مشكلة فى فرامل الأسترا

**craunchy** · 13-03-2012 05:58 AM

السلام عليكم
انا معايا استرا 2008 يا شباب و اكتشفت انى لما بدوس فرامل جامد بسمع صوت حديد بياكل فى بعضة تحت العربية و بحسه كمان فى دواسة الفرامل و الصوت و الإحساس دول مبيجوش لما بدوس على الفرامل بالراحة المهم انا عملت بحث على النت فى ناس قالت انه التيل محتاج يتغير و ناس قالت ان الديسك نفسة فيه مشكلة و ناس قالت دا ال abs بس انا معتقدش انه ال abs لسبب ان الفرامل ادائها مبيزدش لما بدوس جامد بالعكس بحث ان الفرامل محجرة و العربية مش عايزة تقف ايه العمل ؟!!

**caboo_1** · 13-03-2012 07:08 AM

تيل فرامل ان شاء الله وتكش برده عن الطنابير

**craunchy** · 13-03-2012 07:29 AM

طيب ممكن اعرف ال abs لما بيشتغل اللمبة بتاعتة بتنور ولا لاء و بيبقى ايه الاحساس بدواسة الفرامل مع العلم ان اللمبة منورتش مع لبتجربة بتاعتى

**haitham2011** · 13-03-2012 09:11 AM

في الغالب ده تيل
و لو ال abs اشتغل هتحس ان العربيه بتتكسر تحت رجليك

**medo111** · 13-03-2012 11:52 AM

علي فكره اصلا فكره abs انو مبيقفلش علي الفرامل بس دي بردو حاجه في التيل لان كانت عندي بس لما غيرت التيل راحت
بس انت بتحس انك دايس وهي موقفتش واول ما الفرامل تفك تحت رجلك العربيه بتهبط مره وحده بتقف اسرع مش كدا؟

**احمد فهمى** · 13-03-2012 12:41 PM

ال اى بي اس لو عندك لمبتو بتنور بس لمى قبل ما تدور ولو فى مشكله هتفضل منوره فقط والعيب عندك 90% تيل فرامل وحش

**craunchy** · 13-03-2012 04:15 PM

المشاركة الأصلية كتبت بواسطة medo111

علي فكره اصلا فكره abs انو مبيقفلش علي الفرامل بس دي بردو حاجه في التيل لان كانت عندي بس لما غيرت التيل راحت
بس انت بتحس انك دايس وهي موقفتش واول ما الفرامل تفك تحت رجلك العربيه بتهبط مره وحده بتقف اسرع مش كدا؟

هو كل اللى انا عملته انى لما بدوس فرامل فى العادى العربية بتمسك نفسها عادى و مفيش اى أثر لصوت صفارة التيل المشهورة لكن اول ما دوس فرامل جامد جدا بسمع صوت خربطة تحت العربية زى مايكون فى حديد بياكل فى بعضة فقلقت الصراحة