رينو فلونس او هيونداي النترا

**Dawns_Mist** · 22-03-2012 12:29 AM

معلش آخر كلامي في الموضوع ده بقى علشان كده الكلام طول و صاحب الموضوع زمانه مش طايقني ..

هيونداي equus اللي تعتبر دلوقتي عروسة عرايس هيونداي في كل تاريخ هيونداي ، و كمان من مصانع أمريكا
المفروض إن العربية دي 5000 سي سي و بتطلع 429 حصان مكتوب إن التسارع بتاعها من 0 إلى 100 كم في 7 ثواني و من 0 - 180 كم في 21 ثانية ..... العربية دي سعرها في أمريكا تقريبا 60 ألف دولار أمريكي

BMW M3 4000cc بتطلع 414 حصان و التسارع بتاعها مكتوب من 0 لـ 100 كم في 4.8 ثانية .. و من 0 - 180 كم في 17 ثانية ... العربية دي ثمنها برضه 60 ألف دولار أمريكي

ميتسوبيشي إفليوشن 2000 سي سي + تربو .. بتطلع 405 حصان و التسارع بتاعها من 0 - 100 كم في 3.5 ثانية و من 0 - 180 كم في 12 ثانية .... العربية دي ثمنها 37 ألف دولار أمريكي

( على فكره الأرقام دي كلام الكتالوجات .... لكني دورت برضه علشان أتأكد على اليو تيوب لإني ماسوقتش أي عربية من دول بنفسي .. و فعلا على اليوتيوب كل الأرقام دي صحيحة 100 % و دور بنفسك على اليو تيوب و شوف الريفيوهات )

* ده كان مثال صغير و بسيط جدا إن الكوريين لحد دلوقتي كلامهم أكتر بكتير من أفعالهم .. و إنهم في مدارس الميكانيكا مازالوا تلاميذ

**mody3on** · 22-03-2012 12:33 AM

حضرتك ال equus دي عربية Luxury .. ازاي بتقارن عربية Luxury بعربية تربو .. هو الايفو فيها الاوبشنز اللي في الاكواس ؟ ولا ال M5 فيها الصالون بتاع ال EQUUS ؟
عامة شوف الفيديو ده مقارنة بين الاكواس اللي ب 60 الف والبنتلي اللي ب 300 الف وقولي الفروق اللي تستحق 5 اضعاف التمن
2011 Hyundai Equus vs 2011 Bentley Mulsanne - YouTube

**Dawns_Mist** · 22-03-2012 12:55 AM

والله العظيم انت خدتها من على لساني .. والله والله كنت لسه هنزلك أنا الفيديو ده و أقولك مدى سفاهة الشركة دي و قد إيه إنها لا تحترم عقول الآخرين أبدا ...
سبحان الله العظيم ... والله العظيم انا كنت عمال بدور على اليو تيوب على الفيديو ده و كويس أوي أوي إن حضرتك جيبته .. أنا اتفرجت عليه كتير و ممكن أردد كلامهم قبل مايقولوه خلاص زهقت من إنه الناس تحتقر عقلي ..
بص بقى أنا مش هتكلم في أوبشنز و إمكانيات و رفاهية و وزن و أمان و الكلام ده مع البنتلي لإني لو عملت كده هبقى إنسان عقلي على قدي فعلا زي ماهيونداي كانت عايزه تعاملني على إني كده فعلا ، و هما الكوريين لحد دلوقتي مابيعرفوش يعملوا غير كده تلاقي الكاسيت جامد و العربية شياكه و كماليات و جلد و رفاهية و تابلوه جامد و صالون تحفه و أوبشنات من جوه كده بالهبولي ، لكن في النهاية لما تشتري العربية تكتشف إنك اشتريت أوبشنات و نسيت تشتري عربية ... و اسمحلي هركز برضه في نقطة واحده بس و هي نفس النقطة اللي انت مضايق أوي منها ... إن البنتلي دي 4000 سي سي و بتوصل من 0 - 100 في 4 ثواني و من 0 - 250 كم في 25 ثانية يا أفندم .........

وبعدين انت زعلان مني ليه ؟؟ أنا اتكلمت في نقطة واحده بعيدا بقى عن التصنيفات ...
دي عربية بتطلع كذا كذا حصان ... لكن فين الأداء بتاع الأحصنه دي .. أفهمها منين انا بقى الكام حصان دول ؟؟ أشوفهم فين يعني ؟؟
طيب يا هيونداي أو يا كوريا كده كلك على بعضك .. أنا عايز عربية واحده تقولولي العربية دي بتطلع x حصان و فعلا لما أسوقها أقول أيوه عندهم حق .... مش دي برضه ميكانيكا ؟؟؟
أنا مهندس ميكانيكا على فكره و اشتغلت في مرسيدس المعادي و ممكن أجيبلك نقط ميكانيكية تانية خالص كمان تخليك تقتنع إن هيونداي أو كوريا كده كلها على بعضها تلاميذ في الميكنه والله .. بس أنا بتكلم معاك بالتسارع و السي سي و الحصان لإن هي دي اللي انت ممكن تفهمها من كلامي و كمان تشوفها بعينك و مافيش فيها معلومات مستخبيه ولا لعب ولا سحر .. لكن غير كده هيكون الكلام علمي و دقيق أوي في أدوات الجر و أنظمة التعليق و توزيع الشاسيه و التصميم و مكان الموتور من العربية و العزوم و هنا الموضوع مش هنعرف نلمه ....

يا أستاذي الفاضل ... لو حضرتك مقتنع بالفيديو أوكاي .. على فكره الفيديو ده موجود على الويب سايت الرئيسي بتاع هيونداي أمريكا .... ولو تشوف على اليو تيوب قد إيه الناس عماله تضحك عليهم .... عارف الناس اللي بيطلعوا على القنوات الفضائية يقولولك و مفاجأة النهارده إن الموبيل ده فيه منبه ، و كماااااااااااان فيه هزاز ....... أنا اقتنعت إن المصريين عباقرة و إن الأجانب دول عقولهم أقل مننا كمان لما شوفت الفيديو ده .....

أظن إن حضرتك بعد الفيديو ده طبعا مقتنع تماما إن هيونداي equus أعلى بمرااااااااااااااااااحل من مرسيدس إس كلاس ، و من أعلى حاجة في الكاديلاك و الجاجوار ..................

عموما ... كل واحد و ليه الأسلوب اللي يقتنع بيه .. و يمكن أنا اللي عقلي فيه حاجة غلط !!!!!!!!

بالتوفيق للجميع .. و فوتكم بالعافية ...

**Hosam_Optrawy** · 22-03-2012 01:22 AM

المشاركة الأصلية كتبت بواسطة Dawns_Mist

معلش آخر كلامي في الموضوع ده بقى علشان كده الكلام طول و صاحب الموضوع زمانه مش طايقني ..

هيونداي equus اللي تعتبر دلوقتي عروسة عرايس هيونداي في كل تاريخ هيونداي ، و كمان من مصانع أمريكا
المفروض إن العربية دي 5000 سي سي و بتطلع 429 حصان مكتوب إن التسارع بتاعها من 0 إلى 100 كم في 7 ثواني و من 0 - 180 كم في 21 ثانية ..... العربية دي سعرها في أمريكا تقريبا 60 ألف دولار أمريكي

BMW M3 4000cc بتطلع 414 حصان و التسارع بتاعها مكتوب من 0 لـ 100 كم في 4.8 ثانية .. و من 0 - 180 كم في 17 ثانية ... العربية دي ثمنها برضه 60 ألف دولار أمريكي

ميتسوبيشي إفليوشن 2000 سي سي + تربو .. بتطلع 405 حصان و التسارع بتاعها من 0 - 100 كم في 3.5 ثانية و من 0 - 180 كم في 12 ثانية .... العربية دي ثمنها 37 ألف دولار أمريكي

( على فكره الأرقام دي كلام الكتالوجات .... لكني دورت برضه علشان أتأكد على اليو تيوب لإني ماسوقتش أي عربية من دول بنفسي .. و فعلا على اليوتيوب كل الأرقام دي صحيحة 100 % و دور بنفسك على اليو تيوب و شوف الريفيوهات )

* ده كان مثال صغير و بسيط جدا إن الكوريين لحد دلوقتي كلامهم أكتر بكتير من أفعالهم .. و إنهم في مدارس الميكانيكا مازالوا تلاميذ

الايكوس اللى هى تسمى برضه سنتنيال , 5000 سى سى GDi من غير تربو 430 حصان 510 نيوتن , من 0 ل 100 فى 5.8 ثوانى ودا اللينك من هيونداى

http://worldwide.hyundai.com/WW/Showroom/Cars/Centennial/PIP/index.html

تمنها 59 الف الى 66 الف دولار

الجينيسيس 3800 GDi من غير تربو 334 حصان 395 نيوتن , من 0 ل 100 فى 6.2 ثوانى , سعرها 34 الف فقط

الجينيسيس 4600 MPi ولا حقن مباشر ولا تربو 366 حصان 440 نيوتن , من 0 ل 100 فى 6 ثوانى , سعرها 44 الف دولار

الجينيسيس بالموتور ال 5000 اللى ذكرته فى الايكوس , اداءها هايبقى اسرع , وسعرها ارخص بكتير 45 و 46 الف دولار , الايكوس غاليه عشان دى Full Size Luxury Car , لكن الجينيسيس اهى ب 45 الف نفس الموتور والاداء

ودا لينك الجينيسيس

http://worldwide.hyundai.com/WW/Showroom/Cars/Genesis/PIP/index.html

نيجى لل M3 رغم انها مش فئة الايكوس ولا الجينيسيس حتى , وكمان كوبيه , 420 حصان 400 نيوتن من 0 ل 100 فى 4.8 ثانيه , تمنها 60 الف دولار

شوف بقى الفئه الخامسه والسابعه بكام لان هما دول اللى المفروض نقارن بيهم من حيث الفئه

الفئه الخامسه M طبعا تمسح الجينسيس والايكوس باستيكه بس شوف سعرها كام , مابتنزش امريكا تقريبا عشان مالقتش سعرها , لكن سعرها فى المانيا 103 الف يورو بس :) , الخامسه العاديه اسرع واحده هى ال 550 فى 5 ثوانى سعرها 64 الف وباقى الفئات تتراوح بين 47 ل 62 الف , كل المواتير تربو طبعا

الفئه السابعه مفيش منها M , ال 760 برضه اجمد من الايكوس والجينسيس بس سعرها معدى 137 الف دولار يعنى تشترى كل عربيات هيونداى , ال 750 تسارعها فى 5.3 يعنى مش بعيده اوى عن الجينيسيس رغم ان السابعه موتورها تربو والجينيسيس لأ , ومع ذلك برضه سعرها غالى من 84 ل 91 الف دولار , ال 740 فى 6 ثوانى يعنى الايكوس والجينيسيس اسرع بفرق بسيط وسعرها من 71 ل 75 الف

ودا اللينك بتاع بى ام

http://www.bmw.de/de/de/index.html

**mody3on** · 22-03-2012 09:48 AM

محدش يقدر يقول ان الهيونداي تساوي البنتلي .. انا بقارن من ناحية واحدة
شوف سعر دي وسعر دي .. وشوف هل فعلا الفرق بينهم يستاهل اني بتمن البنتلي اجيب 5 عربيات اكوس ؟
انا بقارن من ناحية السعر .. البنتلي خرافة وكل حاجة .. بس هل تستاهل 300 الف دولار ؟
كفاية انها عملت عربية برفاهية قريبة من البنتلي وموتور قوي وشكل كويس بخمس الثمن
هل في عربية بي ام او بنتلي ب 60 الف دولار فيها اللي في الاكواس ؟

**mohdamin18** · 25-03-2012 03:55 PM

انا عايز الناس تتفرج على الفيديو دا و تشوف صاحب الفيديو و هو ايرلندي بيقول اية
كلام من نوعية الشعب دا جاهل و مش عارف حاجة هو دا قمة الجهل بجد

لأننا كلنا في الهوا سوا و مش فالحين غير في حاجة واحدة بس و هي الإستهلاك
The Hyundai i40 Tourer - YouTube

**CryptonX** · 25-03-2012 04:06 PM

ببساطة في مصر .

لو انت في مصر ... راي هات الانترا .... حتستنمع حبة حلوية و اقتصاديا اختيار عملي و شياكتيا شكلها شيك و مبيعات اعلى = قطع غيار اكثر + سعر اعادة بيع احسن

ممكن الفلوانس تكون امتع او احسن "كقيادة" لكن في الاول و الاخر العربية دي "صفقة" كاملة .. لازم تبصلها من كل النواحي .

بس لو انت برة مصر
...
انا اسف العربيتين زبالة ولا حجيب دي ولا دي :) ( وانا معيا الانترا هنا على فكرة lol )