أختار معايا مازدا3 بيزك2011 vs فلوينس 2012بيزك vs شارك 2011 بيزك

**Land_Cruiser** · 10-03-2012 03:53 PM

المشاركة الأصلية كتبت بواسطة ashouhdy

اسلفة 10 تلاف جنية هههههههههه

هم 3 جنية ولا اية ....

طب الفلوينس نفس مشاكل الميجان ولا اية

يا باشا مش بتقول صاحبك؟ انا جاى أهدى النفوس

. لَا مش نفس مشاكل الميجان و لا حاجه و عربيه زى الفل. انا مش مالك ليها بس سوقتها كتير و هى حلوة جدا و ثابته . هى طلعتها الاولى تقيله شويه بس زى معظم الاوروبى و مقبوله يعنى مش بطه. و بعدين هى بقالها فتره فى السوق و منتشره كويس و الحاجات اللى بعض الناس قالوا عليها كانت ان التيل بيصفر على خفيف مع الفرمله بس هو نوعه كده و كانت حصلت معاهم مشكله فى طرمبه البنزين و التوكيل غيرها عادى فى الضمان بس ده كان فى موديل ٢٠١٠ على ما اتذكر بالنسبه للطرمبه دى و كمان توكيلها ممتاز و كمالياتها ووسائل الامان فيها عاليه وواسعه جدا و سعر اعاده البيع بتاعها تقريبا زى اى عربيه تانيه مش واقع يعنى

**ashouhdy** · 10-03-2012 07:39 PM

متشكر للرد ياجماعة

دلوقتى المعركة منحصرة

بين

المازدا 3 2011 اول فئة اوتو و فلوينس 2012 اول فئة اوتو

افيدونا افادكم الله

**mody3on** · 11-03-2012 02:55 PM

لو العربيتين دول بس فلونس

**magnam** · 11-03-2012 03:35 PM

فلوانس ومازدا 3 أجمل من بعض يعنى بصراحة لو أنا اللى هشترى هبقى محتار جدا بين العربيتين

**mohamedkordy** · 11-03-2012 04:22 PM

المازاد طبعا تعليقها ملتى لينك بتكنولجى فورد بس يعيبها للاسف غبور الفلونس تعليق دنجل بس توكيلها محترم غير كدا العربيتين زى بعض تمام يمكن صاج الفلونس احسن شويه

**crayvor** · 11-03-2012 05:37 PM

انتشار الفلوينس أعلي من المازدا..
والمازدا نازلة بتاني أضعف موتور ليها هنا ف مصر.. مش حياكل عيش مع جسم العربية دا كله..
كان نفسي أقولك يتوكل علي الله في الفلوينس.. بس للأسف لو أنا مكانه مش حاشتري عربية وأفضل طول ال 5 ولا 6 سنين اللي راكبهم فيها خايف منها.. طالما انه خاف منها في البداية يبعد ويريح دماغو..

ترشيحاتي؟؟
هيونداي: عنده مليون حاجة يختار منها:
أكسنت أعلي فئة ويوفر 11 ألف
النترا أول فئة ف الهاي لاين ب 133
i30 هاي لاين برضه أول فئة
ix20 الرائعة بس مش البانوراما

نسيان تيدا أعلي فئة هاتش

كورسا أعلي فئة بس يسأل علي نظام التوكيل

فكك من الكروز ماعرفش ليه بس بتدي طابع قديم شوية

آدي حبة حاجات السوق واثق فيها واعتمادية عالية..
الالنترا والأكسنت كا برستيج
ال i30 و ix20 و الكورسا حاجة شبابية وف نفس الوقت فيها كاريزما البرستيج كويسة
التيدا قاعدتها من جوة تخلي الواحد بيزعل لما يخلص المشوار.