عطل مفاجيء

**medohai510** · 05-06-2008 09:20 AM

أمبارح حصلت معايا موقف صعب جداً بعد ما دورت العربية بــ30 ثانية صوت الموتور هديء خالص والعربية بطلت فحاولت أدورها تاني مرة ولكن دون جدوي فلاحظت أن لمبة الزيت أثناء التدور مطفية ولمبة البطارية شغالة وصوت المارش سريع والعربية بتهتز، (واحد صديقي حصلت معاه من يومين في دايو لانوس والموتور باظ تماماً) فأنا مردتش أدور أكثر من اللازم علشان مأثرش علي الصبابات أو البساتم وهكذا فهل هذه الأعراض تكون سير كاتينة؟
السيارة كليو مو 2002 و 1200 سي سي.

**Amr_Moh** · 05-06-2008 03:45 PM

mashia ad eh we emta a7`er mara 3`ayeret el kateena

**medohai510** · 08-06-2008 03:05 PM

العيب طلع في طلمبة البنزين مش سير الكاتينة، أتصلت بالميكانيكي فقالي أفتح كونتاكت وحط أيدك علي طلمبة البنزين وأسمع الصوت وحس بأندفاع البنزين فلما عملت كدة فلم أحس بإندفاع البنزين نهائياً فأبلغته فحضر ومعه زرجينة خاصة بصامولة الطلمبة وقام بتغيرها بواحدة أخري (موتور الطلمبة فقط ) نوعها بوش ألماني بــ250 جم، والحمد لله.

**fahd_628** · 08-06-2008 03:47 PM

الحمد لله انك حليت المشكلة و الحمد لله انها طلعت بسيطة

**Ahmed Samy** · 08-06-2008 03:54 PM

وقعت قلبى

الحمد لله

جت سليمه

**medohai510** · 09-06-2008 12:28 PM

أشكركم جداً يا جماعة علي تعاونكم معي و ربنا ميؤعكوش في الضيقة دة أنا كان حالتي ما يعلم بها غير الله.

**kimo** · 08-07-2008 02:01 AM

الاخ الفاضل
انا عربيتى حصل فيها نفس العطل وعملت زى ما الميكانيكى قال لك وفكيت خرطوم البنزين مفيش ضغط خالص والعربية واقفة ممكن تقولى تيليفون الميكانيكى واتصل بيه ومنين اجيب الموتور ولك الشكر