الهبده دى مش بتحصل غير من التالت للتانى
صح ؟
ركز هتلاقيها بتحصل لما تكون فى الموقف الاتى:
ماشى عادى على 3 او اى غيار اعلى منه
وفجاه تفرمل
تبدا العربيه سرعتها تقل
والفتيس بيسقط نقلات عشان يتناسب مع سرعه العربيه
العربيه توصل للغيار التالت
و فى لحظه ما العربيه هتسقط تانى
انت بتدوس بنزين فجأه (لان الطريق فتح مثلا)
تلاقى دببببب الفتيس رزع
لو الموضوع مقتصر على الهبده دى
عاوز اقولك
كان معانا اوكتافيا ايه فايف 2005 كانت كده ..و قعدت لحد 25 الف كم و بيعناها عادى
وجبنا ايه فايف 2008 كان فيها نفس الحوار وقعدت لحد 75 الف كم و عملت بيها حادثه
جيبنا فانتازيا فيها الحوار ده برده
بس خلى بالك مش ما الموقف ده بيحصل لازم تهبد
لا نادرا لما بتعملها
فعشان محدش يشتغلك
ويقولك نغير و نعمل
متعملش حاجه و سيبها و متقلقش
هى غلطه كنترول ...لكن تغيير الكنترول مش هيحل المشكله و الكنترول الجديد لو اتحط فى نفس الموقف ممكن تحصل نفس الحركه
هى الفكره و ما فيها (من وجهه نظرى المتواضعه) العربيه بتكون مش متوقعه انك هتدوس ...و بتكون مستمره فى التسقيط ..وفجاه انت بتدوس و هى بالبلدى بتتلخبط فبتغلط
بكرر تانى ..لو الهبده بتحصل فى ظروف مماثله فقط للى انا قولته ..
لان المشكله زى ما قولتلك معايا فى 3 عربيات