الموضوع: تقرير : F3 2012 أول 700 كيلو

المشاركة الأصلية كتبت بواسطة drpeter

مساء الخير للجميع
اليوم بأذن الله أتى اليكم بتقريرى المتواضع عن السيارة
F3 2012 Manual
Full Option
السياارة بها ريموت كنترول وانذار وسنتر - زجاج كهربائى - زجاج خلفى فامية - مريات كهرباء - فوج لايت خلفى - تكييف - باور - امكانية تعديل وضع الطارة - فتح تانك البنزين والشنطة الخلفية من الداخل - 5 اطارات - كوريك - مفتاح مسامير - كاسي اوديو به خاصية ام بى ثرى - ولاعة- لمبة فرامل وسطى - الزجاج الخلفى مزود باسلاك تسخين لازالة الشبورة من على الزجاج - abs - ebd- airpages ومميزات اخرى
لكن لايوجـــــــــــد حساسات ركن خلفية
السيارة من حيث الاتساع جيدة جدا
السيارة من حيث العلو عن الأرض جيدة جدا
( اليوم اخدت مطبات بيها وكان معى العائلة يعنى كنا 5 أفراد ) والحمد لله لم اسمع اى حكة بالاسفل للسيارة
شكل السيارة فخم جدا لكن عيوب التقفيل المصرى واضحة فيه لكن بسيطة بعض الشئ واعتقد ان فخامة السيارة تغطى على عيوب التقفيل المصرى


استهلاك البنزين : بعدما رخصنا السيارة فولت العربية لغاية أول تكة وكان العداد 120 ك وذهبت بها من حلوان الى معرض الامل بمصر الجديدة وكان الطريق فعلا يوم الخميس امس في غاية الزحمة والبطءورجعت واليوم سافرت بها الى اسكندرية ورجعت وكان العداد 700 ك وفولتها لغاية اول تكة برضوا ولاقيت العربية أخدت فقط 34 لتر يعنى لو قولنا 35 لتر تقديرا لوجود اى اخطاء في الحساب لكل المسافة المقطوعة منذ يوم الخميس 580 ك واعتقد دا معدل كويس جدا جدا قيياسا الزحمة وانى احيانا كنت بحرق على الغيارات لسه لقلة خبرتى بالسيارة ولانى اول مرة اسوق عربية حديثة

السرعة التى وصلت اليها : مابين 80 - 110

الار بى ام لم يزيد عن 3 واحيانا 3 وشعرة ( مش بتوصل لغاية اول شرطة بعد 3 )
كنت فاتح جزء من زجاج السيارة في طريق الرجوع لكن وانا رايح لم يكن الزجاج مفتوح

العفشة : بصراحة رائعة جدا جدا جدا ... السيارة متماسكة على الطريق ودا يرجع لان الاطارات عريضة طبعا ... كنت ماشى على 110 ولم احس بالسرعة بل كنت مطمئنا جدا بينما لو كان الامر في اللادا 2107 مقلق جدا جدا

التكييف : جربت التكييف لمدة دقائق معدودة وكان التكييف تلاجة بجد ورائع ولم اشعر بتاثير على السحب او تغير في صوت الماتور لكن بعد صاينة الالف هركز فييه اكتر هل فعلا فى اى تاثيرات او لا

الفرامل : ممتازة لانها بتلم العربية في وقت اكثر من رائع

صوت السيارة والعزل : لا اسمع صوت الموتور نهائيا الا عندما يعدى الار بى ام عن 3 ببتدى اسمع صوت الموتور

اعتقد من عيوب السيالرة اولا التقفيل برضوا لسه مش احترافى وان كان وجاهة السيارة وفخامتها تغطى على هذا العيب نسبيا
ايضا البطارية ليست جافة اى انها سائلة و 55 امبير فلما ببتدى اشغل العربية النور العدادات بيبقى قوى اول ما اشغل نور التابلوه من الدراع النور بحس انه بيقل شوية مش عارف هل دا عيب جوهرى ولا عادى ياريت حد يفدنى في دى لكن بصراحة انا اول ما بدور العربية بتدور على طوول نشكر ربنا مش بتغلبنى رغم ان الجو سقعة

المجمل نشكر ربنا السيارة أكثر من رائعة نقدر نقول بالنسبة لسعرها انها ممتازة بتاخد مميزات كتيرة مقابل مبلغ بسيط نسبيا
ملاحظة : انا ملاحظ ان F3 2012 مفيهاش العيوب اللى الناس كانت بتقول عليها على الصينى بوجه عام والبى واى دى بوجه خاص الاصدرات اللى قبل دى واعتقد دى حاجة تحسب للتوكيل انه بيحسن من ادءه ونتمنى المزيد والمزيد من العطاء والنجاح
معلش اسف طولت علييكم واسف لو كان التقرير في تقصير انا اول مرة اعمل تقرير اساسا ولو حد ليه اى استفسارت انا تحت امركم

السلام عليكم

اخونا الكريم د/بيتر ....

ربنا يحفظك ويحفظلك السيارة ...

حضرتك بتقول فى شويه سوء تقفيل ...... ياترى لاحظت ذلك فى ايه فى السيارة .......
- اخبار الفتيس ايه ( هل يوجد عضه فى الغيارات ام انها سهله ....كذلك هل يوجد صوت ونه او خشونه من الفتيس .....)
- هل يوجد فوج لايت امامى ؟؟؟ والخلفى واحد ام اثنان ؟؟؟؟؟؟؟؟

وربنا يباركلك فيها ... ولا تنسى انك فى مرحلة التليين ....فبهدوء مع السيارة ولا تحرق على الغيار ...

اخى االفاضل شكرا لحضرتك نمن حيث الونة انا لم اسمع اى صوت في السيارة ولم الاحظ اى صوت في السيارة لامن الموتور ولا من الفتيس
من حيث العضة انا مش عارف يعنى ايه عضة هل يعنى لما بتيجى بينقل من غيار للتانى مش بينزل ؟ لا دى محصلتش معايا الا لما انا غلطت وكنت ماشى على التانى وبدل ما اجيب التالت طلعت على الاول بس نمشكر ربنا لحقت نفسى قبل ما يحدث اى كسر في التروس ولا اى شئ نشكر ربنا جت سلمية
لكن اللى حصل معايا انى مثلا وانا بنزل الفتيس من التالت للرابع حصلت معايا منرتين او تلاتة انى سمعت صوت تكة كان مثالا الفتيس اتعشت بقوة في مكان ما انا مش قادر افسرها بس بس الغيار نزل معايا للرابع مش وقف بس اخويا قالى ممكن تكون انت مش دايس دبرياش كويس وانا اعتقد كدا فمش عارف هل دى عضة ولا ايه
تحياتى لك

تقرير جميل ومفسر ومبروك رضاك عن السيارة وموضوع مؤشر البنزين فهذا طبيعة القراءة فى السيارة ال byd ولك استهلاك البنزين عندك مثالى وفعلا العربية فخمة وعيبها انها تثير الحسد تبقى اكثر فخانة لو كانت سيارتك لون غامق وشمعت السيارة او غسلتها بسائل wash and wax السيارة سوف تلمع مثل المراية
والف مبروك وربنا يعطيك خيرها
كنت تفكر فى الفيرنا مارايك الان وانت واخد الاسرة والسيارة حملتهم بالراحة والحمد لله ان كل مخاوفك تبددت

اسف من حيث التقفيل السيئ يعنى من الشنطة من الخلف تحس ان الفاصل بين الصاج والشنطة واسع من الناحية الشمال عندى اكتر م ناليمين يعنى ضيق من اليمين وجاى على واسع سنة بسيطة م نالشمال

نشكر ربنا د المناهرى
الاسرة مقتنعة الان بالسيارة تماما وبنشكر ربنا على هذه النعمة
وانا من راى البسيط ان الفيرنا لاتصلح للعائلات اوى وخاصة مثلا اننا 5 افراد لانها ضيقة نسبيا كمان ليست عالية عن الارض مثل البى واى دى او اللوجان وخصوصا لو مثلا مسافرين وهنحجتاج نحمل شنط كتير هيبقى ايه الوضع اعتقد هيبقى صعب جدا
لكن اللوجان يعبيها ان للاسف حسيت انه ابتيجى مشاكل م نالمصنع ذات نفسه فس الصناعة ودا عيب ليس بالهيين بالنسبة لى

ألف مليون مبروووووووووك عليك الجميلة

ومشكور جدا علي التقرير الجميل ده وياريت تستمر حضرتك معانا مع تقارير الصيانات الدورية علشان نستفيد من حضرتك

خالص تحياتي

بخصوص فروق الشنطة مع الصاج ده حاجة بسييييطة جدا ولا تقلق منها خالص حضرتك بس وإنت رايح تعمل صيانة الألف بالسلامة بلغ عن الموضوع ده لمهندس الإستقبال وهو بيستلم منك العربية وحيظبطهالك تمام إن شاء الله ولا تنسي ان تكتب جميع ملاحظاتك في ورقة قبل ما تروح علي طول علشان ممكن تنسي حاجة


تحياتي

شكرا لحضرتك جدا استاذ وليد