احكيلنا اكتر واحد استفزك و علمت عليه بعربيتك و حرقت دمه
بس تبقى عربيه محترمه
مش تقولى 27 و 28 و الكلام الضعيف ده
انا هحكى قصتى فى الاول
كنت ماشى سلانسيه فى شارع الهرم بليل حوالى 60 كيلو لى الهداوه يعنى
لقيت عيل بتاع لانسر 2007 او 2006 تقريبا قام جاى حارق جنبى
تقريبا صوت الشكمان سخنه
قمت مدى كيك داون و وراه طياره
المهم جه مكروباص قام طالع و انا باخد غرزه فا قفل عليا
فا الزبون لو انا كمان فقلت عليه هلبسه فى الجزيره اللى فى النص
فا قمت قايل يا عم سيبه يعدى عديته و طلعت فى شنطته
المهم الزبون فرق شويه و عمال يغرز و انا عمال اغرز وراه
جينا عند المطب بتاع شارع العريش
لقيته قام مدى انتظار و جه جنبى و بيقولى ده انا اولع فيها
قلتله باشا الطريق لسه طويل
بيقولى ده انا بجرى معاك تالت بس
قلتله و انا اتوماتيك و بجرى معاك غيار واحد بس
المهم عدينا المطب سلانسيه
و قام قارص و مدينى اشارتين
على مين بقا
يلا يا كتكوته قالتلى يلا يا حبيبى
الزبون عمال ياخد غرز ضيقه
قمت واخد غرزه من الرصيف الشمال للرصيف اليمين و من اليمين للشمال لقيت الزبون ده فى ضهرى
سامع نحره الموتور بتاعه و انا ولا فى دماغى
قمت مدى الغيار الاتوماتيك التانى لقيت العربيه عماله تفرق و الغرز شغاله عادى و الزبون ده عمال يتنرفز
و انا طبعا شغاله اشارتين و كلاكسات قما حرقت دمه

و اختفى تماما من المرايه و بعد ما هديت لقيت عربيتين 32 تقريبا صحاب عايزين يجروا
فا قمت منزل الازاز و قايلهم انتوا مش حملها قالى ده انا 2000 سى سى و لو دكر هاتنا
المهم سبتهم يفرقوا شويه بعد ما فرقوا شويه قمت مدى العربيه كيك داون طيرتها من على الارض
قاموا الاتنين مش عايزين يعدونى
و عمالين يزنقوا و يقفلوا الغرز
لقيت مينى باص جاى من الشمال و عايز يحضن على اليمين قمت ماسك يمينى على الاخر جنب الرصيف و قمت مدى الكيك داون طيرتها تانى لقيت الناس دى بقت فى ضهرى
طبعا الاشارات شغاله و اديت اشاره يمين علشان الف
قمت فاتحله الازاز و قام مهدى جنبى قالى اصلى يا باشا
قلتله يا باشا انا قلتلكوا انتوا مش حملها ربنا يستر طريقكوا
تقريبا لقيت بتاع اللانسر وصل الحمد لله بلسلامه قمت مطلعله ايدى من فتحه السقف
و قمت مسقفله و عملتله باى باى و قمت لافف
و قمت مروح على كده
طولت عليكما بس حرقت دمهم لانهم استفزونى
يلا بقا احكولنا قصتكوا انتوا كمان
^_^