الموضوع: سؤال بس موش في السيارات ..... معلش

المشاركة الأصلية كتبت بواسطة hesham2004

انا عندى كابل 15 متر ب 65 جنيه طومسون ، و لو انت تعرف تعمل الكابل ده و تعزل اطرافه كويس ممكن تشترى الجاكات و السلك من راديو شاك او اى محل كويس و اعمله بنفسك بالطول الى انت عايزه أو تديه لكهربائى يعملهولك ، ولو عاوزنى انا اعملهولك مافيش مانع و ابعتهولك لغاية عندك

الف شكر يا هشام :)
انت جبت الكابل ده من راديو شاك ولا منين وهل راديو شاك بيبيع الكابل نوع طومسون ولا محل آخر والمتر في حدود كام

مع الشكر

المشاركة الأصلية كتبت بواسطة szrateb

انا فعلا فكرت في الحل ده لكن الكابل عندي خارج الحيطة ومفيش مجال اني اكسر علشان امشي ماسورة وكابل داخل الحيطة .. كابل ال RF سميك يعني لازم ماقفلش الباب أو اخرم فيه بالشنيور بالاضافة انه لا يسهل ثنيه في الزوايا
هي الصورة والصوت كويسين يعني مافيش ضعف فيهم نتيجة لطول الكابل لكن الزنة هي اللي مجنناني وموش عارف ايه علاقة الصورة بالزنة وبالذات لما تكون الصورة الوانها فاتحة (على فكرة لو وصلت كابل الصوت لوحدة مفيش زنة خالص)

بس يا سيدى ، طبعا طرف الأوديو مكون من طرفين و الفيديو كذلك ، نمسك الأوديو المفروض انه يكون لونين نفترض ان طرف ابيض و التانى احمر
خلى الطرف الأبيض هو الأرضى فى الأربع اطراف ( نهايات ) من كابل الأوديو الى هوه الجزء الخاركى من جاك الأوديو الدائرى ، نفس الموضوع اعمله فى كابل الفيديو ، يعنى وحد الطرف الأرضى فى جميع النهايات الطرفية الثمانية و تاكد ان مافيش حاجة ملمسة باستخدام الآفو .

المشاركة الأصلية كتبت بواسطة szrateb

الف شكر يا هشام :)
انت جبت الكابل ده من راديو شاك ولا منين وهل راديو شاك بيبيع الكابل نوع طومسون ولا محل آخر والمتر في حدود كام

مع الشكر

من عند راديوشاك وعنده ماركات تانيه كويسه بس اغلى

المشاركة الأصلية كتبت بواسطة hesham2004

بس يا سيدى ، طبعا طرف الأوديو مكون من طرفين و الفيديو كذلك ، نمسك الأوديو المفروض انه يكون لونين نفترض ان طرف ابيض و التانى احمر
خلى الطرف الأبيض هو الأرضى فى الأربع اطراف ( نهايات ) من كابل الأوديو الى هوه الجزء الخاركى من جاك الأوديو الدائرى ، نفس الموضوع اعمله فى كابل الفيديو ، يعنى وحد الطرف الأرضى فى جميع النهايات الطرفية الثمانية و تاكد ان مافيش حاجة ملمسة باستخدام الآفو .

معلش يا هشام موش فاهم انت تقصد اعمل ده في كابل جديد اشترية ولا الكابل اللي عندي؟ الكابل اللي عندي متقفل جاهز ومافيش فيه حاجة ملمسة
على فكره انا لاحظت حاجة وهي اني مجرد ماوصل اي كابل في التليفزيون في وصلة الفيديو والطرف الآخر سايب موش واصل فيه حاجة اسمع زنة وقوة الزنة تزيد مع طول الكابل!! هل دي مشكلة في التليفزيون؟؟

لو الكابل الى انت جايبه من النوع الرخيص فيكون العيب منه لأن العزل بتاعه بيكون مش كفاية كانه سلك عريان فبيعمل عمل الهوائى فبيستقبل اى موجات كهرومغناطيسية او مجالات كهربائية و يشوش على اشارة الصوت او الصورة الضعيفة ، و طبعا لو نهاية الوصلة مفتوحة و كمان طويلة يحصل اكتر ، المهم الحلول هى تشترى كابل كويس ، او تصنع كابل كويس بنفسك او غيرك مع مراعة الطريقة الصح و الخامات الكويسه ، او تستعمل طريقة الأر أف المشار اليها من من سبعاوى ، او تشترى جهاز فيديو سندر عادى او مشفر .
و انا عن نفسى مستعد لأى خدمة ، و ان شاء الله ححاول اعدى على راديوشاك و اشوف لك اسعار الكابلات و لوازمها و الأجهزة .
و ده تليفونى لو احتجت حاجة 0123232585

الف شكر ليك يا باشا

المشاركة الأصلية كتبت بواسطة bee

السلام عليكم ورحمة الله وبركاته
szarateb

معلش انا عندي تصور كده
لو ممكن تفتح التليفزيون وتنظف مكان الجاك من جوا باسبراي جاف كويس
لان ساعات بتحصل في السب ووفر بتاع الكمبيوتر وكنت بعالجها كده

الاحتمال التاني :
متغيرش السلك فيه وصلة صغيره بتاع s-video تحطها في التليفزيون وتوصل فيها وصلتك هي اشارتها أقوى لانها أقصر وبتاعت كده (تقوى الاشارة) وهتلاقيها في النخيلي الي جنب مول البستان

بس انا ارجح الاحتمال الاول نظف مكان الجاك كويس وهيشتغل كويس إن شاء الله

تحياتي

بالنسبة للاحتمال الأول موش فاهم انضف الجاك من برة والا انت عايزني افك التليفزيون
بالنسبة للاحتمال الثاني لا الفيديو ولا التليفزيون فيهم وصلة s-video