كنت عاوز اعرف حساس الشكمان لابيزا 98 مكنه 1300 الاقيه فين و يعمل تقريبا كام ؟
عرض للطباعة
كنت عاوز اعرف حساس الشكمان لابيزا 98 مكنه 1300 الاقيه فين و يعمل تقريبا كام ؟
اى يا جدعان الصحرا دى
محدش عارف ولا ايه ؟؟؟؟
مافيش صحراء ولا حاجه
كل الموضوع ان الابيزا ال 98 موتورها 1000 سيسي و ال 1300 ده كان نازل في ال94 ده اول حاجه
حساس الشكمان موجود بكثرة في الحرفيين و عند اي حد بيبيع قطع غيار استيراد لمجموعة فولكس
أخيرا ممكن اعرف من حضرتك ايه السبب انك عايز تغير حساس الشكمان و ايه الأعراض و المشاكل اللي حصلتلك بسببه و مين اللي قال انه الحساس بايظ ؟
الأسئلة دي عشان نحاول نساعك و الله الموفق
انا مع المهندس ايهاب في رأيه
اولا مرحبا بيك ونورت قسم سيات
ومفيش صحرا ولا حاجة - القسم عامر بوجود اعضاءه
ثانيا فعلا ال98 مانزلتش بموتور 1300
ثالثا حساس الشكمان Lambada Sensor قليل الأعطال - فالأحسن تقول الأعراض ونقولك حساس شكمان ولا لاء
رابعا مش هيتباع لوحده - يعني بيتباع بالفرن بتاع الشكمان مع بعض ، بالفيشة والسلك بتاعه (ملحوظة : الفيشة والسلك بتوعه في غاية الأهمية لأنهم من نوع خاص بيتحملوا درجات حرارة عالية جدا)
والله المستعان
،
،
مهو ده اللى اعرفه انما الغربيه انو اللى فيها 1300 سى سى انجكشن غير بتاع موديل 94
اما عن موضوع الحساس العربيه بتطلع دخانه سوده من الشكمان و بتبطل لما تقف يعنى لما اكون وسط زحمه مجرد مادوس فرامل و العربيه تبقى على وشك تقف تروح مبطله و لما وصلتها بكمبيوتر طلع العيب فى حساس الشكمان و البوابه فعاوز اعرف تمن حساس الشكمان كام و هحاول انضف بعدها البوابه و اشوف
!!!
انا عمري ماسمعت عن 1300 انجيكشن
في 1400 انجيكشن لكن 1300 لا
مش هي دي القضية عموما
طب بتاكل بنزين ؟؟؟؟
هو عموما الدخنة السودا والتبطيل مش حساس شكمان
نظف الأول البوابة كويس وياريت وهو مخلوعة
تابع الموضوع دة فيه تفاصيل كاملة عن تنظيف البوابة وبالصور http://www.nilemotors.net/Nile/26750...post3874060499
جرب الأول وشوف لسة هتكرر الموضوع دة ولا لاء
لو منعت يبقي مجرد نظافة بوابة
لو لسة
حطها علي الكمبيوتر تاني وشوف هيقولك lambada ولا لاء
بس احب اطمنك ان حساس الشكمان لو بايظ تاكل بنزين والسحب يبقي ضعيف لكن لا علاقة له بلون العادم او التبطيل
والسعر لن يقل عن 100 جنيه بالفرن والفيشة وهتحتاج جوان صاج للتركيب لو الجوان بايظ عندك
والله المستعان
،
،
علي فكرة الي كشف ممكن يكون اول مرة يكشف بالكمبيوتر
هي ممكن تكون حساس
بس مش شكمان
حساس tps
او بيسموه حساس المنافولد
او بيسموه حساس الأيدل
والله المستعان
،
،
انا مع المهندس محمد سيد في انك الأول تنظف البوابة تماما و غير فلتر الهواء و بعدين جرب
مهندس محمد سيد لي تعديل بسيط جدا وهو
المحركات الكاربيراتير زي اللي نزل في الابيزا 94 هو اللي كان فيه حساس بيعرف نسبة تحرك او فتح البوابة و بيسمي THROTTLE VALVE POTENTIOMETER كويس كده و كان فيه حساس أخر بيسمي THROTTLE VALVE CONTROLLER ودي هي البوابة اللي احنا بننظفها
المحركات الحقن الالكتروني من اول 96 و حتي الأن تقريبا و المنتجة من فولكس بتحتوي علي بوابة حقن الكتروني و دي تسمي THROTTLE VALVE POTENTIOMETER/CONROLLER تمام و دي بتحتوي بدخلها علي كلا الحساسين و لذلك لو عنده مشكلة بتتغير البوابة كاملة
لذلك محركات الحقن الالكتروني من فلوكس لا تحتوي علي حساس يسمي TPS منفصل بذاته كما هو مثلا في محرك الدايو لانوس او محركات اوبل و التي هي بنفس تكنولوجيا محركات دايو من GM
و أيضا لا تحتوي حساس يسمي IDEAL CONTROLLER زي اللي موجود في اللانوس و لكن نفس البوابة التي ذكرتها انا فوق دي بتحتوي داخلها علي STEPPER MOTOR هو المسئول عن فتح نسبة ال IDEAL SPEED اللي هي سرعة السلانسيه للمحرك تمام كده و ده كله في الرسم الكهربي اللي ذكرته في الموضوع ده برسم رقم 5 عنصر رقم 29 في الرسمه
http://www.nilemotors.net/Nile/274710-94-99-a.html
و ان شاء الله ناوي قريبا أعمل شرح كامل للرسم الكهربي و لكل حساسات محركات الابيزا لو قدر الله لنا ذلك و وقفنا لعمله
و بالتوفيق ان شاء الله
الله الله الله الله ينور يا رجالة بشمهندس ايهاب وبشمهندس سيد وكل قسم السيات وان شاء الله المقابلة اكون معكم الاسبوع ده باذن الرحمن .... عموما بدون خروج عالموضوع عندي فرن 1000سي سي الانجكشن بالحساس بتاعه مفكوك من موتوري القديم وحالتهم ان شاء الله ممتازة,,ايهاب
الله يفتح عليك يا باشمهندس
وعلي فكرة انا قعدت ذاكرت شوية في الرسمة رقم 5 وبالبحث في الكتالوج عرفت شوية حاجات كدة بردو عن الحساسات بتاعة الموتور
بس لو حضرتك تعملنا الشرح الي بتقول عليه يبقي جزاك الله عنا خير الجزاء
في انتظار الشرح انشاء الله
ومرة تانية
تسلم ايدك يا بشمهندس ايهاب
والله المستعان
،
،