ناس كتيرة الفتره إلى فاتت دى كلمتنى أنها عايزة تغير الجنسيه من مصريه إلى أى جنسيه مهما كانت و بالفعل فيه ناس كتيرة سافرت دول أجنبيه عشان تعيش فيها و تتبع الأجراءات القانونيه فى أتخاذ الجنسيه و التخلى عن الجنسيه المصريه , و لما دخلت القسم الأجتماعى لقيت موضوع أسمه نفسى أعيش و أشتغل فى إسرائيل و على فكرة عدد المصريين الحاصلين على الجنسيه الإسرائيلية 220 ألف شخص و دا إلى خلانى أعمل الموضوع دة

و طبعا محدش يسئلنى السبب لأنه واضح جدا كفاية الأنتقام الواضح بعد الثورة + العمر بيجرى و كل الوظائف طالبة حديثى التخرج + مفيش أنتخابات رئاسة هتكون نزيهه لأن المجلس عمره ماهيسلمها لحد يحاكمه ولو حد أعترض هيتقاله أية أنت بتشكك فى نزاهه الصندوق ! زى القضاء كدة و فى الأخر أتفقعنا بومبه فى قضية التمويل و فى الأخر تسئل نفسك سؤال لو شوية عيال من أمريكا طلعوا براءة يبقى ولى نعمه القضاة هياخد أية ؟ (و من وجهة نظرى محدش يزعل لأن فى الحاله دى زعله هيكون وطنية زائفة)

لكن فيه ناس كتيرة أوى بتقول دا بيبيع بلده و دينه , لكن من وجهة نظر الأشخاص إلى عايزة تاخد الجنسيه أنهم مش بيبيعوا الدين ولا الدولة لأن دول فى قلوبهم لكن شايفين أستحاله الحياة فى دولة حكامها و مسؤلينها كدة بل و ظهرت عينات غير طبيعية فى الشعب لا يستطيع أى شخص تحملها و لو تم قتلهم هيتحسبوا بنى أدمين

على العموم أنت جه فى بالك تاخد جنسيه أجنبيه تانيه ايا كانت ؟
أية الدولة أو الدول إلى فكرت فيها عمتا !!؟