اخى الكريم حياك الله
اتمنى ان تهدأ فليس الامر بهذا السوء الذى تظنه ومعظم توكيلات السيارات لا تسير على هوى الزبون الا من رحم ربى
السيارة فى المجمل جيدة جدا و قطع غيارها متوافقة مع سيارات عريقة فى السوق المصرى ولن تجد اى مشكلة فى صيانتها سواء داخل او خارج الوكيل
دائما كل واحد شارى سيارة جديدة بيكون حساس جدا لاى مشكلة تحصل فيها وبيحس انها كبيرة جدا وانا كنت وما زلت مثلك لدرجة انه فيه شرخ حصل عندى فى علبة الشكمان كنت عايز اغير الشكمان كله لكن فى النهاية الانسان يقف مع نفسه كده لحظات للتفكير هتلاقى الامور وبسيطة وليها الف حل
ياريت تشرح لنا ايه المشاكل اللى عندك فى السيارة بالظبط واحنا نحاول نساعدك فى حلها ان شاء الله
انا موش فاهم ايه معنى السماعة من غير غطاء ماهو طبيعى انه سماعة الباب لازم تكون من غير غطاء هتعمل ايه بالغطاء وهو لا يركب فى الباب؟
نصيحة اشترى سماعتين خلفيتين شكل بيضاوى وخلى كهربائى يركبهم فى الخلف وعلى فكرة الاسلاك والجاكات موجودة ليهم وياريت يكونوا نوع محترم (بايونير او سونى 350 وات) هتلاقى صوت الكاسيت تحفة
واى سؤال انا فى الخدمة
تقبل تحياتى
المفضلات