السلام عليكم ورحمة الله وبركاته

أنا بقالي فترة بأفكر في شراء سيارة وكنت استقريت بنسبة كبيرة انها ان شاء الله تكون الاكس تريل ... واللي سمعته عنها ان صاجها مش جامد قوي بس قلت يمكن ده الاتجاه السائد في السيارات الحديثة ان صاجها أضعف شوية من القديم ( لاحظوا حضراتكم ان عربيتي فولفو 240 موديل 1985 ) ....

المهم وأنا بأبص عليها في معرض سيارات فوجئت ان البائع بيقوللي اصرف نظر عنها لأن صاجها ضعيف فعلا ... وضغط على الرفرف الأمامي في الجزء اللي فوق العجل ولقيته بياخد ويدي معاه وهو بيدوس عليه .. يعني كأنه فبر مقوى ...

بصراحة أنا اتاخدت من اللي شفته وحبيت أستشير حضراتكم .. هل فعلا صاجها ضعيف جدا إلى هذه الدرجة وانها متستاهلش فلوسها (كسيارة دفع رباعي و suv عائلية وأتوماتيك واستهلاكها وإن كان عالي عشان السي سي إلا أنه مثلا مش زي الشيروكي أو الرنجلر ) .. ولا صاجها يعتبر عادي بالنسبة للسيارات الموجودة دلوقتي .. مع الأخذ في الاعتبار اني حاسيت ان صاج القشقاي أنشف شوية يمكن عشان تقفيل انجليزي بالرغم من أنها أقل سعرا وليست دفع رباعي ......

أرجو الافادة من حضراتكم ...........