آخر كلام سمعته عن الشكل الجديد

**semsem8100** · 12-03-2012 11:05 PM

الكلام اللى سمعته النهارده من أتوايجبت أن فعلا الشكل ده نازل شهر 6 وفعلا 1500سى سى بس معندوش معلومات عن السياره غير أنها بتعالج شكاوى الكثيرين من حيث استهلاك البنزين وأنها أقل استهلاك للبنزين وأن صالونها واسع جدا زى التيدا تقريبا مع أن العربيه حجمها قل من بره وبقى وزنها أخف من الحالى مع تأكيده على عدم تأثير ذلك على ثبات السياره على السرعات العاليه وأن قدره الموتور من حيث عدد الحصان أقل من الحالى بس مش مشكله علشان السى سى بقى أقل والمعلومه التى لم يجزم بها هى الفتيس هيبقى cvt مش متأكد من ذلك وأن الموتور جديد كليا وأنها سياره ناجحه جدا فى السوق الامريكى ده كلام الوكيل والعهده على الراوى وقالى أن الشكل الحالى هيفضل موجود عادى وأتوماتيك بس من غير absوebd وكل الاوبشن دى هتبقى فى الشكل الجديد ومش هيبقى فيه سوبر صالون وهيحل محلها الشكل الجديد

**Dr'AhmZZong** · 12-03-2012 11:54 PM

شكرا على المعلومات الجميلة ديه ..

ربنا يجازيك خير .........

**zangry** · 13-03-2012 12:30 AM

طبعا لازم يشيلوا الحاجات دى منها عشان يفضوها خالص ويخلوا الناس تجيب التانية بشكلها العجيب ده :d

**Land_Cruiser** · 13-03-2012 12:40 AM

الحسنه الوحيده للموديل ده انه هيعرف الواحد قيمه عربيته. و بعدين ١٥٠٠ سى سى ايه بس. هما ما اتعلموش اى حاجه من تجربه الشارك القديمه ؟

**_hema** · 13-03-2012 01:28 AM

اشكرك يا باشا على المعلومة الجديدة دى :)

**Ahmed_Rahem** · 13-03-2012 09:20 AM

لو فعلاً نزلوا العربية دى ومازال الشكل القديم موجود يبقى حكموا عليها بالموت زى لانسر شارك. دة اذا كان حالياً ممكن الواحد يجيب اى اكس صالون ويوفر شوية عن السوبر، يبقى اية الى يخلينى اغامر واجيب عربية - مع فرق السعر - لسة مش معروف سوقها ولا قطع غيارها وكمان موتور اضعف - حتى ولو كان تكنولوجى احدث - والشكل القديم موجود. لازم علشان الشكل دة ينجح يوقف الشكل القديم، او يخلى اعلى فئة فية مش اقل فئة.