و فلتر فى البنزينة
سعر اعادة بيع كويس

عايز اقولك ان نص التاكسيات فى السعودية النترا الشكل بتاع 2005 و بتبقى ماشية فوق 300 الف كم و عادى مفيش مشاكل


العيوب

فراملها فعلا مش قوى
موتورها خشن و صوته عالى
شكلها كئيب من جوه ( شكل التابلوه و العدادات يسد النفس )
دركسيونها كبير و شكله مقرف
استهلاك البنزين كان اقل من 200 كم صفيحة ( كنت باستعمل بنزين 95 - فى السعودية ب 60 هلله بس!!!- لتر البنزين 95 ارخص من زجاجة المياه )

المشاركة الأصلية كتبت بواسطة حماده المصري

والله بالنسبه للكوري كله فرامله في الضياع ماعدا ممكن الموديلات الجديده من النترا وسيراتو


بس عموما هي فراملها كويسه خصوصا لو تيل فرامل اصلي وكاوتش نوعه كويس التيل في السوق ب 250 اصلي وفي التوكيل ب 350 للاسف وكل حاجه العربيه متوفره في شارع دمشق عند اكتر من حد

لا للاسف كل الكوري بينزل بكاوتش تعبان الى هو كومهو نيكسن هانكوك الى اخره كل دول بيساعدو ان الكاوتش يتزحلق والفرامل تقفش

طبعا لازم تخلي بالك وانت بتشترى من الفتيس الاوتوماتك لانه الموديلات دي فتيسها لو هنته وكبرت دماغك زيت وفلتر الفتيس بيبوز

لازم ميبقاش فيه هبط وانت بتنقل من p to r or from n to d لان اي هبد معناهش كبالن داخليه ودي استيراد من 250 ل 500 كامله الجوز والناحيتين يفضل وانت بتشترى تكشف عند اي مركز معتمد بالكميوتر بيعرف6 اذا الفتيس في اخطاء او لا

ثباتها جميل وعفشتها في النقر والمطبات حلوه بس لازم يبقى كاوتش نضيف لو اي كلام بتحس انك راكب ركوبه تانيه خالص

انا موضوع الكاوتش عاملي عقده شويه لان من اكتر الحاجات الي مبهدله العربيات الكوري الكاوتش والناس مش فاهمه والعفشه بتتهان بسرعه ومش واخدين بالهم

انا كنت جايب النترا ب كاوتش ميشلان تعبان جدا غيرته ب كومهو جديد تخيل الميشلان التعبان انضف

وراي لو ميزانيتك عاليه لل 75 او 80 خليك في سيراتو فوق 2006 هتلاقي منها فوول اوبشن

كلامك فعلا مظبوط.. نوع وجودة الكاوتش بعتبرها من أهم الحاجات في العربية والمكملة لدايرة الفرامل
وبالنسبة للاتوماتيك انا مليش فيه أصلا ومش بدور غير على مانيوال... ومن الأسباب اللي خلتني أصرف نظر عن المازدا 3 اني مالقتش منها مانيوال :d
وبالنسبة للميزانية فهي كانت في التمانينات بس دلوقتي بقت في حدود 60-65 لظروف استجدت حاليا
ودايرة البحث ضاقت لحد ما وصلت للعربيتين دول ومتحيز بصراحة للالنترا بس خايف من موضوع الفرامل ده
عشان في كلمتين بيرنو في دماغي بقالهم سنين
كااااااااارك..... دوووووس .... كااارك .. دوس :d