تاكيد مقابلة قسم تويوتا ! المكان والزمان

**me_medoo** · 14-03-2012 09:57 AM

المشاركة الأصلية كتبت بواسطة unendlich

أنا بس عندي ملحوظة صغيرة و أرجو محدش يزعل منها أو يفهم قصدي غلط
بس لما تكون اسمها مقابلة تويوتا و في النهاية تلاقي إن عدد الجماعة بتوع تويوتا وسط العدد الكلي يادوب 1/10 مثلا يبقى سمتها مقابلة تويوتا ليه ما كنت تقول مقابلة المنتدي و تبقى خروجة تعارف و خلاص
المفروض إن الغرض من المقابلة غير التعارف طبعا بيبقى في تبادل للخبرات و المعلومات و ده في رأيي المتواضع يتحقق لما يكون الكلام على عربيتين تلاتة مش على جميع الماركات

حبيب قلبي والله ... انا هقل حضرتك ... رغم أن في كلامك في نوع كبير من الصحة ووجهة النظر ... لكن أحنا في قسم تويوتا والحمدالله مشاكلنا تعد على الاصابع ، فضل ونعمه من رب العالمين ... لكن هذا لايمنع أننا نستفيد ايضاً من خبرات الاخرين ... فمثلاً انا عن نفسي أدخل كثير من الاحيان على قسم نيسان وأشوف تقرير عن عزل نيسان تقرير عن تركيب او تحديث أي حاجة وارى منها مايفيدوني وما أستطيع الاستفادة منه ... فمثلاً دكتور احمد شاف اسبويلر بتاع كيا سيراتو وركبو على تويوتا يارس وطلع بسم الله مشاء الله شكلها تحفة وعلى فكرة ممكن يطلع شكل الاسبويلر ده جميل جداً على النيسان صني ... وحيث اننا يعتبر أول لقاء لنا ... وحتى لا نصاب بالاحباط من قلت عددنا ... فجمعتنا مع بعض أعضاء باقي الاقسام المحترمين تعطينا نوع من الدفعة الى الامام لمزيد من الاجتماعات ... غير انهم يمدونا بكثير من خبراتهم السابقة ... غير هذا وذاك ... فأيعتمد أجتماع أعضاء أقسام تويوتا على الرقي والبساطة ... وأحيي الدكتور أحمد على هذا الشيء ... بمعنى أجتماع راقي وفي مكان رائع وبنفس الوقت رخيص مادياًَ على اي فرد عشرين تلاتين جنيه بالكتير ... وأديها يا معلم شيشة وفخفخينة للصبح وكبايت منجا كمان ... هههههههههه ... فهاذا الاجتماع يعتبر تمهيد لباقي اجتماعاتنا الدورية ... والهدف منه جمعتنا ... رؤية بعض التعديلات على ارض الواقع وكل واحد ضايف في عربيتو ايه زياده عن التاني ... عاملها منين ازاي بكام ... غير تعارفنا ببعض وتوطيد العلاقات ... فهو يعتبر مبادرة من قسم تويوتا ودعوة للتعارف ... وتحياتي .

**me_medoo** · 14-03-2012 10:02 AM

المشاركة الأصلية كتبت بواسطة sonasteel

ربنا يسعدك ياميدو يارب ... والله انا حبيتك في الله من قبل ما اشوفك وزي العسل ماشاء الله .... وبعد الكلام ده انا كنت بفكر اعمل عبيط ومجيش بس ... خلاص بقي قلبي مش إايطاوعني مجيش اتعرف علي الناس المحترمة ديه :)))

وياياشا اعمل انت الدعوة في نيسان .... يمكن احمد نسي ولا سوها عليه (مجازا يعني ههههههههه) لغايه ما نشوف موضوع الدعوة ديه
شكلككم عايزين غزو قريب هاهاهاها :'))))

ياباشا هما بتوع نيسان محتاجين عزومة دوووووووول أصحاب فرح هههههههههههه ...

**Ahmod** · 14-03-2012 11:18 AM

المشاركة الأصلية كتبت بواسطة Unendlich

أنا بس عندي ملحوظة صغيرة و أرجو محدش يزعل منها أو يفهم قصدي غلط
بس لما تكون اسمها مقابلة تويوتا و في النهاية تلاقي إن عدد الجماعة بتوع تويوتا وسط العدد الكلي يادوب 1/10 مثلا يبقى سمتها مقابلة تويوتا ليه ما كنت تقول مقابلة المنتدي و تبقى خروجة تعارف و خلاص
المفروض إن الغرض من المقابلة غير التعارف طبعا بيبقى في تبادل للخبرات و المعلومات و ده في رأيي المتواضع يتحقق لما يكون الكلام على عربيتين تلاتة مش على جميع الماركات

انا عارف والله وفاهم حضرتك وكلام حضرتك صحيح طبعا

لكن للاسف احنا لقينا ان العدد اللى اكد حضوره في الموضوع السابق لا يتجاوز اربع اعضاء ! ! وده نظرا لان عدد المقبلين على قسم تويوتا يعتبر ولا حاجة لو قارنته بعدد المقبلين على قسم هيونداي او كيا على سبيل المثال !

وده طبعا بسبب فرق انتشار العربية + قلة الاعطال والاعتمادية العالية في تويوتا

لكن ان شاء الله دي اول مقابلة عملنا فيها دعوات للحبايبنا في الاقسام التانية اللى ان شاء الله هينورنا وهيكون يوم جميل بإذن الله

**ahmedeihab** · 14-03-2012 03:32 PM

عضو من العصابه الهونداويه
و جاى ان شاء الله
تقبلونى ضيفكم ولا حد عنده اعتراض
^_^

**Veroman** · 14-03-2012 03:32 PM

المشاركة الأصلية كتبت بواسطة unendlich

هي مش مسألة قلة عدد ولا حاجة
للأسف في ناس كتير من ملاك الكورولا ال mmt بالذات زهقوا من العالم اللي مورهاش حاجة غير انهم يشتموا في العربية و بطلوا يخشوا المنتدي أو قسم التويوتا و عشان كده أنت حاسس إن الناس قليلة و القسم نايم
مع تمنياتي بالتوفيق في تنظيم يوم جميل إن شاء الله

ممكن فعلا كدة زى ماحضرتك بتقول بس عن نفسى انا بحب العربية جدا و القسم جدا
وطبعا الناس اللى فى القسم

**yasser_ds** · 14-03-2012 03:46 PM

المشاركة الأصلية كتبت بواسطة sonasteel

لا اله الا الله ..... م.حسين ده اللي هو انا :)))))
لو انا ... يبقي مش عارف اقووول ايه غير اني فرحت فرحاااان الحاحا بالكلام الجميل ده .... والله الحاجة الوحيده اللي بتفرحني بالمكان الجميل ده اتعرف علي اجمل واطيب شخصيات شوفتها في حياتي
احبك الدي احببتني فيه يارب العالمين و لو مقدرتش تيجي اجيلك انا وانا سعييييييد والله :)))
لو مش انا بقي .... يبقي يابخته م حسين بالكلام ده وربنا يجعل الكلام الطيب في ميزان حسناتك يارب :)))

اقعد بألف عافية :-))

هو فيه غير مهندس حسين واحد بس فى الدنيا كلها إحممم فى المنتدى ايوه انت يا عم الحج بجد ح احاول بكل ما املك انى اجى

**yasser_ds** · 14-03-2012 03:47 PM

بالنسبه للشد فكره مطرقعه السخنه مش بعيده و ادينا بنجرب العربيات على شرط ان اللى يوصل الاول يحاسب على المشاريب قى بورتو سخنه

**me_medoo** · 14-03-2012 05:41 PM

المشاركة الأصلية كتبت بواسطة ahmedeihab

عضو من العصابه الهونداويه
و جاى ان شاء الله
تقبلونى ضيفكم ولا حد عنده اعتراض
^_^

ياباشا يامرحب بيك ويامراحب ... ويامليون هلا ومسهلا ... ده أذا مشلتيكش الارض تشيلك عنينا واللهي ... تنورنا ياباشا .

**me_medoo** · 14-03-2012 05:52 PM

اصل بصو يا شباب ... مسئلة ال mmt ، دي عين وجت في الكرولة فيها هيا وحتت الفرامل بتاعتها الي بتخلص بسرعة ... زي اليارس كده لمن خدت عين في الدبرياج بتاعها .

فمفيش عربية ... الا ولازم يتطلعلك فيها مشكلة صغيرة ... حتى لو كان البي ام او مارسيدس ... صعب الانسان يصنع حاجة تكون كاملة مية في المية ... بس من نواحي اخرى العربية كلها على بعضها بتمتعك ... براحتها وسحبها وقوة تحملها ... الى أخره ... زي الستات ان لقيتها حلوة تلاقيها هبله ... والي لاقيتها عاقلة تلاقيها وحشة ... وان لقيتها حلوة وعقلة تلاقي مفيش نسب وعيله تكسف ... وان لقيتها جميله وعقلة ونسب تلاقي البت عندها عرق لاسع ... وعندها شعرت جنان ... وان لقيتها كاملة من كلو من كلو متقبلش بيك ههههههههههههههه فهيا دي الدنيا ... وتحياتي .

-

الموضوع: تاكيد مقابلة قسم تويوتا ! المكان والزمان

LinkBack

أدوات الموضوع

عرض

-

-

-

-

-

-

المواضيع المتشابهه

تاكيد مقابلة الجمعة 18-5-2012 لقسم سكودا

تاكيد مقابلة الجمعة 18-5-2012 لقسم سكودا

مقابلة لمالكي السوزوكي ( تم تحديد المكان و الزمان )

مقابلة الكياوية و تحديد المكان طبقا لرأي الاعضاء

هام تاكيد حضور مقابلة شهر 8-2008

الكلمات الدلالية لهذا الموضوع

المفضلات

المفضلات

ضوابط المشاركة