الموضوع: أختار معايا مازدا3 بيزك2011 vs فلوينس 2012بيزك vs شارك 2011 بيزك

مازدا3 وش .. عفشة احسن .. وسحبها حلو جدا مش ضعيف ولا حاجة .. وعن نفسي افضل شكلها عن الفلوانس اللي من وجهة نظري ضخمة برخامة واعتمادية المازدا برضو احسن .. لو مكانه مازدا3

اولا انا هقسم ردى على جزئين,الجزء الاول هو رد على نقدك للثلاث عربيات وبعد كدا رأى انا الشخصى

اعتراضى كان على غبور و سوء التوكيل

هو طبعا غبور ميختلفش عليه اتنين فى انه من اسوء توكيلات مصر لكن الكلام ده بخصوص هيونداى لكن فى مازدا انا اسمع ان الموضوع مختلف تماما

واعتراضى على الشارك عشان الامان مفيش وعشان الاتنين موديل قديم سنة كاملة

موضوع الامان ده انا بشوف انه اه طبعا حاجه مهمه فى العربيه وده ميختلفش عليه اتنين لكن الفيصل هنا هو اللى بيسوق العربيه,هل صاحبك مجنون وبيعمل حوادث كتير علشان تكون النقطه دى جوهريه بالنسباله؟
اللى عايز اقوله ان لو صاحبك عموما سواقته هاديه وعاقل يبقى ده مش عيب يأخذ على عربيه تحمل شعار واحده من انجح الماركات فى مصر وماتنساش ان وسائل الامان ممكن تكون نقطه ضعف لو اتفتحت الله لا قدر وتقتل ثمن العربيه وهى بتتباع مستعمله

معترض هو على الرينو عشان هشة و خوفة من الاعطال انا بقولة معاك ضمان 3 سنين متقلقش بس خايف البسة فى الحيط

انا امتلك فلوانس الفئه التانيه اوتوماتيك وغير مقتنع بكلمه هشه دى خالص,لو بتقصد بها صاج عربيه فيبقى انت اكيد بتتكلم على عربيه تانيه غير الفلوانس,انا كنت قرأت موضوع فى قسم رينو بيوضح بالصور ان الفلوانس مبطنه بالصاج,ارفع الكابوت وشوف وزنه هتفهم قصدى,لكن لو تقصد بموضوع هشه هو اعتماديه قطع الغيار فأنا مقدرش احكم اوى على النقطه دى لأنى يادوب مالك للعربيه من شهرين لكن على حد علمى ومن قرأتى فى المنتدى ان قطع غيرها معمره مش استهلاكيه وبصفه عامه اى قطع غيار اوربى بتكون معمره اكتر من نظيرتها الكورى


تانى جزء عايز اتكلم فيه هو رأى شخصى وهيكون بعيد عن الفوارق الديناميكيه والميكانيكيه لأنى مش خبير اوى فى الجانب ده ولكن انا هتكلم من وجهه نظر اعتماديه وعمليه العربيه فى بلدنا.
انا قبل لما اشترى كنت واقع فى نفس الحيره بين الثلاث عربيات دول,المازدا والفلوانس واللانسر والكروز وكانت من بعيد كمان البيجو بس استبعدتها لانها تقفيل صينى واستبعدت الكروز بسبب سوء التوكيل و لانها كورى وفقيره فى الكماليات بشده مقارنه بباقى السيارات فى نفس الشريحه السعريه
فى مقارنتى بين الثلاث عربيات الباقيين اللانسر والمازدا والفلوانس كنت مايل اكتر للمازدا نظرا لشكلها وسمعتها المحترمه فى مصر ولاقيت انه يعيبها انها من زمان معروف عنها انها فيها تكنولوجيا متطوره اوى تكاد تكون معقده ومخيفه لو حصل اى عطل فى العربيه ولاقيت كمان ان نفس الموضوع ده موجود فى الفلوانس(مع الوضع فى الاعتبار تفوق الفلوانس فى الكماليات)واتأكدت من ده بعد لما امتلكتها ولاقيت انه فى الجانب ده هيبقى المازدا والفلوانس فى كفه واللانسر فى كفه من ناحيه التكنولوجيا المعقده,بعد كدا سألت واحد صاحبى كان لسه مشترى مازدا كسر الزيرو عنها وقالى انها عربيه لا غبار عليها لكن يعيبها انها (كنزه) من ورا شويه ودى كانت حاجه جوهريه ليا علشان كدا استبعدتها,بقت المقارنه محصوره بين الفلوانس واللانسر شارك,سألت عن اللانسر ولاقيت انها مكانش متاح منها 2012 فى الوقت اللى كنت عايز اشترى فيه فأشتريت الفلوانس

الخلاصه انى كواحد يمتلك الفلوانس من شهرين شايف الفلوانس عربيه متربعه على قمه الشريحه السعريه دى وبقت منتشره انتشار جامد جدا لكنها معقده شويه وأحنا بلدنا مش عايزه الحجات المعقده دى فأنا شايف ان صاحبك يخليه فى اللانسر بصراحه لانها اعتماديه من الدرجه الاولى وغير معقده مقارنه بالفلوانس

تحياتى