الموضوع: هو انا كده خلاص اتجننت لانى بكلم عربيتى و متعلق بيها

المشاركة الأصلية كتبت بواسطة ahmedeihab

اقولكوا على حاجه حصلت معايا امبارح فيها
دخلت احط بنزين فى بنزينه جنبينا فى الهرم
الكلام ده كان الساعه 11 بليل
لقيت عربيه هيونداى جيتز ماسكه الطريق مخيطاه و جاى قارص مقولكوش
قمت قايلها يلا يا كتكوته
حسيت انها قالتلى يلا يا حبيبى و هعملك اللى انت عايزه
قمت كابس بنزين لقيت العربيه بتسحب اكتر من سبحها العادى لحد ما وصلت للواد ده
و دخل كمان عيل بتاع نوبيرا فى النص
بتاع النوبيرا اديتله على عينه لكن بتاع الجيتز عربيه هات باك كان بياخد الغرزه فى اقل من منت
اقسم بالله قلتلها بقا يا حبيبتى هتكسفينى ولا اييييه
لقيت العربيه بتسحب سحب ناااااااااااااااار و الار بى ام بقا يوصل لل 7 مستريح علما بأنها اتوماتيك
لحد ما وصلت جنب الجيتز مرايه فى مرايه و كنا ماشيين 120 فى شارع الهرم حته صغيره كده جنب بعض
حسيت انها بتقولى ادينى كيك داون يا احمد
اديتلها الكيك داون العربيه طااااااارت من مكانها حسيت ان فيها نايتروس
معرفش ده بجد ولا بيتهيألى
الراجل ابص فى المرايه عمال بيعد بيعد بيعد بيعد بيعد و عمال اغرز بيها لحد ما اختفى من المرايه تماما
فى مطب عند شارع العريش قمت مدى انتظار وواقف عليه و بمشى واحده واحده
على ما نزلت من المطب لقيت الزبون ده جاى و قام فاتح الازاز
و قالى برافو يا باشا
قولتله متقوليش انا قولها هى هى اللى كانت سايقه انا معرفش حاجه عن الشده ددى
فا بيقولى هى مين
قالى اااااااااه صباح الفل يا ابو الشباب
الواد حس انى شارب مثلا او مجنون او الكلام ده
مرضتش بقا اطول معاه
و قام ماشى و انا قمت داخل عند العريش شربت عصير قصب
و شربتها مايه علشان مش هينفع تشرب عصير قصب
و قمت واخد بعضى و مروح
يا جدعااااااان الحقونى
انا حالتى بقت تسووء و حبى ليها بقا يزيد كل مره بركبها
بس بحبها بردو
^_^

ماتقوليش ان الجيتز دي لونها احمر وجنوط بيضا وزينون في الفوانيس والفوجات ؟ ؟

لو هي فالواد ده انا علمت عليه قبل كدة ههههههههههه

مرة فضلت حاطه في ضهري من اول شارع الهرم لحد ال U-turn اللى بعد العريش

هو هاتش باك وانا عربية مافيهاش لا كبوت ولا شنطة فصباح القطم يا معلم

بس قلبتله اشارات في اليوم ده لما قلت يابس وبشوفه كتير في شارع الهرم شكله ساكن فيه

المشاركة الأصلية كتبت بواسطة ahmedeihab

لاء يا باشا كان جيتز سوده
و كان مركب شكمان كبييييير و ده اللى لفت نظرى لصوت العربيه
بس على مين
صباح القطم معاه
و صباح صباح القطم معايا انا كمان مع انى كبوت و شنطه
بس كسره عجل الهوندا و ثباتها يخليك تاخد الغرزه من غير خوف
و خلى بالك
لو شفتك فى شارع الهرم
^_^

لا يا كبير شارع الهرم ده بتاعي لما بجري عليه ممكن تشوف حجات غريبة

عايز اقولك انا مرة العربية عرضت "امركت " بيا في شارع الهرم كنت داخل تلت غرز قطم ورا بعض على 130 ! اخد الغرزة واردها بغرزة تانية والردة التالتة بغرزة تالتة لقيت الشنطة جمبي

ههههههههههههههههه ربنا سترها والحمد لله