الموضوع: حادث مروع أمام مول العرب (بالفيديو) ..

المشاركة الأصلية كتبت بواسطة moh19227

اقولك حاجه بالنسبه للناس اللي بتقف تتفرج انا قريت حاجه بسيطه عن الموضوع ده في الطب النفسي
وهوا ان بعض الناس ان مكنش كلهم بيتفرجوا علي المشاهد الصعبه والمؤلمه علشان يحصلهم حاجه اســمـهــا
" تطهر "

+11111111

100% فعلاً

المشاركة الأصلية كتبت بواسطة zooooma

انا على حسب لو لقيت نفسي هقدر اساعد بركن بعيد و انزل اساعد لقيت في ناس كتيره و مش هعرف اعمل حاجه بمشي على طووول

طيب ياباشا تقدر تقولي تقدر تساعد بأيه أكتر من أنك تتصل 122 نجدة أو بالاسعاف ... ودي ممكن تكلمهم وانتا ماشي بعربياتك عادي ... ولا هتنزل تجيب للمصاب كبايت مية وهتهوي عليه علشان ياخود نفسو .

تانياً : سؤال ده مصاب وقاعد في عربيتو ... وكده ولاكده هتجيلو الاسعاف وناس متخصصة ومدربة في الانقاذ .
طيب لو لقيت واحد عربية خبطاة ومرمي على الارض انا اقطع دراعي ان مكنش الاغلبية هيقولوا احنا هنمشي ونسيبوو وانا مالي ياعم لأني لوخدتو المستشفى هيتهموني اني انا الي خبطتوو وسين وجيم ووجع دماغ لا انا امشي ياعم .
وبالذات لو مكنش فيه شهود ... فشايف قد أيه في أزدواجيو في المعايير لدى المجتمع ...


والي يدحك في الموضوع ان الحادثة حصلت قدام باب مستشفى مشهور اسمو مستشفى درا الفؤاد ومع ذلك بعتو جابو عربية اسعاف من أخر الدنيا ... وودوه مستشفى برضو في أخر الدنيا .

مستشفى دار الفؤاد للي ميعرفش لو داخل الطوارئ وانتا من على الباب بره بيدفعوك تذكرة 3 جنية تقلش داخل تركن انتا جوة مش معاك حالة ضرورية عاوز تسعفها ... ياراجل يامؤمن ده المول بتاع الفسح والسنكحة الي قدام المستشفى الدخول فيها بلاش واركن براحتك ... وفي المستشفى الوقفه بفلوس حتى لو معاك حالة بين الحياة والموت .

مستشفى دار الفؤاد للي ميعرفش كان معاية الحج و داخل بية الطوارئ وأبوي بيفلفص ونفسو مقطوع وبيطلع في الروح ... قلي أركنو بره في الاستراحة لحد ماسرير يفضى في الطوارئ . أركنو شايف المصطلح قد ايه جميل أركنو أو قعدوو ... ياترى ده سايس ولا دكتور .

والله انا لسة شايفة حادثة طازة على الدايرى قبل اليوترن بتاع السلام بحبة حلوين بين عربية ملاكى ماعرفتش هى ايه لانها خبطت فى ميكروباص خاص وتقريبا كمان خبطت فى الحاجز الخرسانى واتعجنت من ورا وقدام يمين والميكروباص كان واقف بالعرض فى نص الطريق بالظبط والحمد لله ان ماحدش جراله حاجة لان الناس كلها كانت طايرة على الدايرى وانا منهم الحقيقة لكن الحمد لله ربنا ستر

للأسف تخلف تخلف لأبعد ما يمكن ، زيه زي اللى بياخد اليوترن من اقصي اليمين وأدل سبيل
والشارع كله يقف ورائه وتطلع الأزمة ان فى ملف ، وفى الحوادث ممكن ناس حياتها تروح بسبب الإستهتار والبطئ وإعاقة الحركة للفرجة!!
وداء متأصل فى كثير مننا ، رحمتك يارب.
انا حتي مبتفرجش إلا إذا كان لمحه ، وكل همي بيكون على التركيز فى الطريق
وان اخلي اللى قدامي يتحرك بدل ما هو بيستموت علشان اطلع واعدي من المكان بسرعه
قبل ما البهوات يقفلوه من الفرجة ،
ولو عربية اسعاف ماشية بمجرد ما بلمحها بوسع لها الطريق ومش بلزق فيها بعد ما اعديها واجري وراها زي الأهبل.