الموضوع: تحذير بخصوص احدى السيارات المستعملة

المشاركة الأصلية كتبت بواسطة maskeen

اعمل بحث على جوجل بالايميل بتاعه وانت تعرف انه تاجر
dr_hanyt@hotmail

تمام ، يبقى فعلا تاجر ، شاكر لحضرتك على التوضيح

المشاركة الأصلية كتبت بواسطة kar!m

طيب هو ما اشتراش عربيت حضرتك ليه؟ ولا بعتها؟

لا ما بعتش العربية بس انا لغيت موضوع البيع لظروف انى مش هقدر اكمل دلوقتى على تمنها و مش عارف الـ 500 لسه موجودة ولا لا و الله .. تقدر تقول انها كانت زى نزوة كده :b4_556:و حتى لو كده صاحبى اخره 65 الف و ده مش مناسبنى بصراحة

المشاركة الأصلية كتبت بواسطة haythamabo

وكان طالب فيها كام وكانت اوتوماتيك

هو كان كاتب على كونتاكت 67 و احنا وصلنا و احنا واقفين معاه لحد 62 و نص ..

العربية اوتوماتيك كاملة بانوراما

يا سبحان الله
انا لسه رايح أبص عليها النهارده والله عشان مراتي عايزه عربيه


ربنا يكرمك يا معلم متشكر والله

المشاركة الأصلية كتبت بواسطة ahmodium

يا سبحان الله
انا لسه رايح أبص عليها النهارده والله عشان مراتي عايزه عربيه


ربنا يكرمك يا معلم متشكر والله

الحمد لله ، و ده كان هدف الموضوع الاساسى انى مخليش حد يروح المشوار على الفاضى او يتغش فى العربية

المشاركة الأصلية كتبت بواسطة ahmedmaklad

ده محترف بيع و نصاب كبييييييييييييييير و هو نفس الموضوع ده هو نفس الشخص في قسم الميجان
http://www.nilemotors.net/nile/238350-2.html
و دي كانت المشاركة بتاعتي
"انا لما كنت بفكر اشتري ميجان كان في اعلان عن واحدة بردو كيلومتر قليل و حاجة نضيفة جدا و برده في احمد عرابي ده و برده اسمه هاني لمعي :b4_556: و قاعد في شارع موازي لاحمد عرابي في عمارة نضيفة انا قصدي انه هو نفس الشخص
رحت السواق نزلي و قالي العربية دي مش بتتحرك و نضيفة و كل حاجة في التوكيل و تاني يوم كشفت عليها لقيتها حلوة بس عايزة شوية حاجات و كانت غالية على سعرها و هو رفض بنزل السعر فصرفت نظر عليها على فكرة انا ما شفتوش كل الدنيا دي كانت مع السواق ده لو هو سواق
المهم انا كل ده كان عادي بالنسبة ليا لحد بعدها بشهر كدة انا كنت مسجل رقمه كلمنى و قالي حضرتك كنت بتدور على ميجان عملت نفسي مش عارفة و قلتله ايوة قالي في واحدة كذا و واحدة كذا اتصدمت و عرفت انه تاجر
انا حاسس بالذنب دلوقتي عشان ماقلتش الحكاية دي هنا بس انا ما توقعتش انه نصاب انا قلت انه تاجر بس"
بس انا كنت بعرف انه بتاع ميجان بس ده طلع بتاع كله احنا كده نعمل عليه تقرير في كل الاقسام بقى هو نفس الشخص

و الله يا باشا و لا انا اعرف انه تاجر او نصاب ، انا بس حسيت ان العربية حالتها مش قد كده مش زى ما هو كاتب و فيها حاجات بايظة و طريقة تعامله غريبة و مش مريحة خالص

و الحمد لله اننا عرفنا من الموضوع انه تاجر و نصاب و معنديش مشكلة انى اساعد بأى شكل فى التقرير لو هتعملوه