الموضوع: غير مطلوب مهندسين حديثى التخرج

المشاركة الأصلية كتبت بواسطة eng/muhamad

كلمه حديثى التخرج اتمسحت من الوجود
الواحد لازم يتخرج من الكليه معاه خبره سنتين او تلاته عشان يعرف يشتغل بجد حرااااااااااااااام
كل الناس تقولك الحال واقف مفيش شغل و لو فى مش لحديث التخرج يعنى هو مدير الشركه اللى بتعين و بتطلب مهندسين او موظفين عموما اتخرج من الكليه مدير
احنا دفعه 2011 دفعه مظلومه و السبب الثوووووووووره كله يقولك وقفت حال البلد و احنا ذنبنا ايه بجد تعبنا مفيش شغل
متخرجين من شهر 6 و قاعدين فى البيت يرضى ربنا ؟
ايه الحل
وسايط ؟ رشاوى ؟ محسوبيات ؟

عادي دفعة 2001 قعدت في البيت شويه حلوه بعد ١١ سبتمبر
خد كورسات و اشتغل اي حاجه علي ما تفرج و الcall centers علي قفي من يشيل

المشاركة الأصلية كتبت بواسطة m.zaher

يبقى فيه مشكله في اللى انت بتبعته

لازم السي في بتاعك يكون سليم
ودايما حتى لو معندكش خبره اكتب الاماكن اللى اتدربت فيها
لكن ماتسيبش ال work experience فاضية

وعلى العموم احنا محتاجين ناس technical sales في الرياض بس لازم يكون عنده خلفيه كويسه عن it

مش عايزين حد ccie :) ؟

المشاركة الأصلية كتبت بواسطة hazemhany

الهم واحد والله .. انا مهندس ميكانيكا 2011 ..وتعليقا علي موضوع السفر.. ياريت بقي فيه فرص عدلة ..كل اللي موجود يأما بيطلبوا خبرة ..يأما بمرتبات تعبانة ..يعني مقفلة من مجاميعو يا معلم ..وبالنسبة لكلام الكبار فعلا يفقع اللي يقولك انت لسه متخرج فلازم تتمرمط بأي مرتبات وانت لسه في الأول وانتوا عايزين كل حاجة بسرعة ..كل ده ع اساس ان الواحد قضي من عمره 16 سنة متعلمش فيهم حاجة ولا طلع عين اهله فيهم و 5 سنين هندسة ملهمش اي قيمة ..وكأن برضه البلد مفيهاش اي فرص كويسة خالص مالص ولا الفرص دي متشالة لناس بعينها مفيش اي حاجة مميزة فيهم غير انهم يعرفوا ناس هناك !..بجد احنا ملناش غير ربنا

مش عارف استفزني كلامك
انا اتخرجت من هندسه ٢٠٠١ دور تاني مقبول اتصالات
لبست جيش سنه
طلعت من الجيش قعدت ٦ او ٩ شهور في البيت ايام ١١ سبتمبر
اشتغلت telesales و sales outdoor كام شهر
اشتغلت شغل كهربه و ًautomation كام شهر
اشتغلت helpdesk ١٢ ساعه شيفت امدة سنتين
علي 2005 الدنيا زبطت معايا و الحمد لله كله بقي فل
عمري ما اشتغلت بالواسطه مش عشان مستحرم لا سماح الله و لا اخلاقي متسمحش بس عشان عمر ما كان عندي واسطه
كنت بروح اعمل انترفيوهات في شركات حقيره شقه اوضتين و صاله و امسك الاهرام عمود عمود و نمره نمره عشان الاقي شغلانه بدون خبره
عايز تحبط نافسك براحتك ...انت الخسران

المشاركة الأصلية كتبت بواسطة mido

مش عارف استفزني كلامك
انا اتخرجت من هندسه ٢٠٠١ دور تاني مقبول اتصالات
لبست جيش سنه
طلعت من الجيش قعدت ٦ او ٩ شهور في البيت ايام ١١ سبتمبر
اشتغلت telesales و sales outdoor كام شهر
اشتغلت شغل كهربه و ًautomation كام شهر
اشتغلت helpdesk ١٢ ساعه شيفت امدة سنتين
علي 2005 الدنيا زبطت معايا و الحمد لله كله بقي فل
عمري ما اشتغلت بالواسطه مش عشان مستحرم لا سماح الله و لا اخلاقي متسمحش بس عشان عمر ما كان عندي واسطه
كنت بروح اعمل انترفيوهات في شركات حقيره شقه اوضتين و صاله و امسك الاهرام عمود عمود و نمره نمره عشان الاقي شغلانه بدون خبره
عايز تحبط نافسك براحتك ...انت الخسران

اسمحلي أحييك

حجر ضربته 99 ضربة في الضربة ال100 اتكسر هل ال99 دول ملهمش تأثير جاوب وتفاءل
ليس عليك الا السعي بجد والنجاح بييجي لوحده بالاستمرارية والمثابرة والتحمل
متبصش لاعلي سلمة بص للاقرب وبص للي بعدها وهي هتيجي لوحدها لما تديها حقها اللي هي اعلي سلمة مكتوبالك
المهم بعد كدة متشتكيش من كترة الشغل
ربنا يوفقكم جميعا