الموضوع: يااهل الخبرة ( اوبترا ولا برليانس fsv)

المشاركة الأصلية كتبت بواسطة Dawns_Mist

عفوا و مع احترامي للجميع ... انا بسوق عربيات من و أنا في ابتدائي .. و بدايتي كمان كانت ألفا روميو ، دي بس مقدمة علشان ماحدش يشتم .. و الأوبترا أنا سوقتها كتير جدا و جربت كل حاجة بيها...

رأيك يحترم ايا كان بتسوق من امتى وبتسوق ايه , وطبعا محدش هايشتم ولا حاجه

لو هشتري الأوبترا بـ 70 ألف جنيه زيرو .. دي الحالة الوحيدة اللي ممكن فيها أشتري أوبترا .. من الآخر و مع كل تقديري للجميع ..

70 الف ؟؟؟؟ يعنى تبقى ارخص من الفيرنا واللوجان والافيو والبى واى دى والساجا والسكالا والصنى والسيمبول !!! طبعا كل الناس لازم تشتريها :) عموما دى حاجه ترجع لتقديرك

الأوبترا .. خفيفة جدااااااااااااااااااااااا ااا

دى برضه حاجه ترجع لتقديرك بس هى وزنها مش خفيف بالنسبه لباقى العربيات فى فئتها , وزنها اوتوماتيك 1240 كجم

الأوتو بتاعها ضعييييييييييييييييف جدااااااااااااااااااااااا ااااااااا

مش عارف تقصد ايه بمعنى ضعيف , ضعيف فى التسارع ولا بيبوظ ولا ايه , عموما فى الحالتين الكلام دا مش صح , التسارع ممتاز واعتقد انت شوفت الفيديو اللى انا حطيته فى موضوعك قبل كدا , واعطال الفتيس تعتبر شبه مش موجوده تماما الحمد لله , وعلى فكره الفتيس يابانى من شركة Aisin

مش مريحة زي ماكنت متخيل في المسافات مقارنة بعربيات كتير في فئتها

دى برضه ترجع لتقديرك , مع ان معظم الناس بتشكر فى القعده وراحة الكراسى

فراملها منتهى منتهى السوء و مش عارف اصحابها إزاي مستحملين الفرامل دي

غير صحيح , ممكن تقول ان مستوى الفرامل مش عاجبك مقارنة باى عربيه تانيه انت جربتها , بس مش منتهى السوء , وبرضه هى مش احسن فرامل

يعني ولا ثبات ولا سحب ولا أمان ولا راحة

الثبات موجود والسحب موجود , عوامل الامان مش موجوده , الراحه تقدير شخصى

والله يا جماعة ده رأيي صاحبي اللي هو صاحب العربية الأوبترا مش رأيي الشخصي و بس .. و مش عايز حد يشيل الموضوع على قلبه إحنا بنتناقش و كل واحد بيقول اللي هو شايفه ..

مش شيل فى القلب ولا حاجه الموضوع مش مستاهل , دى مجرد مناقشه للرأى اللى قولته

البريليانس أنا بصراحه ماجربتهاش .. لكن لو هنقارن بالكتالوجات أنا هشتريها و مش هشتري الأوبترا لإن كمالياتها أعلى و قطع غيارها أرخص و تكنولوجيا العفشة و الموتور أفضل.

هى ممكن يبقى فيها كماليات اكتر , وفيها ABS و AirBags ودى اهم حاجه مش موجوده فى الاوبترا

لكن قطع الغيار الاوبترا تكاد تكون ارخص اسعار فى مصر كلها لاى عربيه زيرو , باتكلم على القطع الاصليه فى التوكيل وممكن تسأل

و تكنولوجيا العفشه والموتور اللى هى ايه بالظبط ؟

دى عفشه عاديه وتعليق خلفى Torsion Beam , الاوبترا Dual Link , البريليانس فرامل ورا Drums , الاوبترا Disc

موضوع الموتور دا بالذات غير صحيح خالص , الاوبترا 109 PS او 107 HP عند 5800 Rpm وعزم 150 نيوتن عند 3600 RPM , البريليانس 102 PS عند 6000 Rpm و 135 نيوتن عند 4400 Rpm

فين التطور والتفوق التكنولوجى ؟

لسه متكلمناش فى اعتماديه وثبات ووسع وعلو عن الارض وغيره من نقاط المقارنه

- - - - - - - - - - - - - - -

أسف لو كنت رغيت كتير , رأيى باختصار

البريليانس تتفوق فى

سعر ارخص , كماليات اكتر , فيها عوامل امان ..... الباقى الاوبترا تتفوق

عيوب الاوبترا بشكل عام

عدم وجود عوامل امان , صاج ضعيف جدا فى منطقة السقف والكبوت , سعر بقى عالى عن زمان ومحتاج ينزل شويه بس مش لدرجة 70 الف , يعنى لو نزلت ل 95 - 98 يبقى كويس لاننا برضه لازم نبص للعربيات اللى حواليها