حادثة فى MY Lovely M11 CAR

**katoba** · 06-03-2012 11:00 AM

السلام عليكم
امبارح نظرا لظروف اضطرارية اضطريت امشى على طريق المنصورة دمياط 6 صباحا فى الشبورة الصعبة بتاعت امبارح دى وكنت مشغل فوانيس الشبورة وماشى بهدوء ومتوخى الحذر لان تقريبا الشبورة مكنتش مخليا حد يشوف كف ايديه واذ فجاة الاقى قدامى ناس كتير قاطعين الطريق بسبب وجود حادثة عالطريق ميكروباص وموتسيكل شغلت انتظارى وهديت عربيتى لحد اما وقفت وكان ورايا واحد محترم هدى هوا كمان والحمدلله وقفنا بسلام واذ فجاة ييجى ميكروباص يخبط بسرعته الى كانت تقريبا 90 يخبط الى ورايا وبالتالى الى ورايا يخبطنى وكانت جامدة جدا لدرجة ان الناس الى كانوا قاطعين الطريق طاروا من قدامى وربنا ستر مخبطتش فى حد فيهم وعلى الفور اخدت سيارتى على الترابة الى فى الجنب اليمين وبدات السيارات تتوالى خبط ورا بعضه لدرجة ان الطريق كان مليان ازاز وفوانيس واكصدامات وكان فية اصابات واسعاف والحمدلله محدش مات بس كان فية اصابات خطيرة طبعا بعد كل الذهول دة مكنتش بصيت على عربيتى لانها كانت تقريبا اقل الخساير لانها ورا بس والباقى كله ورا وقدام وعلشان مصدعكمش بحكايتى ....

الخساير كانت فانوس خلفى يمين
واكصدام خلفى طبعا
والشنطة اتطبقت لدرجة انها سمعت فى الشاسية من تحت ودى اصعب حاجة فيها

فانا مش عارف الصراحة اوديها التوكيل ولا اشوف سمكرى محترم واخلص نفسى بدل مادخل فى حوار التامين الى ملوش اول من اخر وبتعذب على ماخد فلوسى غير الوقت الى بتتعاين فية العربية .. وبالمناسبة انا اشتريت فانوس يمين خلفى بصعوبة وكان عامل 250 جنية .

**islam_6110** · 06-03-2012 11:48 AM

انا راى لو مؤمن عليها وديها مركز صيانه احسن و شغل الكويت و البلاد العربيه فى السمكره كويس على فكره انا برده اخو مراتى اتخبط امبارح على طريق المنصوره

**khaled_Saga** · 06-03-2012 10:02 PM

لاحول ولا قوة الا بالله

مالك يا احمد ايه حكايتك مع الحوادث؟ هقولك ايه بس كل حاجة نصيب والمهم انك بخير وفى داهية الحديد وفداك الف عربية

انا هكلمك اطمن عليك

**katoba** · 07-03-2012 10:30 AM

الله يخليك ياخالد باشا .. الحمدلله والله جت سليمة وانت عارف السفر اليومى دة معرض لحوادث كتير ,, والحمدلله انها جت على قد كده .. انا عموما ودتها عند سمكرى كويس الناس بتشكر فيه وهوا ضبطها الحمدلله بس فية قطعتين قالى اسال عليهم .. اول واحدة الشاسية الى بيمسك الاكصدام هوا وراهولى فية دراعين كدة واحد منهم الى جهة الخبطة مكبوس خالص وصعب يترد يبقى زى التانى السليم والقطعه التانية فبرة موجودة فى الشنطة , ياريت حد من الاعضاء يدلنا على القطعتين دول او يعرفنا موجودين فين وسعرهم كام لان السيارة واقفة بسببهم والتوكيل مش موجوده عنده كالعادة

**akmm** · 07-03-2012 11:08 AM

الف سلامه والحمد لله على كل شىء

**hemaa_82** · 07-03-2012 11:50 AM

المشاركة الأصلية كتبت بواسطة katoba

الله يخليك ياخالد باشا .. الحمدلله والله جت سليمة وانت عارف السفر اليومى دة معرض لحوادث كتير ,, والحمدلله انها جت على قد كده .. انا عموما ودتها عند سمكرى كويس الناس بتشكر فيه وهوا ضبطها الحمدلله بس فية قطعتين قالى اسال عليهم .. اول واحدة الشاسية الى بيمسك الاكصدام هوا وراهولى فية دراعين كدة واحد منهم الى جهة الخبطة مكبوس خالص وصعب يترد يبقى زى التانى السليم والقطعه التانية فبرة موجودة فى الشنطة , ياريت حد من الاعضاء يدلنا على القطعتين دول او يعرفنا موجودين فين وسعرهم كام لان السيارة واقفة بسببهم والتوكيل مش موجوده عنده كالعادة

وضح بس انت بتتكلم عن الشاسية بتاع العربية لا قدر الله ولا قصدك علبة الاكصدام الصلب اللي بتركب علي الستارة الخلفية ؟؟؟ اللي هية مربعة كدة و ليها مسامير بارزة منها

**hemaa_82** · 07-03-2012 11:53 AM

العلبة انا مغير اليمين قبل كده في ابو رواش

359 بلبل بدون ضريبة علبة حامل اكصدام خلفي يمين

**katoba** · 07-03-2012 01:25 PM

لاء ياهيما هوا الحمدلله مش الشاسية طبعا . هوا حاجة كدة ليها دراعين تحت الاكصدام وظيفتها انها تحمى العربية من تاثير الخبطة عليها . الخبطة بتاعتى فى الجنب اليمين الخلفى وبالتالى الدراع الى جهة اليمين مكبوس عالاخر والتانى سليم فقالى مش هتتنفع تترد ولازم تتغير . هيا بقى معتقدش انها بتتفك لان تقريبا كله ملحوم فى بعضة . الدراعين والحديدة الى ماسكاهم

**hemaa_82** · 07-03-2012 01:31 PM

بتاعة مربعة الشكل كده؟؟؟؟

**katoba** · 07-03-2012 01:43 PM

الله ينور عليك هما دراعين مربعين الشكل اليمين منهم الى اتكبست لحد الاخر

الموضوع: حادثة فى MY Lovely M11 CAR

LinkBack

أدوات الموضوع

عرض

-

-

-

المواضيع المتشابهه

My Lovely Espero...Sweet Heart

My New Xenon MY Lovely car

my lovely new look

my lovely fiat uno

My lovely Esperooooo

الكلمات الدلالية لهذا الموضوع

المفضلات

المفضلات

ضوابط المشاركة