النهاردة معادنا مع تقرير جديد من تقارير قسم العمالقة
اسود هيونداى




امبارح الخميس 8-3-2012

كان معادى مع الحج احمد مشعل مدير شركة جينز كار فى تركيب فرش جلد عربيتى
واللى هو طبعاً بلوشى من غير ولا مليم هدية منه ليا انا والبشمهندس سمير الشهاوى

مش عايز اقولكم يا جماعة الراجل دة قد اية محترم وقد اية خلوق ومهذب وفعلاً يتحب من اول لما تشوفه تحس انه صديقك من زمان


معادى معاه كان الساعة 3

روحت انا وصاحبى محمد الساعة 2.50 قبل معادى ب10 دقايق

والمعتاد من الحج احمد انه استقبلنى بحرارة شديدة انا وصديقى
وقال لنديم مدير العمال عنده ابدأ فى فك الكراسى للالنترا السودا



وبعد ما الكراسى اتفكت نده عليا وقالى كريم انا كبرت فى دماغى اعملك ارضية جلد
تعالى اختار اللون

انا احرجت جداً وقولتله احنا ما اتفقناش على كدة احنا اتفقنا على فرش بس
اصر على قراره وقالى هتختار اللون ولا اختاره انا قولتله اعمل اللى انتا عايزه :)

راح قال نديم عايز فرش عربية فابريكا للالنترا وقالى هعملهولك بيج زى الموكيت
وانا وافقت وبدأ الشغل
ودى صور التركيب
















بعد ما الارضية خلصت الحج احمد نادانى انا ومحمد صاحبى علشان الغداء
وبصراحة دة كرم بجد غير عادى روحنا اكلنا ودار حوار بينى وبين الحج احمد مشعل والاستاذ احمد ابن خالة الحج احمد عن احوال البلد

وبعد كدة لاقيت كريم منير مدير عام المنتدى داخل علينا كان معدى بالصدفة من جمبنا ودخل يسلم علينا
مقعدش معنا كتير علشان كان مستعجل عنده مشوار

بعد كدة محمود عفيفى عضو هيونداى النشيط كلمنى وجالى زى ما كنا متفقين وقعدنا مع بعض ندردش كتير بجد راجل زى العسل وتحس انك تعرفه من زمان
اتكلمنا كتير وقلبت فى عربيته كتير وشوفت الديفيدى الشيك اللى هو مركبه
بأمانه جامد جداً ومتقلقش يا محمود انا مش بنق ولا حاجة انا بحقد بس :)) هههههههههه


بعد كدة جالنا احمد مصطفى منسق قسم نيسان وقعدنا نتكلم على العربيات وفكره فى تنشيط القسم
وبجد الراجل دة يا جماعة اسطورة
وبعد كدة جه حسين منسق مساعد قسم نيسان وقعد معانا وقعدنا ندردش عن الشغل فى الهندسة المدنية ومستقبلى الباهر

وبعد كدة الفرش كان خلص وصورنا الكراسى ودى الصور قبل وبعد




مش عايز حد يتريق هى دى الكراسى بتاعتى قبل العملية الجراحية هههههههه







طبعاً باين الخياطة الدبل فيس اللى ليها حساب لوحدها ورغم كدة الحج احمد مشعل
بجد مستخسرش في عربيتى وبجد نقى انضف جلد وانضف خياطة
بجد ربنا يباركله


















طبعاً فى الصورة دى باين قوى الصنعة والمهارة فى الخياطة






بعد كدة ركبنا الكراسى فى العربية
بس انا كنت مستعجل جداً فملحقناش نصور العربية والكراسى راكبه جواها

بعد كدة جه الحج احمد بنفسه يطمن على الشغل والفنيش
وقالى افتح الشنطة وبص لاقى الولد اللى كان بيركب الارضية معملش جلد فى الشنطة فأمر انه يتعمل على طول واتعمل فى اقل من 5 دقايق واتحط فى الشنطة وبجد شكلها بقا شيك جداً


يا جماعة بجد العربية بسم الله ما شاء الله عليها الله اكبر من جمالها
بجد العربية رجعت تانى فابريكا

والفضل كله للحج احمد مشعل لزوقه وكرم اخلاقة اللى فاق كل الاوصاف
بجد ربنا يباركله ويحميه ويخليه لاسرته

وان شاء الله اول لما البشمهندس سمير يرجع بكره من السفر بالسلامة هاخدة ونروح نعمل الالنترا 2012 بتاعته

ونعملكم التقرير بتاع عربيته ان شاء الله

معلش طولت عليكم
والسلام عليكم ورحمة الله وبركاتة