الموضوع: غير مطلوب مهندسين حديثى التخرج

لا تيأس من طول المشوار، فربما لحظة اليأس هي بوابة العبور لأحلامك

المشاركة الأصلية كتبت بواسطة kazzaz

الحل انك تقعد تدور انا بقالي 3 شهور كل يوم بدخل ابعت ال cv مش اققل من 50 شركه جوه و بره مصر .. و حاولت لحد ما لقيت حاجه و لو انت قاعد فاضي شوف كورسات خدها عشان تستفيد من الوقت الفاضي لكن ماتفقدش الامل و تقول اصلي مالقتش ..

+1+1+1+1

المشاركة الأصلية كتبت بواسطة mido

مش عارف استفزني كلامك
انا اتخرجت من هندسه ٢٠٠١ دور تاني مقبول اتصالات
لبست جيش سنه
طلعت من الجيش قعدت ٦ او ٩ شهور في البيت ايام ١١ سبتمبر
اشتغلت telesales و sales outdoor كام شهر
اشتغلت شغل كهربه و ًautomation كام شهر
اشتغلت helpdesk ١٢ ساعه شيفت امدة سنتين
علي 2005 الدنيا زبطت معايا و الحمد لله كله بقي فل
عمري ما اشتغلت بالواسطه مش عشان مستحرم لا سماح الله و لا اخلاقي متسمحش بس عشان عمر ما كان عندي واسطه
كنت بروح اعمل انترفيوهات في شركات حقيره شقه اوضتين و صاله و امسك الاهرام عمود عمود و نمره نمره عشان الاقي شغلانه بدون خبره
عايز تحبط نافسك براحتك ...انت الخسران

+1+1+1

المشاركة الأصلية كتبت بواسطة waelfarid

حجر ضربته 99 ضربة في الضربة ال100 اتكسر هل ال99 دول ملهمش تأثير جاوب وتفاءل
ليس عليك الا السعي بجد والنجاح بييجي لوحده بالاستمرارية والمثابرة والتحمل
متبصش لاعلي سلمة بص للاقرب وبص للي بعدها وهي هتيجي لوحدها لما تديها حقها اللي هي اعلي سلمة مكتوبالك
المهم بعد كدة متشتكيش من كترة الشغل
ربنا يوفقكم جميعا

+1+1+1+1

دفعه 2010 دور أول هندسه القاهره بدأت شغل في شركه أو مكتب بالاصح في 1-11-2010
شوف صحابك شغالين فين و رمي ال سي فيهات
و الجروب علي الFB بتجيب شغل و شغل حلو بمرتبات حلوه كمان مزنوق و مش لاقي عندك الكول سنترز علي ربك ما يفرجها عليكم
انا كانت مكتب زفت و معامله قرف و ساعات كان فيه حاجات بالاجبار وياما قابلت عملاء و رحت مواقع و كنت عاوز أسيبهم من تاني 3 شهورو لكني سبتهم بعديها بسنه كامله بس ما كانشي ينفع أعد أطلب فلوس من البيت و كان عيني علي مجال معين خدت فيه كورسات في بدايه الثوره و خلصت علي شهر 6 و فضلت أدور و أروح و أجي و معارض توظيف و نت و وصلت لمرحله اليأس تقريبا بس كنت بأبعت و السلام و لو كاتبين خبره1-2-3 سنين بردو بأبعت و فيه وظيفتين جولي من الفيس بوك و ربك أذن انني أسيب الشغل ده و أروح شغل جديد و كان Career SHift و أهو ربك يسهل

لو أوريكم الفولدر بتاع SENT عندي علي الميل والله ما هتصدقوا ابعتوم و سيبوها علي الله و ان شاء اللي فيه الخير ليكم هيكون مكتوبلكم !

بس بعت و ما تكسلشي ما تقولش مش مجالي أو مرتبها كام أو ده جايا من الفيس أو الجورنان و فيه الوسيط و فيه PREMIERE سجلوم عليها و بيكلموا الناس لو فيه حاجه تناسبكم بس ما تعدوش ساكتين

في الاول و في الاخر ده ميل ببلاش مش بفلوس و من غير مجهود تقريبا و اعملوم سي فيهات صح و شوفوم النت عليه نماذج من السي فيهات كتير خدو البسيط السهل اللي في الانجاز و ربنا يرزق الجميع ان شاء الله

الاخ الى بيقول جالة شغل بى 120 جم و مرضاش بية احب ابشهرة انه عمرة ما هيشتغل حاجة كويس بعد كدة

انا من ضمن وظيفتى فى شغلى انى اعمل انترفيو للناس الجديدة من الناحية الفنية
و انا بختار الناس الى عندها (خبرة الشغل) يعنى واحد واخد على نظام شغل حتى لو شغال فى بقالة
بس الراجل عارف ان فى التزام بموعيد و نظام و فى مدير و فى شغال بيتنفذ (دا لية الاولوية طبعا)

الناس الى مش بتطلب حديثى التخرج حط نفسك مكانهم
فى اماكن فعلا محتاجة ناس زو خبرة لان الجديد ممكن يخربلة الدنيا من قلة الخبرة

كل الناس بتبتدى صغيرة
انا عن نفسى ابتديت فى شغلى بحاجة لاتذكر نهائى و النتيجة انى اتعلمت من كدة كتيييير اوى


نصيحتى ليك
اشتغل اى حاجة (اى حاجة)
خروجك للشغل هيعرفك ناس كتير و هتفتحلك فرص كتير
انما انك تفضل تبعت و مستنى الفرج فا ربنا معاك

انا خريج هندسة 2010 كهرباء قعدت 5 شهور ادور على شغل ومفيش مكان ومفيهوش السى فى بتاعى وقسمت اليوم بتاعى نصين الصبح اروح ادى السى فى باليد و باليل اخد كورسات اوتوكاد و اوتوميشن و ابعت السيفيهات على الايمل

يعنى ابعت على النت و اعمل مشاوير الصبح لشركات كبيرة

وفى النهاية ربنا كرمنى عشان بسعى بكل قوتى وعايز ابقى حاجة

لا تيأس

انا موافق اشتغل ااااااااااااى حاجه بس و الله مفيش ششششششششششششششغل
بعت السى فى لكول سنتر و اتصالات و فودافون و كل الشركات
انا ببعت ساعات لتدريب يعنى من غير فلوس اصلا بس يبقى اسمى بستفيد خبره و مفيش فايدة