السلام عليكم


انا رحت امبارح عملت صيانه ال 10000كم للايفو بتاعتي فاوماترا اسكندريه

المكان: حسب البروشور اللي كنت واخده من زمان ....كوبري مرغم خلف سجاد مكه .....تفصيل اكتر : كارفور على يمينك ....تاني كوبري علوي بعديه يمين
المركز اللي روحته فيه هيونداي و فيات مع بعض !!!
الطريق كله مافيهوش الا يافطتين 2 بس و مالهومش لازمه....هيتوهوووك !!! فايدتهم الوحيده يعرفوك انك ماشي صح....انما مش هيدلوك تمشي ازاي :(
حتى المركز نفسه على بوابته من بره مكتووب هيونداي بس.....انا عديت من جنبه و السيكيورتي عرفنا و ندهلنا نرجع تاني !!
المركز اوماترا بس مش عارف ايه جاب معاه هيونداي و لييه مافيش بفط فيات بره....المركز مش جديد اوي....تقريبا فاتح بقاله سنه


المركز من جوه: جميييل صالات الاستقبال و انتظار العملاء ضيقه شويه بس المكان نضييف و كويس.....بس طبعا زي عاده اوماترا....الواي فاي ما كانش شغال :(

انا و صلت على حوالي الساعه12 انتظرت حوالي 35 دقيقه لحد ما المهندس قابلني.....سلمته العربيه و قالي تخلص على 4.5 كده روحت كارفور فالوقت ده :)

المهندسين و العمال: اللي قابلني كان المهندس خالد بصراحه انساان محتررم جدااا "مش زي صاحبنا يا يوكو " قولتله على الحاجات اللي فالعربيه و فعلا اتعملت

العربيه: انا اخدت معايا كاسترول :معلش يا يوكو بقى :) " ما اتكلموش او رفضوا زي ماكنت باسمع من اعضاء تانيين عملوا صيانه فالقاهره ....انا جبته ب 270 ج ..........العربيه صوتها بقى انعم كتييييييييييييييييييييييي يييييييييير

العفشه اتظبطت والحمدلله العربيه رجعت زي الاول

غيرت بو جيهات....و السحب و الصوت اتحسنواااا

صرفت فالصيانه 617.2 ج غير تمن الزيت و استلمت العربيه الساعه 5 بعد ما طلع معايا فني يجربها معايا

الخلاصه
المركز جمييييل يعيبه بس ما فيش يفط تدل على مكانه كويس.....و الاستقبال و المهندسيين و العمال كويسيين جداا...اخلى من جسر السويس بكتيييييييييييييييييييييي يييييييييييييييير
انصح الناس لو فاضيين يروحوا يعملوا صيانه هناك


انا كنت سالت المهندس خالد يا مصطفى فورملاتور على حكايه تغيير الفتيييس دي قاللي ما ينفعش !!