طلب المساعدة من اهل الخبره

**iBiZa** · 04-06-2008 12:15 PM

المشاركة الأصلية كتبت بواسطة ahmedmaklad

بس سؤال بس انا عارف ان مافيش في الكورسا 1600 حتى في الجديد ازاي دي فيها 1600

http://en.wikipedia.org/wiki/Vauxhall_Corsa
بص على الCorsa B

**zizo2010** · 04-06-2008 12:17 PM

المشاركة الأصلية كتبت بواسطة iBiZa

هى فى الصور كلها 4 باب مش 2
ما هو معنى رياضية شبابية ؟
سيبك من كلام الاعلانات, علاان تحكم صح لازم تنزل تفرج بنفسك و خد معاك واحد بيفهم لو انت مش فاهم اوى {مش عيب}

مافيش حاجة ما تنفعش يا باشا

همامش لقطة, بس موضوع حلوين ولا لا اذواق شخصية.

طيب انا بستشيرك

من رايك اخد الكورسا دى

ولا الاكسنت دى

وبامنة الله لو هتشتريها لنفسك هتدفع كام فى دى ودى

وبلاش رد انا مش ممكن اشتريها لنفسي :)

**Ahmad Allawy** · 04-06-2008 12:19 PM

المشاركة الأصلية كتبت بواسطة ahmedmaklad

بص الاكسنت عامله زي ال 28 زمان بتتروش حلو قوي و بيظهر عليها يعني لو جنوط و كاوتش و شوية حاجات كده هتبقى تمام بس انا رايي ان الكورسا احلي في كل حاجه الماني و ثبات و شياكه احلي من الاكسنت بكتييييييير و خصوصا الكلام اللي بتقوله عليها كلام حلو قوي بقي
و بعدين انت عند هنا عملاق كورسا احمد باشا قاعدة بيانات فظيعه لاسعار كل حاجة و رايه بصراحة احسن مني طبعا هو راكب كورسا و عارف اللي فيها
بس سؤال بس انا عارف ان مافيش في الكورسا 1600 حتى في الجديد ازاي دي فيها 1600

احمد بك مقلد..
ربنا يخليك علي الكلام الجامد قوي اللي بتقوله ده..
احنا بنتعلم يا باشا.,. ربنا يكرمك
منور والله... هتيجي المعرض يوم الجمعه ولا ايه..؟؟

شوف يا باشا.. كلام احمد بك صح بخصوص الكورسا..
في بعض الموديلات اللي نزلت برة نزلت بممواتير 1600 فعلا..
والمفاجأة بقي ان في منها بمواتير ديزل.. يعني ممكن اركبه في عربيتي.. :) :) :)
بس المشكلة ان مش هالاقي ليه قطع غيار..
و مشكلة الموتور ال1600 ده برضه انه قطع غياره قليلة قوي..
لأنه مختلف شوية عن بتاع الكورسا السيدان..

العربية علي فكرة 4 باب مش 2.. و شكلها فعلا ما شاء الله نضيف قوي..
بس مشكلتها في نظري.. الموتور اللي متسقط ده..
وده برضه اللي منزل في سعرها..
مع انها بالموتور ده هتبقي طلقة..محدش هيقدر يسد معاها فعلا..
اذا كانت في الموور ال1400 عاملة شغل علي جدا ما شاء الله..
اخونا محمد (مودكس) هنا في المنتدي معدل 1400 و مبسوط منها جدا..
بس برضه مشكلة قطع غيار متعبة..لأنها قليلة قوي..للموتور يعني..
العربية بالموتور ال1200 الاصلي بتاعها حلوة قوي..
مش جراية قوي زي الفيرنا مثلا.. بس بالنسبة لوزنها و كده.. تمام قوي..

لو حبيت اشوفلك.. قوللي..
في قدامي عربيتين واحدة هنا في المنتدي..
وواحدة بتاعت المهندس اللي باتعامل معاه..
اللي هنا سعرها 42 و حالتها تحفة..
وبتاعت المهندس زي ما قولتلك 37 بس فيها شوية شغل خارجي عبيط..

**zizo2010** · 04-06-2008 12:28 PM

شكرا يا جماعه على تفاعلكم

وانا لسه حالا مكلم الراجل صاحبها

وعرفت الاتى

الموتور طبعا مش بتاعها هو مركب موتور 1600

العربية بيقول فابريكه كامل فالداخل

**Ahmad Allawy** · 04-06-2008 12:29 PM

يا بك تحت امرك..
انا سألته علي شوية حاجات هناك في مضوع عرض البيع..
و مستني الرد..
وعلي اساس الرد هاقولك رأيي..
بس نصيحة متاخدهاش..
عشان قطع غيار الموتور مش هتلاقيها غير استيراد وحتي ده هتكون قليلة..

**ahmedmaklad** · 04-06-2008 12:31 PM

مش دي الحقيقة يا ابو حميد انا شفت العربية دلوقتي و فعلا ما شاء الله شكلها جامد جداااا و مغري بس شوف زي ما احمد بيقولك كده ايه حكاية قطع الغيار دي

**iBiZa** · 04-06-2008 12:39 PM

المشاركة الأصلية كتبت بواسطة zizo2010

طيب انا بستشيرك

من رايك اخد الكورسا دى

ولا الاكسنت دى

انا مع الالمانى علاطول, و خصوصا انى سوقت ال Accent قبل كدة بتاعت اخت مراتى و مازبتتنيش اوى.
سعر ال Corsa معقول بس موضوع متسقط دة ينزل منها, يعنى 35 او 36 علاشان بردوا ها يبقى صعب تبيع و لكن فى المشى ها تبقى حلوة اوى.

{و بردة فى الاخر كلها أراء شخصية}

**iBiZa** · 04-06-2008 12:47 PM

انا برضوا من خبرتى فى البيجو و الVW اقدر اقولك ان قطع غيار مواتير كتير زى بعض.

يعنى ال 1600 و 1900 فى البيجو فيهم حاجات كتير ذي بعض.

ال 1400 Polo و Golf 1400 بضة فيهم حاجات كتير ذى بعض.

شوف حد فام فى الOpel و يقولنا هل الموتور دة ذى بتاع ال Vectra 1600 ولا لا وينفع حاجتة تركب ولا لا.

**zizo2010** · 04-06-2008 12:50 PM

طيب هو الراجل معلى فى السعر ومش عايز ينزل فيه

وانا بصراحة قلقت من الموتور من كلامكم

ايه رايك فى الاكسنت

جوة البلد

والبنزين بتاعها

وقطع الغيار

والجري بيها

يعنى عايز افهم كل حاجة فيها

**iBiZa** · 04-06-2008 01:01 PM

الاكسنت هى التطور الطبيعى لل 128

مقصات 100 - 140
كبالن 350
اشارة 30 او 40
فا حاجتها رخيصة و موجودة
واسعة و شنطة كبيرة
مش جراية اوى و ياريت ما تدوسش عاليها اوى
صاج ضعيف
تكييف حلو

الموضوع: طلب المساعدة من اهل الخبره

LinkBack

أدوات الموضوع

عرض

-

-

-

-

-

-

المواضيع المتشابهه

برجاء المساعدة يا أهل الخبره

رجاااااااااء من ذوي الخبره (فقط ذوي الخبره معلش) دينامو

ارجو المساعدة ارجوا المساعدة

المساعدة ....المساعدة (تسعيير أوبترا 2008)

طلب المساعدة للمعرفة أرجو المساعدة

الكلمات الدلالية لهذا الموضوع

المفضلات

المفضلات

ضوابط المشاركة