الموضوع: ***هيونداي الانترا - احسن ما في فئتها - تفوق كوريا علي اليابان اخير ! ***

اعلنت مجلة Consumer Reports
ود من اكبر و اشهر و من اكتر المجلات المحترمة في الولايات المتحدة الامريكية . و بقالها عشرات السنين .

اعلنت عن فوز الهيونداي الانترا برقب افضل سيارة كومباكت لتاني سنة علي التوالي .

متفوقة علي 18 سيارة اخرى منهم الهوندا سيفيك و التويوتا كورولا و التويوتا بريوس .

بعدها في الترتيب علطول كانت المازدا 3 .

و تتوقع المجلة نجاح السيارة الانترا تورنج الجديدة الي هي ( i30 station ) نجاح ساحق .
------------------------------------------------------


الجدير بالذكر ان مبيعات الانترا لاول مرة تفوقت علي الكورولا و السيفيك و هي الحصان الاسود لمبيعات هيونادي حاليا .
---------------------------------------------

و اصبح المستهلك الامريكي في غناء تام عن السيارات الامريكية في هذه الفئة او اليابناية بتواجد سيارة ارخص و اقوى .. و للأول مرة اصبحت كلمة سيارة كورية مش كلمة عيب و لا عليها اي نقاش .


عقبال شعب مصر .

والي حيقولي الي بينزل هنا غير الي بينزل هناك حقوله ده صحيح علشان هيونادي عندها مصنع هناك

بس بنفس المبدأ التويوتا و الهوندا الي بينزلوا هنا غير الي بينزلوا هناك ..

يبقى الحسبة متكافئة .

انا مليش دعوة حاليا بالتوكيل . انا بتلكم على السيارة فقط .

علشان كان في اخوة بيقارنو السيارة بالياريس !!!!! ( ربنا يهدي ) .

المشاركة الأصلية كتبت بواسطة أبو عبدالله

كلام مظبوط ولكن كلامي ان احنا عممنا اكبر من حجم الاعلان او الخبر ده كلامي وليس تشكيك في شئ اخر
ومتهيألي ان انا كتبت عنوان كاتب في ماركات وليس اسم البلد المنشأ فيها
ياريت تكون رسالتي وصلت



انا فاهم وجهة نظرك يا كريم
وانا متكلمتش على امريكا ولكن انا اتكلمت على ان اساوي الياباني هنا في مصر بالكوري برضه اللي هنا في مصر

معلشي يعني عربيه زي السوبارو التي لا تنتج الا في اليابان اجي اقول عليها كده يبقى حرام جدا
انا كلامي كان ان لا اعمم ولست بصدد الكلام على الألنترا او هيونداي او الكوري
ولكن كل ما في الأمر ان العنوان هيبقى صعب لأي قارء يقرأه ان الكوري عدى الياباني ده تعميم مالوش مكان في الخبر بصراحه
دي وجهة نظري

جميل يا ابو عبد الله انا موافق انه تعميم

بس السوبارو كانت من ضمن 18 سيارة الي تفوقت عليهم هيونداي في الاختبار ده و كمان بالمحرك ال 2000 سي سي مش المحرك السلحفاة الي نازل في مصر . :)

سينا من سوبارو.

تعميم ...

هو في شركات تانية في كوريا ؟
انا اعرف - هيونادي - كيا - دايوو - سسانج يونج

هيونادي و كيا بقوا شركة واحدة - و الكيا ليها SUV واخدة ائمن سيارة في امريكا مش فاكر اسمها .

الدايوو بقت شيفورليه .. و اندثرت كشركة كورية .

السانيونج بقت بالكامل ملك لSAIC الصينية .


الالنترا تفوقت علي التويوتا و الهوندا و السوبارو .

يعني شركة كورية واخدة تفوقت علي 3 اعرق و اكبر شركات ياباني في 2 موديلين .

ده مش يحتاج تعميم ؟ و انا مش بعمم عن الدولة .. انا لما بقول الكوري يعني مفهوم قصدي السيارة الكوري ... و ده الي حصل هنا .. فنا مكبرتش حاجة .

بس الفكرة انه موضوع كان مستحيل قبل كدة و تحقق دلوقتي . بس مش اكتر :)

و عبال السيارات الصينية كمان 10 - 15 سنة .. اهه كله في مصلحتنا احنا في الاخر , و ده هدف الخبر اصلا .

و اشكرا علي حوارك اللطيف يا ابو عبد الله :)