الموضوع: فيات وللا فولكس

المشاركة الأصلية كتبت بواسطة aif

قبل الزواج الشرعي بين سيات و فولكس .... أكيد كان فيه فترة خطوبة :)

ايون معاك حق :)

معلش يا سبعاوي باشا سيات انضمت لمجموعة فولكس فاجن في اوائل الثمانينات مش من 1992 انما بداية الانتاج الفعلي اللي فولكس حطت فيه علاماتها كان الابيزا 94 انما من قبلها و سيات ملك فولكس ارجو مراجعة اللينك ده للتعرف علي تاريخ الشركة جيدا و معرفة متي انضمت تحديدا لمجموعة فولكس فاجن
http://www.nilemotors.net/Nile/showthread.php?t=22286

سيات انضمت لفولكس عام 1982 و انفصلت فيات عنها عام 1980 و حضرتك بتقول ان سيات malaga انتجت في منتصف الثمانينات يعني كانت تحت لواء فولكس فاجن فيات يعني سيات لما انتجت الموديل ده لم تكن تحت لواء فيات لان حضرتك قايل انها انتجتها في منتصف الثمانينات و فو اوائل الثمانينات تحديدا 1982 كانت تحت لواء فولكس فاجن و سيات من 1980 لما انفصلت عن فيات و ابرمت الاتفاقية بتاعة فولكس عام 1982 يعني الموديل ده مكانش تبع فيات اصلا و مكانش تلكيكة من سيات عشان تنضم لفولكس و هي لسه في قبضة فيات ولا ايه؟؟؟؟؟؟؟؟؟؟؟؟

عارفها و كان عندي اجزاءها و فضلت لازقه مش عاوزه تتباع و كانم عندي طقم الباب و يعني قربت احلف انه يركب علي الريجاتا كمان لانه بالظبط بنفس المقاسات و نفس الاسطمبه !... العربيه انا ماركبتهاش بس شكلها وحش :d

من اول صوره و باينه انها ريجاتا خالص بصراحه.

المشاركة الأصلية كتبت بواسطة sab3aawy

اولا حضرتك بتكلمنى كأنى خضت فى شرف المحروسة سيات ، يا أخى تولع سيات واليوم اللى عرفنا فيه سيات ولا انك تحرق دمك يا عم الحج، هى سيات كانت من بقيه عيلتنا، مفيش داعى خالص انك تتنرفز بالشكل ده

ثانيا حضرتك بتقول لى شوف اللينك ده فتحته لقيته موضوع انت اللى كاتبه، طب ما تقول اللى انت عايزه هنا وخلاص،

ثالثا فوكس فاجن لم تشترى سيات فى اوائل التمانينات، فولكس فاجن صارت اكبر مساهم فى منتصف الثمانينات و لم تصبح مالكة سيات سوى عام 1990 على الأقل، وومكن حضرتك تراجع اللينك ده ومش انا اللى كاتبه

http://en.wikipedia.org/wiki/SEAT

رابعا، حضرتك بتقول ان السيات مالاجا مالهاش علاقة بفيات : حضرتك ممكن تراجع اللينكات دى-وبرضه مش انا الل كاتبها- وممكن برضه تتسلى شوية بالبحث عنها على الشبكة العنكبوتية لتعرف ان السيات مالاجا هى فيات ريجاتا ولا شئ غير ذلك سوى فى اقتباس فوانيس الفولكس وهتعرف كمان ان سيات اوقفت الموديل ده لما فولكس فاجن اشترتها

http://en.wikipedia.org/wiki/SEAT_Malaga

http://en.wikipedia.org/wiki/Fiat_Regata


خامسا: اتعب نفسك ودخل على جوجل واكتب فى محرك البحثregata malaga وهتلاقى ان كل قطع الغيار اللى بتتباع للريجاتا هى نفسها اللى بتتباع للملاجا

سادسا : ارجع للصورة وبص على البروفيل الجانبى للسيارة ، يا راجل ده لو نطق هيقول انا ريجاتا

سابعا: اخونا expert وهو اكثرنا خبرة بالسيارات المقطعة وقطع الغيار بيقول ان ابواب الملاجا هى ابواب الريجاتا، وباعتبار انك عندك خبرة فى مجال العربيات يبقى اكيد انت عارف ان الأبواب بتبات على هيكل العربية الرئيسى وبالتالى طالما تشابهت الأبواب فالهيكل واحد والهيك هو اساس السيارة، يعنى مثلا لما الأتراك غيروا الشكل الخارجى لل131 شاهين من الشكل التقليدى لل 131 الى شكل الريجاتا غيرو الرفارف والشنطة والكبوت لكن مقدروش يلعبو فى شكل الأبواب او السقف او الزجاج الأمامى والخلفى لأن دى حاجات مرتبطة بهيكل السيارة ، ولو جبت باب بتاع 131 قديمة هيركب فى مكان باب الشاهين ويقفل(مع الاختلاف البسيط فى شكل الطبلة)

وعلى ذلك ارى انه مافيش داعى لحماس الشباب الزائد من ناحيتك ، لأنك بكرة لما تبيع الابيزا وتجيب بى إم دبليو مش هتكون متحمس اوى كدة لسيات

اول حاجة احب اقولهالك اني لا متنفز ولا حاجة اتنرفز علي ايه مش شايف داعي اصلا للنرفزة دي حاجة

تاني حاجة الموضوع اللي انا كاتبه دي مصدره موقع سيات الرسمي فيه تاريخها بالكامل من قبل ما تنشأ سيات يعني مش انا اللي جايبه من دماغي انا ترجمت و اضفت معلوماتي و طريقتي في الكتابة

تالت حاجة انا مقلتش انها مش شبه فيات ريجاتا بالعكس فيها شبه كبير جدا بس بعد ما فيات انفصلت عن سيات عام 1980 و سيات اصبحت مستقلة و بعد كده انتجت الروندا و كذا موديل تاني اطلع علي الموقع و اتأكد بنفسك انما بعد 1980 فيات مكانش ليها علاقة بسيات و الموقع الرسمي بتاع سيات بيأكد الكلام ده حضرتك اقرأ الهيستوري بتاع الشركة و شوف بنفسك

-مش هبيع الابيزا حتي لو فوتت..........و مش هجيب بي ام لو معايا ملايين............

مش عارف ليه رديت بالحدية دي في الاول انا لا كلمتك بنرفزة ولا حاجة انا قلت اختلافاتي معاك مش فاهم يعني ايه لازمة الدخلة الغريبة دي و خضت في شرف سيات و الكلام ده مش معني اني بحب سيات اني اتنرفز عشانها هي مش شركتي عشان ادافع عنها بالوصف اللي حضرتك قلته ده ولا اي شيء اصلا يستاهل اني احرق دمي عشانه مش ناقصة حرق دم يعني