تقييم النترا 2012 من خلال تجربتك وقيادتك لها بعد وجودها أكتر من ست شهور في الأسواق

**mohamedkordy** · 17-03-2012 03:19 AM

المشاركة الأصلية كتبت بواسطة se_coralsea

موضوع الثبات ده أقدر و بكل ثقة أقول لك أنه مش صحيح
و لسه عامل تقرير عن الموضوع ده من يومين و جربت العربية بنفسي علي طريق الاسكندرية / القاهرة الصحراوي وسط هواء شديد و السرعة وصلت الي 180 كم/ساعة بدون مشاكل

لكن أقدر أقول لك أن بسرعة 140 كم/ساعة مع أقصي شدة للعاصفة اللي كانت موجودة و برضه العربية كانت تحت السيطرة بشكل كامل

الموضوع اللي بأتكلم عنه أهو :
http://www.nilemotors.net/nile/277148-2012.html

اشك شكا كبيرا ورق ورق ورق وعن اربع تجارب والثبات مش معناه انك تجيب ٢٠٠ والهوا ميودكش يمين وشمال الثبات ليه معنى تانى خالص والا كنت حطيت طوب فى العربيه وقلت دى ثابته راجع مواضيع الثبات علشان تقدر تقيم العربيه ديه ثابته ولا لا ياراجل دا كلت بيها غرزه لقيت نصها اللى ورا فى حتا والقدمانى فى حتا تانيه خالص وتقولى ثابته على ١٨٠

**Samir Elshahawy** · 17-03-2012 10:42 PM

المشاركة الأصلية كتبت بواسطة mohamedkordy

اشك شكا كبيرا ورق ورق ورق وعن اربع تجارب والثبات مش معناه انك تجيب ٢٠٠ والهوا ميودكش يمين وشمال الثبات ليه معنى تانى خالص والا كنت حطيت طوب فى العربيه وقلت دى ثابته راجع مواضيع الثبات علشان تقدر تقيم العربيه ديه ثابته ولا لا ياراجل دا كلت بيها غرزه لقيت نصها اللى ورا فى حتا والقدمانى فى حتا تانيه خالص وتقولى ثابته على ١٨٠

ياريت يا جماعة حد يقول لنا معني ثبات العربية أيه
مش كل عربية هانطلع فيها القطط الفاطسة

180 كم/ساعة و هوا و ملفات و العربية تحت السيطرة و مابتلعبش
لكن فيه عربيات تانية و ماركات أوروبية و بيتقال عليها ثابتة و تقيلة و برضه أتقلبت في يوتيرن و موديل ألماني تاني شهير أتقلبت علي 180 في نفس الطريق اللي انا جبت فيه 200 بالالنترا
و عربية تاثة فرنسية الصنع و ماركة شهيرة و أتقلبت علي 120 كم/ ساعة في طريق كنت بأجري عليه باللانوس 170 كم/ ساعة

**BUNSH** · 17-03-2012 10:59 PM

المشاركة الأصلية كتبت بواسطة se_coralsea

ياريت يا جماعة حد يقول لنا معني ثبات العربية أيه
مش كل عربية هانطلع فيها القطط الفاطسة

180 كم/ساعة و هوا و ملفات و العربية تحت السيطرة و مابتلعبش
لكن فيه عربيات تانية و ماركات أوروبية و بيتقال عليها ثابتة و تقيلة و برضه أتقلبت في يوتيرن و موديل ألماني تاني شهير أتقلبت علي 180 في نفس الطريق اللي انا جبت فيه 200 بالالنترا
و عربية تاثة فرنسية الصنع و ماركة شهيرة و أتقلبت علي 120 كم/ ساعة في طريق كنت بأجري عليه باللانوس 170 كم/ ساعة

باشمهندس سمير ,, ريح نفسك ,, مواااااااضيع دية مهما قولت وعدت فية مفيهاش فااااااااااااايدة ,, عايزين يفهمونا ان عربيات هيونداى (عربيات اى كلام ومصنوعة من ورق كلنكس) مع ان مفيش حاجة كاملة (كمال لله وحدوا) ..

**Dr'AhmZZong** · 17-03-2012 11:25 PM

المشاركة الأصلية كتبت بواسطة Bunsh_Fox

(كمال لله وحدوا) ..

أحلى جملة في الموضوع كله

**ashouhdy** · 18-03-2012 02:08 AM

المشاركة الأصلية كتبت بواسطة mohamedkordy

انا كنت مره جايب ١٦٠ على طريق اسيوط الغربى وبعديت فتحت الشباك اللى جنبى كان معايا لانوس ٩٩ وكنت بستر ربنا ماشى العيمين واتجاه الهوا من اليمين للشمال والطريق فاضى. ولقيت العربيه نطت بقيت فى الشمال قفلت الازاز بسرعه وربنا ستر الحمد لله بس العربيه لما بحملها مبتفرقش معايا بس لو عربيه نقل عديت جنبى بتطيرنى بمعنى الكلمه

**esam_ayad** · 08-01-2013 01:10 PM

المشاركة الأصلية كتبت بواسطة svneleven

أنا عارف أن الموضوع قديم لكن فيه حاجة مهمة أنا لاحظتها أن الناس اللي بتشتكي من عدم الثبات كلها جربت الجنط ال 15. أنا معايا الجنط ال 16 و الله متعتي أني أخد غرز و ملفات علي سرعة عالية و بحس أن العربية زي العنكبوت بتفكرني بال فورد الفوكاس ال 2007. المشكلة الوحيدة هي الملفات علي سرعة جامدة مع وجود أحد فواصل الدائري أو الكباري. و أظن أن الجنط ال 17 هيكون حكاية لأنه أوطي و العجل أعرض.

أشكرك علي احياء الموضوع مره أخري وأؤيدك في معلومة الثبات لأن فعلا معظم الناس اللي اشتكت من الثبات كان عندنا الجنط الـ15 .

**yasserelshakwe** · 29-07-2013 11:24 AM

طيب يا جماعة انا عايش في السعودية وناوي اشتري الينترا موديل 2014 هاي لاين اتوماتيك
اشتريها ولا لأ واخبار التوكيل ايه ويا ترى هل في حد في القاهرة بيصلح الاتوماتيك الحديث خاصةً في صقر قريش في المعادي
مع الشكر وبرجاء الرد عاجلاً لأني ناوي اشتريها خلاص