خلاصة بحثي في شراء كومبيوتر استيراد من مول البستان

**abdelaziz-waleed** · 14-03-2012 07:39 PM

المشاركة الأصلية كتبت بواسطة aif

مبروك
انا باجيب نفس الاجهزة من سوق العصر اللي في الخليفة المأموص ... وبرضو اسعارها كويسة
وفيه لاب توب كمان
اجهزة محترمة ومش تجميع تحت بير السلم زي اللي بنشوفها ف السوق
ده ديل بجد وعلى ابوه
افتح الجهاز وشوف المكونات والنظام والنظافة والكابلات الاصلية
مبروك كمان

الله يبارك في حضرتك يا حاج احمد. منور الموضوع والله
فعلا الاجهزة ديه ممتازة وعن تجربة
عندنا في الشغل بنستخدم Dell ومش بينطفي ابدا من اول ما نبدأ نحفر البير لغاية نهايته واحيانا التكييف يبوظ ودرجة الحرارة داخل الكابينة بتعدي ال 50 وال 55 والجهاز شغال عادي جدا ولا ليه اي دعوة بالدنيا اللي حواليه هههههههه
نظام تبريد هايل بصراحة والتنظيم داخل الكيسة ممتاز ونوعية كابلات ممتازة. خامات الصاج او الالومينيوم بتاع الكيسة ممتازة ومحملة مش الكيسات الجديدة اللي عاملة زي الكانز بتاع البيبسي.
غير انك قليل جدا لما تلاقي مسامير في الكيسة. كله كليبسات وعلى مفصلات وجميلة جدا.

**alfath8** · 14-03-2012 08:31 PM

الواحد عايز يروح ياخد جولة شوية يعنى ممكن اجيب حاجة ديل كويسة فى حدود 1000 ممكن تبقى مواصفاتها ايه
ومفيش لابتوب مستعمل

**abdelaziz-waleed** · 14-03-2012 08:38 PM

المشاركة الأصلية كتبت بواسطة alfath8

الواحد عايز يروح ياخد جولة شوية يعنى ممكن اجيب حاجة ديل كويسة فى حدود 1000 ممكن تبقى مواصفاتها ايه
ومفيش لابتوب مستعمل

ال 1000 جنيه ممكن تجيب لحضرتك نفس المواصفات بس كيسة تاور مش ديسكتوب او ممكن تجيب الكيسة الديسكتوب الاتش بي اللي الاخيرة اللي هيا ببروسسير كور تو ديو 3 كاش 6 ميجا باص 1333

وفيه لابتوبات كتير جدا في الدور الرابع بس مش متذكر اسعار غير Dell Latitude D630 كان ب 1600 جنيه.

**SYD** · 14-03-2012 08:45 PM

تسلم ايدك علي التقرير

والله المستعان
،
،

**alfath8** · 14-03-2012 11:05 PM

معلش هاتعبك شوية يعنى ايه شاشات فرز اول وفرز تانى
ومممكن لو فيها رخامة شوية لو روحت تانى ممكن تشوف ايه اللابتوب اللى موجود والاسعار نظامها ايه
معلش هاتقل عليك شوية

**ahmdmagdy** · 15-03-2012 01:38 AM

شكرا ليك علي نقل تجربتك بس كنت عاوز أسأل علي كفاءه الاجهزه الاستعمال الخارج هل هي افضل من اني اشتري جديد و لا لأ

**michohat** · 15-03-2012 01:46 AM

انا من الشرقية و جبت من عندي هان جهازين dell gx620 الجهاز بنتيوم 4 بس بروسيسور عالي و هارد 120 و بدلت الرامه خليتها 2 جيجا و خدته علي 950 جنيه
النهارده لسه شاري جهازين getway بروسيسور core 2 duo وهارد 80 و زودت الرامات لكل جهاز خليتها 4 جيجا ( اخر الكيسة كده ) والجهاز وقف ب 1120 جنيه
انا بستخدمهم كسيرفرات في الشغل عندي ومشغلهم 24 ساعه طول الايام

**michohat** · 15-03-2012 01:51 AM

المشاركة الأصلية كتبت بواسطة ahmdmagdy

شكرا ليك علي نقل تجربتك بس كنت عاوز أسأل علي كفاءه الاجهزه الاستعمال الخارج هل هي افضل من اني اشتري جديد و لا لأ

لو جهاز للبيت و هيكون العاب و كده فاظن انك تجيب جديد افضل

لي تعليق على الصورة اللي فى التوقيع ايه النمر الجامده دي هوا لو واحد عاوز نمر زي دي يجيبها منين لاني عاوز نمره معينه فى دماغي مش عاوز فيها تكرار بس عاوزها 131

**abdelaziz-waleed** · 15-03-2012 02:55 AM

المشاركة الأصلية كتبت بواسطة alfath8

معلش هاتعبك شوية يعنى ايه شاشات فرز اول وفرز تانى
ومممكن لو فيها رخامة شوية لو روحت تانى ممكن تشوف ايه اللابتوب اللى موجود والاسعار نظامها ايه
معلش هاتقل عليك شوية

لا تعب ولا حاجة يا باش مهندس احنا اخوات
الشاشات الفرز الثاني بيبقى فيها بعض العيوب زي بصمة مثلا اللي هي بتبقى عبارة عن بقعة لونها ازرق فاتح مكان ضغطة صباع او خبطة بسيطة. او ممكن يكون فيها تجريح جامد اثناء النق
انما الفرز الاول بتكون مافيهاش الهوا زي ما بيقولة او بتكون حالتها نضيفة جدا. ولازم لما تشتري الشاشة تبص عليها كويس جدا
اولا تخليه يجيبلك خلفية بيضاء او حتى يفتحلك ايكونة My computer وتشوف صفاء اللون الابيض
وتبص على المسامير من ورا وتدقق كويس تشوفها اتفتحت قبل كدة واتصلحت ولا لأ
ولما هروح ان شاء الله هجيبلك تقرير عن انواع واسعار اللابتوبات ان شاء الله

المشاركة الأصلية كتبت بواسطة ahmdmagdy

شكرا ليك علي نقل تجربتك بس كنت عاوز أسأل علي كفاءه الاجهزه الاستعمال الخارج هل هي افضل من اني اشتري جديد و لا لأ

هي من ناحية الكفاءة ممتازة واعتمادية جدا او بتستحمل اشغال شاقة جدا بس المشكلة ان التكنولوجيا بتاعتها بتكون متأخرة شوية
يعني لو حضرتك عاوز مواصفات حديثة جدا وعالية صعب تلاقيها في الاستيراد ولو لاقيتها هتلاقيها غالية جدا زي البروسسور Core I7 مثلا
انما لو حضرتك عاوز امكانيات اقل زي ال Core2 due or quad ده ممكن تلاقيه في الاستيراد وانا ارشحهولك جدا بصراحة عن الجديد.

-

الموضوع: خلاصة بحثي في شراء كومبيوتر استيراد من مول البستان

LinkBack

أدوات الموضوع

عرض

-

-

-

-

-

-

-

المواضيع المتشابهه

رحلت بحثي عن سياره

شراء نص استيراد ولا سمكرة

شراء سيارة استيراد الخارج

شراء اسكترا استيراد للانوس

مول النخيلى او مول البستان

الكلمات الدلالية لهذا الموضوع

المفضلات

المفضلات

ضوابط المشاركة