الموضوع: بطاقتك ياباشا

المشاركة الأصلية كتبت بواسطة axel

في الوقت الحالي فيه لجان للجيش الشرطة العسكرية يقدر يشوف مش اي حد طبعا و فيه دوريات زي ما شايفين للجيش
بالنسبة الالكتريك الاليكتريك غير مدرج في جداول الاسلحة الاربعة و لا يندرج تحت الاسلحة البيضا لكني ع حد علمي انه محرم دوليا و لكن غير مجرم في القانون و سمعت كلام انهم كانوا ناويين يدرجوا المسدسات الصوت وا لالكتريك تحت جدول الاسلحة البيضا و كذلك بنادق ضغط الهوا لكن لسه مفيش حاجة اتعملت

بجد بارك الله فيك وزادك علما واجتهادا "واحتراما" .. حقيقي هناك الكثير من خريجي الحقوق قد لا يفقهوا نصف ما تقوله وانت بعد في مرحلة الدراسة ... بارك الله فيك ووفقك في مستقبلك

المشاركة الأصلية كتبت بواسطة a7med_pharma

التفتيش
.
مسجد مصطفى محمود في التحرير.. أنا كنت ماسك الصيدلية هناك(مع ناس تانية ) في عز أحداث مصطفى محمود
واحد موبايله إتسرق
طلبت من الناس تقفل الباب .. قفلنا الباب
وقفت على كرسي.. السلام عليكم .. والله ياجماعة المسجد فيه حرامي..ولمصلحة الكل .. الكل لازم يتفتش
الكل تعاون بشكل غير طبيعي

يعني
لما رجل الشرطة يبستم في وشك.. ويحسسك إنه بيفتشك لمصلحتك(مش تناكة زي زمان).ساعتها هتتفتش وإنت مبسوط
لكن القنعرة واسلوب التعالي .. المفروض بقا مرفوض وأيامه خلصت

إنت ممكن في موقف زي ده تطلب إجراء عملية التفتيش بابتسامة لأن أصلا التفتيش في هذا الموقف مش من حقك والناس تفهمت ده لأن انت طلبته بابتسامة وده طبيعي جدا ... لكن ضابط الشرطة في الحالات التي من حقه التفتيش فيها لا يمكنه أن يطلب ذلك بابتسامة لأن التفتيش دائما ما يكون قسرا على المتهم يبقى الضابط هايطلبه بابتسامة إزاي :) ..


وخلي بالك أنا أقصد التفتيش الذاتي بإذن من النيابة أو حال تلبس المتهم بالجريمة ... لكن التفتيش الوقائي أو الإداري بالفعل يجب أن يكون بابتسامة وهو ما يحدث بالفعل في أوروبا والدول المتقدمة :) وانا متفق معاك في كدة ... وعلى فكرة ده بيحصل هنا في مصر برضه ... ولو انت داخل المطار ولا حاجة وجهاز كشف الأسلحة فضل يزمر هاتلاقي ضابط الجوازات جاي عشان يفتشك بابتسامة فعلا :) ... وكذلك الفنادق .. وحتى كارفور :) .. عقبال مانشوف كدة في باقية البلد


... اللي أنا فهمته من كلام الأخ صاحب الموضوع أن الراجل ماعملش تفتيش ذاتي ولكنه كان مجرد تحسيس على الملابس من الخارج للتأكد من عدم حمل سلاح وهذا يدخل في نطاق التفتيش الوقائي والمصرح به لمأمور الضبط إذا ما كان الأمر كما فهمت بالفعل

نقطة أخرى وهي إصراره على أخذ البطاقة من يديه بالقوة .. فهو من حقه بالفعل فحص البطاقة للتأكد من عدم تزويرها مثلا وهو مجرد إجراء شكلي لا يفترض الإعتراض عليه بعدما تأكدت من شخصية الضابط

المشاركة الأصلية كتبت بواسطة pro_samir

نفس السؤال

وكماين الجيش هل من حق ظابط الجيش قانونا انه يشوف الرخص ويفتش العربيه ؟ مع العلم ان مش معاه حد داخليه

لسه ده حاصل معايا من يومين بالليل وخدتني روح التعاون اللي بتقولو عليها دي والنتيجه ان خد مني الكتريك وبيقولي المفروض اعملك بيه محضر سلاح ابيض !

بعدها عديت علي كمين شرطه نزلت اتكلمت مع الظابط قالي انه المفروض طالما خده يبقي يعمل اي اجراء انما كده هو ضرب عليه

الجيش دلوقتي على حد علمي الشخصي من بعض القيادات واخد تعليمات في حالة ضبط أي سلاح محمول بغرض الدفاع عن النفس مثل الإلكتريك أو ما شابهه يتم ضبطه دون عمل محاضر لأن المحاضر في النيابات سواء العسكرية أو العامة بقت بالألاف المؤلفة ومش عارفين يعملوا فيها إيه وكمان معظم الناس اللى بيتم ضبط الحاجات دي معاها بيكونوا ناس محترمة .. عشان كدة مابقوش بيتخذوا إجراءات جدية إلا في حالة الأسلحة الآلية أو الطبنجات الغير مرخصة وما الى ذلك .. وهذا الكلام مجرد أقاويل قد لا تكون صحيحة بالمرة