الموضوع: تقرير مفصل ومصور عن عربيتى البيتل موديل 67

اولا سلامو عليكم
اخدت وقت طويل عشان انقلكم تجربتى مع العربيه الخارقه البيتلز دى ومن خلال تجربتى عاوز اقول ان الى مركبش بيتل مركبش عربيه خالص العربيه بجد ملهاش حل
عربيتى موديل 67 1300 استاندر مكفتش ماتور قبل كده مفهاش اى خبطات من الداخل كانت بتاعات واحد كان جايبها زيرو ومرفوعه فتره طويله جدا هو بس غير لونها مش اكتر فالاول قبل مشترى كنت خايف شويه لتكون العربيه ضعيفه او موش هعرف امشى بيها وسط الناس وبرضو لو حبيت اسافر هعمل ايه خصوصا انى كنت لما بدور على معلومات عنها على النت كنت بلاقى حاجه غريبه جدا الناس منقسمين قسمين يا بيشكر اوى يا بيعيب جدا وبيحزر من العربيه بس فالاخر قررت اشترى ودورت على النت وبصراحه شكلها عجينى جدا العربيه دى بعينها والحمد لله وفقت فشراها كشفت عليها كويس ولقتها سليمه جدا انا جبتها يوم 12 10 2011
نقلتها باسمى واخدت الرخصه بتاعتها يوم 16 10 2011 كانت عامله فالعداد 71000 كيلو النهرده انا عامل 96000 كيلو وده رقم حقيقى والله
العربيه فوق الممتازه مبتعطلش تماما بس محتاجه حد يكون فاهمها كويس بستخدم فيها زيت فالفولين 5000 وبمشى بيه 5000 كيلو بينزل مش محروق ولا اسود لونو بيبقى غامش شويه مريح العربيه على الاخر لمبه الزيت مبترعش تماما خصوصا ان انا بجرى بالعربيه ومشى كلو فوق 130 وهرفعلكو صور وفديوهات دلوقتى بالنسبه لقطع الغيار كانت اكبر حاجه مخوفانى قبل مشترى ودلوقتى احب اقول ان اى مسمار للعربيه موجود جديد واستراد مفيش ليها حاجه مش بتتباع على الاطلاق واسعارها نسبيا معقوله جدا بالنسبه لقطعه غيار المانى وبتعيش
العربيه بتجرى جرى غريب مفيش حد بيطلع منى على الطريق اين كان والى موش مصدق انا مستنيه ههههه ثباتها خرافى على فكره انا معايا لانسر كرستاله احسن تقولو انى اول مره اركب عربيه ومعجب بيها لا انا نازل من الانسر عشان اركب فولكس ومن يوم مجبت الفولكس مركبتش لانسر تماما الفولكس حلوه واسعه بخرج بيها مع العيله بنبقى خمس افراد مش بتحك فاى مطب خالص وبرضو بتمشى زى مانا عاوز بتجرى كانى لوحدى وبيبقى قاعدين كويس
انا عملت شويه تعديلات على العربيه بقت معايا احسن من الاول بكتير
غيرت الدينامو جبت الاوكتفاير بتاع 1600 ابو كتاوت داخليه وغيرت الموبينه جبتها الكترونى وطبعا عملت صيانه عاديه جبت بوجيهات ان جى كا يبانى وابلتين وكوندنسر دول خلونى بجمع من صفر ل 100 بالظبط ف 14 ثانيه كمان عملت تعديل على الشكمان شيلت الماسورتين الى كانو بيعملو صوت صفاره دول وركبت بدلهم مواسير قطرها اكبر من غير مصافى عشان فرصه خروج العادم تبقى اكتر واسرع فبتريح العربيه شويه كمان عملت نور ابيض على نور العدادات ومن بره شيلت فوانيس الاشاره من على الرفارف وركبت بتوع كرستاله فالجناب وبس تقيمى للعربيه ممتازه رحت بيها اسكندريه طنطا بور سعيد المحله ومبتقلش لا والحمد لله اسيبكو بقى مع الصور والفديو بتاع تسارع العربيه وعاوز طبعا ردود فيها رايكو عن البيتل بتاعتى

المشاركة الأصلية كتبت بواسطة dr_radioooooo

جميلة جدا
ربنا يباركلك فيها

ميرسى ربنا يخليك