ادخل احكيلنا اكتر واحد استفزك حرقت دمه و انت بتشد معاه بعربيتك

**shaddadfalcon1** · 16-03-2012 11:40 AM

مفيش عربيات في مصر بصراحه تستاهل الكلام ده كله ونفسي يعملو حلبة دراج ريس عشان الناس اللي عايزه تشد تروح تشد براحتها وتستمع براحتها

الحاجات اللي بتتحكي دي لمت بتحصل في دوله محترمه الناس بيتقبض عليها والعربيات بتتصادر منها

واحنا هنا بنشجع ونقول شطار

ياجماعه الله يرضي عليكم لو اذيتتو نفسكم او حد اكيد مش هتبقو مبسوطين

**matrix_it** · 16-03-2012 03:04 PM

لازم تعرف تناور مش شرط تعملها فى الشارع بس لو احتجتها تعملها متتلخمش

**ahmedsamir5edr** · 16-03-2012 03:30 PM

موافق علي مسح الموضوع

**sherifunmis** · 16-03-2012 11:37 PM

يمكن عربيتى مستفزة ، أو أنا شكلى مستفز .. مش عارف
كنت خارج من مدينة العبور و ماشى بهدوء ، باتكلم و باضحك مع صديقى بجوارى
داخل على مطب صناعى و لقيت شاب (...) نط أدامى و شغل الانتظار
و مركب العداد الكبير الملون ده فى نص التابلوه
يعنى فاكر نفسه شوماخر زمانه
عدينا المطب سوا و حرقنا أول ، و فضلت مثبت نظرى عليه
لحد نص الأول و بعد كده طلعت منه طبعا و اديتها التانى و لقيته نقطه فى المراية
بعد كده هديت و كملت كلام ، و الزبون ظهر بعد أن أصبح لا يساوى بصلة ........

**أحمد كمال** · 18-03-2012 10:57 AM

المشاركة الأصلية كتبت بواسطة shaddadfalcon1

مفيش عربيات في مصر بصراحه تستاهل الكلام ده كله ونفسي يعملو حلبة دراج ريس عشان الناس اللي عايزه تشد تروح تشد براحتها وتستمع براحتها

الحاجات اللي بتتحكي دي لمت بتحصل في دوله محترمه الناس بيتقبض عليها والعربيات بتتصادر منها

واحنا هنا بنشجع ونقول شطار

ياجماعه الله يرضي عليكم لو اذيتتو نفسكم او حد اكيد مش هتبقو مبسوطين

حسي اتقطع مع الناس دي و مفيش فايدة

الالعن من كده انهم فاكرينها شطارة

الالعن من كده انه لو راح حتة و لقى محل حاطط طوبة و لا قمع عشان محدش يركن هيتخانق معاه و يقول له الشارع مش بتاعك ده بتاعنا كلنا (و هو مش واخد باله انه هو بيخرق القاعدة دي لما بيشد و يخمس و يغرز وسط المشاة و الناس و العربيات)

الالعن ان كل واحد فاكر على رأي د. أحمد خالد توفيق ان قاعدة "يحدث للآخرين فقط" تنطبق عليه و ان الحوادث الشنيعة اللي بنشوفها كل يوم بعينينا في الطرق و الشوارع و على صفحات الانترنت و الجرائد مستحيل تحصل له لآن هو أحسن سواق في الدنيا و عربيته أحسن عربية في الكون و ده طبعا يديله الحق يعمل ما بداله

من الاخر روح ساحة فاضية مؤمنة (أو حاجة زي الأوتوكروس) و اعمل ما بدالك لان ساعتها من حكم في ماله فما ظلم (عربيتك بقى تشد تهدي تجري تفرمل تخمس ان شالله تكسرها خالص) فانت حر في نفسك اما في الشارع انت مش حر و ده مش شارعك ..... و فعلا في أي بلد تاني اللي بيعمل كده بيتسجن و يتحرم من القيادة لمدة طويلة و احيانا مدى الحياة و العربية بتتصادر و تتباع في مزاد ......

**أحمد كمال** · 18-03-2012 10:58 AM

و دلوقتي طبعا يا هيثم بيك هيطلع حد يقول علينا اننا بنمثل و دعاة الفضيلة و انت اكيد في يوم عملت كده و ما تعيشش في الدور الخ الخ الخ

**أحمد كمال** · 18-03-2012 11:45 AM

المشاركة الأصلية كتبت بواسطة ahmedeihab

انا صاحب الموضوع و بقول ربنا يزيد ايمانك و تمشى واحده واحده زى ما انت ما بتقول
و يهدى كل الناس اللى بتجرى بلعربيات
و يسترها علينا و عليك
^_^

ربنا يخليك

انا باجري ما بامشيش بالراحة ..... بس فرق كبير بين انك بتجري و مجاري سرعة الطريق (اصلا لو كل الناس ماشية 120 و انت مشيت 80 و لا 90 هتعمل حوادث و برة فيه مخالفات برضه لل underspeeding لانك بتربك الطريق) ...... و بين الشد

فرق كبير بين الجري في طريق مستقيم و بين التغريز و بين اني اسخن انا و واحد تاني و الادرينالين ياخدنا احنا الاتنين في وادي تاني و ننسى الناس اللي حوالينا

**mohdamin18** · 18-03-2012 12:02 PM

انا عايز الناس اللي بتشد دي تيجي الخليج تشوف العربيات عاملة ازاي و يشوفوا هيعرفوا يشدوا مع مين بالsir ولا الفيرنا بتاعتهم
ههههههههههه

-

-

الموضوع: ادخل احكيلنا اكتر واحد استفزك حرقت دمه و انت بتشد معاه بعربيتك

LinkBack

أدوات الموضوع

عرض

-

-

-

-

المواضيع المتشابهه

stunt بقي و حركات ادخل و احكيلنا :D

النترا سيراتو بوما ....مين بتشد اكتر

اكتر سرعة جبتها بعربيتك

حادثة كنت هتعملها وربنا نجاك منها ....... وحدثة عملتها فعلا ادخل احكيلنا عن الاتنين

الكلمات الدلالية لهذا الموضوع

المفضلات

المفضلات

ضوابط المشاركة