الموضوع: مقارنه بين فورد فوكاس وهيونداى النترا و رينو فلوانس

المشاركة الأصلية كتبت بواسطة mmbadroo

معلومة صغيرة لمعاليك علشان ميبقاش كلام مرسل - تصنيف الكورى الخامس عالميا
ولو كنت ركبت إلنترا 2005 كنت عرفت الفرق بينها وبين البوماو ياريت الكلام ده ميزعلش

الالنترا ال 2005 دي حاجة شاذة تستخسر أساسا تقارنها بباقي الكوري فا مش معيار.

المشاركة الأصلية كتبت بواسطة mmbadroo

معلومة صغيرة لمعاليك علشان ميبقاش كلام مرسل - تصنيف الكورى الخامس عالميا
ولو كنت ركبت إلنترا 2005 كنت عرفت الفرق بينها وبين البوماو ياريت الكلام ده ميزعلش

يا باشا أكيد مش هزعل منك .. كلها عربيات هما مش عيالنا يعني .. دول مجرد وسيلة مواصلات مش أكتر .. و أنا ماعنديش انتماء لأي ماركة ولا صناعة حتى و ممكن أطلعلك عيوب البومة دلوقتي من غير أي زعل.
و فعلا على رأي أغلب الناس الإلنترا 2005 و السيراتو 2005 برضه دول كانوا حالات شاذه و برضه الشوما و السبكترا كانوا كويسين جدا .. و مافيش عربية كوري في جمهورية مصر العربية أنا ماركبتهاش علشان بس مانقولش إني بتكلم كلام في الهوا و ماجربتش ........ و مش عارف أنا فين التقييم اللي بيصنف صناعة العربيات تقييم دول ، اللي أنا أعرفه إن كل منظمة بتصنف تصنيف ماركات ، و برضه مابيكونش شيء معتمد لإن مافيش أي جهة معتمدة أعرفها بتعمل تقييم شامل ، حتى اختبارات الأمان بتكون لقياس الأمان بس و كل منظمة بيكون ليها تقييم خاص .. لو تعرف جهة رسمية معتمدة دوليا و معترف بيها و بتصنف على أساس الدول ياريت لو تفيدنا بلينك ليها أون لاين نتابعها .. ولو كانت كوريا رقم 5 فأكيد ألمانيا و فرنسا مش أقل منها .. ولا ممكن تكون كوريا سبقت ألمانيا ؟؟!!!

عموما .. هقارنلك برضه الإلنترا 2005 بعربيتي ... و خلي بالك عربيتي دي معايا بقالها سنة و نص و قبلها كان فيه بيجو 307 و فيه مواضيع ليا كتير سبيت و لعنت في أم الميتسوبيشي مقارنة بالبيجو ... فأنا الموضوع عنديمش عاطفي أبدا و أنا مش متعصب لأي شيء ، و للعلم أنا مهندس ميكانيكا باور و كنت باخد تدريبي في مرسيدس المعادي من سنة ...

إلنترا 2005 و بومة 2005 ، و الاتنين أوتو فل أوبشنز ......... فرق السحب في مصلحة البومة ... فرق الثبات و الاتزان في مصلحة البومة .. فرق الصاج في مصلحة البومة .. فرق العفشة في مصلحة البومة ..
يا أفندم بالله عليك ماتبص على الأرقام بتاعت الكوريين كده علشان هما عفوا كلامنجية شوية ، لإن لو الإنترا 130 حصان معناها إنها هتخيط أي عربية في فئتها و ده مش بيحصل أبدا و كل الناس تشهد ، ولو كانت السيراتو 124 حصان ماكنتش أنا عرفت أخيطها بعربيتي اللي آخرها 110 حصان و كمان أقدم بـ5 سنين و الفيديو موجود في قسم ميتسوبيشي من زمان ....
بص يا باشا .. فك كده العربية دي حته حته ، و فك دي حته حته ... والله من غير مايكون معاك مهندس متخصص يقارن بينهم انت لما تشوف دي قطع كده متفككه هتفهم ليه الناس بتقول على الكوري إنه قليل و ماينفعش يتقارن بالياباني .. شوف الميزان الخلفي للعربية دي و العربية دي و شوق فرق سمك و طريقة تقفيل العفشة الخلفية ... والله أنا اتمنى يكون فيه عربية كوري حلوة أن أول واحد هيشتريها لإنها هتوفرلي فلوس لكني جربت كتير والله مالاقيت .. و خلي بالك برضه البومة عربية هفأ يعني مش عربية عالية أبدا .. لكن أسوأ الياباني مع كل تقديري في اللي جربته بنفسي أعلى من الكوري...

بالنسبة بقى لإن فيه ناس بتقولي الكوري ده متتشر في الخليج و في كل حته في العالم و عامل شغل مبيعات عالي جدا و ده معناه إنه بقى ( الأفضل ) ... طبعا ده كلام مش سليم ... اللي بيحصل إن فيه صفوة من الناس اللي بتفكر عموما في أي موضوع في الدنيا و قليل منهم كمان معاه فلوس كويسه و الباقي ناس عامة مش بتركز كتير في اختياراتها ... بمعنى لو جبت أو واحد في مصر راكب نيو أكسنت و سألته هو معناها إيه كلمة cvvt اللي مكتوبة على عربيتك دي كام واحد هيعرف يرد .. هتسأله انت شاريها ليه هيقولك والله عربية حلوة و يسكت ... تقوله طيب يا عم حلوة في إيه يعني هي أحسن من الصني في إيه مثلا .. هتلاقيه بيقارن بالشكل أو قطع الغيار أو بأي كماليات ... لكن كام واحد هيتكلم كلام علمي دقيق و هو بيركز و بيفكر في الأمان ثم الأداء و هكذا ؟؟؟ هو ده اللي بيصحل في كل دول العالم ، و الأوروبيين برضه مش علماء و ملايكة يعني .. عادي ناس عادية جدا مش عايزين يصرفوا على العربية فلوس كتير فبيريحوا دماغهم زيهم زي المصريين زي الخليجيين زي كتير جدا مننا ... و اللي هيقولي لا الخليجيين كلهم بيعرفوا يصرفوا على عربياتهم هقوله الهوندا أكورد في أي إصدار من إصداراتها في الخليج بتخيط أم أي عربية في فئتها السعرية و مبيعاتها أقل بكتير جدا من السوناتا .. لإن فعلا قطع غيار الأكورد في الخليج غالية بغباء مقارنة بالسوناتا ... بالتالي الطبيعي جدا جدا في أي سوق أيا كان سوق عربيات أو سوق خضار إن يكون الأكثر مبيعات هو الأقل سعرا .. بس كده يا سيدي الموضوع بسيط جدا و المبيعات بالشكل ده لا تحدد أبدا كفائة السيارة.

و آسف جدا على الإطالة .....

والله انا مستمتع بكلامكم وده بيدل على عشقكم للسيارات زى حلاتى.
طبعا كل الكلام اللى اتقال مظبوط 100|100 بس الاختلاف انتى بتحب تركب ايه؟المانى (زى حلاتى وان شالله تكون موديل 1970 ومش هبص على كورى والا يابانى)والا يابانى والا كورى والا اى حاجة تتركب والسلام ولاما اجى ابيع تتباع فى نفس اليوم؟؟؟؟؟؟
هو دة اول سوال يتسال للى طلب المقارنة.اللى انتوا نسيتوه وبتقطعوا فى عربيات بعض ههههههههههههه
تانى حاجة هو انتى بتاع شغل توكيل والكلام المحترم دة والا من بتاع الاستعمال والتايوانى والصينى فى قطع الغيار.
انا هتكلم على العربيات اللى ملكتها واتعاملت معاها ركوب وصيانة ومشكلات.مش هتكلم على اللى ركبتهم
انا كنت من ملاك فورد فوكاس 2005 الاوتماتيك ماتور 119 حصان وعفشة مخلية العربية كانها 4*4 (كانك راكب هامر) وباور الدريكسيون زكى جدا مش محتاج غير ايد واحدة للتحكم سواء على السرعات العالية او الغرز وجوة البلد وهى صناعة (اسبانى)معرفش 2012 المانى والا اسبانى--قطع غيارها موجودة فى التوكيل بسعر اقل من اليابانى واغلى من الكورى يعنى تقدر تقول كويس بالنسبة لانها فورد---تقيلة على الارض 1500 كحم تقريبا وده مع قوة الماتور والتعليق والثبات مخليها جامدةةةةةةةةةةةة(بصراحة الكورى واليابانى جنبها والا حاجة)
الكورى انا كنت ماللك هيونداى اكسيل 1500 كاملة عربية كويسة وعملية جوه البلد(فقط لا غير)ديه من وجهة نظرى للكورى عامة.
الرينو عربية جميلة بس فى الاسكندرية مبيحبوهاش قوى عندنا مثل(اللى معاه رينو الله يعينوا)فمش هقدر اقول غير انها عربية ناعمةةةةةةةةةةةةةة وشيك.
بس العربية اللى ركبتها وفعلا لحست دماغى (المرسيدس e300)خارج المنافسة فعلا لما تيجى تركب الباسات بعديها تبقى عايز تتييييييييييييييييييييييي ييييييييييييييييييييييييي ييت عليها.ربنا يوعدنا.هههههههههههههههه

اسعار قطع غيار الفوكاس 2012 .....فلتر زيت 125 ...فلتر هوا 96 فلتر بنزين 125 فلتر تكييف 159 سير كاتينه 125 ...فانوس امامي 1050 ...فانوس خلفي خارجي 732 طقم الفرامل الاماميه و الخلفيه في حدود 550 جنيه طناير اماميه 460 جنيه مساعد امامي او خلفي 950 جنيه........بيتهيألي الاسعار غير شامله الضريبه.........انا شايف الاسعار دي غاليه و التوكيل قاعد يقول ان الاسعار رخيصه!!!!!!!!!!!

المشاركة الأصلية كتبت بواسطة melagouze

اسعار قطع غيار الفوكاس 2012 .....فلتر زيت 125 ...فلتر هوا 96 فلتر بنزين 125 فلتر تكييف 159 سير كاتينه 125 ...فانوس امامي 1050 ...فانوس خلفي خارجي 732 طقم الفرامل الاماميه و الخلفيه في حدود 550 جنيه طناير اماميه 460 جنيه مساعد امامي او خلفي 950 جنيه........بيتهيألي الاسعار غير شامله الضريبه.........انا شايف الاسعار دي غاليه و التوكيل قاعد يقول ان الاسعار رخيصه!!!!!!!!!!!

صدقني ده بالنسبة لأي توكيل ياباني أو أوروبي في مصر ممتاز جدا ..... شوف أسعار توكيل ميتسوبيشي أو مازدا أو هوندا ، انت حتى لو شوفت أسعار الكروز و الأنفنتي في التوكيل هتعرف إن دي أسعار كويسه جدا ..