جين-2 ولا سانديرو استيب واي

**Sehsss** · 13-03-2012 08:02 PM

المشاركة الأصلية كتبت بواسطة dr_radioooooo

العقل بيقول الرينو عشان قطع الغيار و الوكيل
لكن انا لو مكانك هجيب الجين طبعا

بالضبط كده

**Dawns_Mist** · 14-03-2012 05:27 AM

قطع غيار الجين تو مش عملة نادرة ولا حاجة دلوقتي .. الحمد لله بقت متوفرة و العربية كمان نفسها انتشرت كتير عن زمان .. عندنا في طنطا فيه محلات فيها قطع الغيار الخارجية دي كتير و طبعا بأسعار أحسن من التوكيل كمان ، و اكتشفت إن قطع غيارها الميكانيكية تقريبا نسخة طبق الأصل من عربيتي البومة و دي حاجة مريحة جدا ... و بالنسبة لاستهلاك البنزين بتاعها مش عالي زي ماحضرتك متخيل الناس اللي معاها البروتون بيقولولي استهلاك عادي جدا زي أي عربية 1600 طول مانت مش بتحرق على العربية ..
السانديرو محترمة جدا و أنا أحترم حضرتك إنك جيبت مقارنة متزنه بين عربيتين محترمين .. السانديرو راحة داخلية أفضل نسبيا من ناحية إن العفشة أطرى شوية من الجين تو طبعا مش بفارق كبير ..
أعتقد أنا لو مكان حضرتك هختار الجين تو ..
بالتوفيق للجميع ..

**sherifboo** · 16-03-2012 12:52 AM

حضرتك خايف من العلو بتاع الستب واي على اساس انه ممكن يضعف الثبات بتاعها ..... الموضوع ده اعتقد انه صحيح مع السرعان العالية اوي بس زي ما قلت في بداية الموضوع انك مش بتحب الجري يبقى فيين المشكلة .. على فكرة انا كنت زيك تماما بس اخترت ستب واي بالرغم من ان الجين تو احدث تكنولوجيا بس الواحد في البلد دي يبعد عن اي حاجة معقدة و يجييب ابسط حاجة و ده موجود في الستب واي..موتور ممكن يكون قديم من ناحية التكنولوجيا بس بسطاته دي هتريحك اوي بعدين .. بجانب اني اتلسعت من توكيل بروتون لانه كان معايا ستروين قبل كده وتوكيلهم واحد "عز العرب" فقررت اني ابعد عنه و من ناحية تانية الناس بتشكر كتيير في توكيل رينو .... ده رأيي و ربنا يوفقك في الاختيار

**mody21990** · 17-03-2012 01:53 AM

اشكركم جدا يا رجالة بجد افضل منتدي و افضل ناس في المنتدى ده
انا ميال اكثر للجين2 بس برده لسه الستيب واي في المقرنة و ربنا يكرم
حصلي صلاة استخارة الاول و بعد كده حقرر بإذن الله

Dawns_Mist sherifboo
شكرا جدا لكم

**Ghosts** · 17-03-2012 08:30 PM

على فكرة أنا كنت من عشاق الجين2 لحد ما قريت الشكاوى اللى فى الموضوع دة ....
http://www.nilemotors.net/Nile/45257-a.html

لية حضرتك بتقارن مابين عربيتين سعر أعادة بيعهم سىء وقطع غيارهم غالية؟؟!!
لية مابتفكرش تشترى حاجة كورى؟؟!!

الكورى واليابانى فى بلدنا النهاردة هو الكسبان ....
فكر على مهلك وبلاش تتسرع ....

**ahmedmohamed7** · 17-03-2012 10:01 PM

الجين افضل من الستيب فى كل حاجة تقريبا .....مواصفات امان و فنية و كاتصميم كمان ......الحاجة الوحيد الى فى الستيب افضل من الجين هو التوكيل .....ربنا يوفقك :)

**mody21990** · 19-03-2012 03:46 AM

شكرا يا استاذ ahmedmohamed7
انا لسة متحير شويه بس ان شاء الله اقرر

**ahmedmohamed7** · 19-03-2012 09:29 AM

المشاركة الأصلية كتبت بواسطة mody21990

شكرا يا استاذ ahmedmohamed7
انا لسة متحير شويه بس ان شاء الله اقرر

طيب ليه حضرتك ماتفكرش فى السانديرو الاوتو بموتور 1.6 و 16 صمام بيطلع خرج 110 حصان..موتور افضل من الى نازل فى الستيب و السانديرو المانول + انك هتاخود عربية فول اوبشن مش زى الستيب هاف اوبشن + تقفيل و عزل افضل + الفيتيس الاوتو+الموتور الاقوى و الافضل بس من غير abs ولا الحليات الرياضية الى موجودة فى الستيب و سعرعا 82900 :)

على فكرة تظل الجين 2 افضل برده بقى بس انا موضوع الاوتو ممكن يفرق هنا...........

**islamnabil** · 19-03-2012 03:32 PM

جين 2 طبعا
بصراحة انا مش شايف وجه للمقارنة اصلا
مين قال ان توكيل عز العرب وحش
الصراحة الناس محترمين جدا و مشاكلهم هيا نفس مشاكل كل الوكلاء في مصر
بالنسبة لقطع الغيار معتقدش ان عربية بانتشار الجين 2 فيها مشكلة في قطع الغيار