الموضوع: رينو فلونس او هيونداي النترا

الأخوة الكرام ..

بعيدا عن الكوري و الالماني و الياباني القسم ده اسمه قسم المقارنات يعني المفروض أن يكون هناك أسلوب علمي و منهج مدروس و علي أساس للمقارنة بين سيارتين من نفس الفئة من حيث المواصفات و الامكانيات و السعر و الكماليات و ألخ ....

أما ان تتحول المقارنة الي مهاجمة و سباب لموديل و انحياز أعمي لموديل اخر فهذا لايليق بمكانة و أسم منتدي "نايل موتورز"

و مع ذلك ..

الكوريين صحيح لم يخترعوا جديد في عالم السيارات و لكنهم تفوقوا في مجال الهندسة العكسية و هندسة الانتاج حتي علي الالمان أنفسهم بحيث أنهم يستطيعون الان و بجدارة أنتاج موديلات سيارات مشابهة الي السيارات الالمانية و بنفس المواصفات و الجودة و ذات التكنولوجيا و بأسعار أقل ....

عندما تكون شركة ما قادرة علي أنت تنتج منتجا تنتجه أخري و بنفس المواصفات و بسعر أقل فهذا بلاشك نجاح و تفوق

يجب ألا ننظر للسيارات التي نراها هنا في مصر سواء كورية الصنع او حتي أوربية أو يابانية لأن مصر دولة ليست بها مواصفات لأي منتج لذا فهي تحصل علي فتات العالم من التكنولوجيا الحديثة

بلاش نعاير بعض لأن الهم طايل الجميع

عموما.. أذكركم ان المقارنة يجب أن تكون بأسلوب سليم و علي أساس و قواعد علمية لأن الهدف من المقارنة أن يستفيد الجميع
- اللي اشتري العربية علشان يعرف أمكانيات عربيته و مميزاتها و عيوبها و يتعامل معاها علي اساس تلك الامكانيات
- و اللي عايز يشتري علشان ياخد القرار السليم أيضا بناء علي أحتياجاته و امكانياته و مدي ملائمة السيارة له

و تذكروا جميعا ... أن الكمال لله وحده

المشاركة الأصلية كتبت بواسطة abdulkhaleq

السلام عليكم ورحمة الله وبركاته
متابع مع حضراتكم النقاش البناء
وعشان كده فكرت انقل موضوع انا كنت كاتبه بناء على رأيي الشخصي في منتدى تاني
وأرجو ماحدش يزعل من أسلوبي الساخر, رأيي مش ملزم لأي حد ياخد بيه او يسيبه
.................................................. ..............................................

المختصر المفيد في الإلانترا الجديد
هذا الموضوع بناء على خبره شخصيه من اليومين اللي فاتو دول
وده بسبب ان احد اصدقائي (اتهف) في عقله وقرر انه يشتري العربيه الفاشله دي
وبعد محاولات مستميته لاثنائه عن القرار الفاشل ده
فضلت اني ابحث في السوق اكتر عنها يمكن نقدر نجيبله الفئه ال fully loaded
بدل ما ينضحك عليه اكتر ما هيتضحك عليه إن شاء الله

وجدنا الاتي
طبعا زي ماهو معروف العربيه وكيل و خليجي
سوق الهيونداي بيعمل ايه في مصر (غير انه مقرطس الناس بعربيه فيها حوالي 60 الف جنيه زياده على اللي تستحقه) ؟؟
اعتمد على جهل الشعب للأسف وعلى انهم بيشترو عمياني وآخر اللي يعرفوا يفرقوا فيه الفتيس أوتو ولا مانيوال
ماعلينا انا لو تاجر وعندي المستهلكين اللقطه دول اكيد كنت هقرطسهم برضه

أولا
الموتور ال gdi ماشوفتوش ولا في الخليجي ولا في المصري
الاتنين نازلين بموتور mpi عادي

ثانيا
العربيه ال fully loaded المفروض يكون فيها بلوتوث وكروز كنترول
و نافيجيشن سيستم
لكن طبعا لا الخليجي فيها ولا الوكيل فيها

ثالثا
ودي بقى مفاجأه لوز الجوز
العربيه فرامل ديسكات قدام بس حتى في أعلى فئه في الخليجي والمصري
ولما كنت بسأل عن الموضوع ده اكتشفت ان مش بس المستهلكين اللي مش عارفين لأ ده حتى البياعين
والله العظيم جالي احساس انني بشتري خروف العيد وبكلم واحد جزار
والله حتى في غبور نفسه لما سألنا عن الموضوع ده طبعا الباشا حب (يتفزلك)
تخيلوا يرد يقول ايه ؟؟؟؟
قاللي
(اصل العربيه دي طويله ولو فيها ديسكات ورا وجيت تفرمل العربيه هتعوم منك)
بصراحه ماقدرتش استحمل وضحكت في وشه وحسيت للحظه ان الناس فعلا بتحب اللي يشتغلها
على اساس اننا ماركبناش عربيات ومستنيين مهندس ناسا قصدي غبور ده يكشفلنا المفاجأه اللولبيه دي

(على فكره موضوع الفرامل ده مش هزار, لما تكون العربيه ديسكات قدام وورا زي معظم العربيات الجديده بتكون الفرامل اقوى بكتير من لما تكون ديسكات قدام بس)

اه نسيت اقولكم ان انظمة الامان الخرافيه فيها abs بس
ومش في كل الفئات كمان يعني اللي ب 135 تقريبا او ب 140 مافيهاش مش فاكر بالظبط
يعني مافيهاش أي انظمة تحكم خالص epd, مثلا يعني مافيش
رابعا
العربيه بلاستيك
والله خامات رديئه جدا جدا ومفيش أي اوبشن يذكر ولا حتى سيفتي بس كتر خيرهم فيها اير باج واحد يعني الناس هتقطع نفسها ؟؟
واللعبه دي بكام بقى ؟؟ بحوالي 160 تنقص الف في بعض الاحيان لو هتدفع كاش

فكرة السوق عندنا هنا إيه ؟؟
زي فيلم الكيف كده
(ننزلها شعبي ولما يبقالها سوق نغليها)
ومش كده وبس استنوا مفاجئات قطع الغيار ان شاء الله

مع العلم ان العربيه ال fully loaded انا شفتها فعلا ماشيه في الشارع
لكن ماعرفش صاحبها جابها منين او موجوده عند مين هنا في مصر
ولا زال صديقي يبحث عن هذه السياره ولا زلت شايف ان اخرها 100 ألف للكامله بجد مش الكامله اللي بيقرطسوا الناس بيها

(اضافه للموضوع بعد كتابته, الحمد لله صديقي اتعالج نفسيا وجاب بنفس المبلغ جيتا 2010 كانت ماشيه 20 ألف وهي فئه أعلى من الهاي لاين كانت بتنزل بالطلب وكان اسمها كمفورت)

وكمان في اثناء البحث عن المدعوه هيونداي الانترا اللي كام شهر وهتبقى تاكسي زيها زي الفيرنا لقيت حد بيبيع اللي بموتور gdi بس منغير فتحة سقف وديسكات قدام وورا
والسعر
حزروا فزرو
175 ألف جنيه
كل جنيه ينطح اللي قبله

ولا عزاء لبلد الفهلوه والاشاعات

باشا الكمفورت دي مش فئة بالطلب علي فكرة
و علي فكرة صاحبك هيزعل عشان مجباش الالنترا

المشاركة الأصلية كتبت بواسطة abdulkhaleq

ايه الغريب في كده حضرتك؟؟؟
وهو لو أنا (فرضا) راكب 128
هل معنى كده اني اموت في دباديب اي عربيه اغلى ؟؟؟
هو مش ممكن اكون انا عموما بحب مجال العربيات وفاهم فيها ولو على قدي وبانتقد فيها (براحتي)
بناء على المعطيات من price over value
طيب لو انا راكب ال 28 دي مثلا
هل معنى كده اني اروح ابوس ايد غبور على النعم الجليله اللي بيقدمها للشعب ؟؟؟؟
او هل معنى كده اني مش هقدر اقول ان الالانترا دي اللي بعض الناس محسسني ان معلوماتهم عن العربيات بيجيبوها من ملحق الاهرام الدعائي
انها ك price over value تساوي 20% ؟؟؟؟
منطق غريب بصراحه !!!

لا ياباشا لازم تحط فلوسك في لانسر سوبر اكشن سوبر سبورت مو 2012
دي ياباني يا باشا