BMW X1 or 320i؟

**MIVEC.A92** · 17-03-2012 04:19 PM

أستني الفئة الثالثة الشكل الجديد أو فكر في دول : Volvo s80, volvo s60 r

**Horsepower** · 17-03-2012 08:04 PM

المشاركة الأصلية كتبت بواسطة ahmedsadek82

السلام عليكم , مبدأيا الX1 و كل سيارات بي ام الي فوق 160 سي سي تجميع مصري , التجميع المصري مفيش اي مشكلة منه على الاطلاق عن تجربة , اي مشكلة قابلت صاحبك ممكن تكون عيب صناعة و جه في عربيته مثلا , نيجي للفرق بين الx1 و ال320 :

ال320 تتميز ب: قربها من الارض يعطيها ثبات اعلى لكن لن يلاحظ الفرق غير على السرعات العالية + اقوى شوية 156 حصان مقابل 150 للx1 (نفس الموتور بس فرق كزنترول) + شاشة idrive كبيرة 8.8" + تصميم افخم للصالون + سيارة شعبتها عالية و محبوبة و مطلوبة دائما

الX1 تتميز : ارتفاعها عن الارض يجعلها عملية اكتر في طرقنا الغير ممهدة + السقف البانوراما رائع في الهاي لاين + موديل جديد لسه نازل في مقابل ان ال320 شكلها خلص و الجديد نازل مصر كمان كام شهر

المشترك في السيارتين : وسائل الامان و الثبات واحدة في كل بي ام + فتيس واحد + محرك زاحد لكن فرق 6 حصان للصالح ال320 من موديل 2008

تسلم يا باشا ،،، ألف شكر.

المشاركة الأصلية كتبت بواسطة spidermohmd1

أستني الفئة الثالثة الشكل الجديد أو فكر في دول : Volvo s80, volvo s60 r

سبحان الله ،،، انا فعلا روحت موزع فولفو اللي في شارع اللاسلكي في المعادي من اسبوعين علشان أشوف ال S80 بس مالاقيتهاش معروضة ،،، شوفت ال S60 مع أني كنت شوفتها قبل كدة ،،، فولفو عربية فعلا محترمة جدا وعلى بالي وبدأت تنتشر خصوصا ال S60 بس ناس كتير بتشتكي انها Noisy قوي على السرعات العالية.

والله يا رجالة انا فعلا محتار (جداً) ،،،، المقارنات صعبة قوي في المستوى ده ،،، ربنا بسهل.

**Amr81** · 18-03-2012 12:13 AM

إنت فى نفس موقفى بالظبط أنا بردو معايا سيفيك 2009 وهبعهاوبفكر فى كل العربيات دى إضافة للمرسيدس c180 الجديده جميله جدا

**Batman372** · 18-03-2012 01:22 PM

المشاركة الأصلية كتبت بواسطة horsepower

اولا ألف شكر لرد حضراتكم،
الحقيقة ان احد أصدقائي كان معاه ال ٣٢٠ موديل ٢٠١٠ وماكانش مبسوط منها لانه بيقول انها متجمعة في مصر وتقفيلها ماكانش عاجبه أبدا لدرجة انه قال لي ال ٣١٦ الالماني المانيوال الفاضية احسن منها في التقفيل ،،، الله اعلم ،،، هو حاليا باعها وجاب c180 ،،، المهم انا كنت عايز اعرف ايه الفرق في الإمكانات بين ال x1 و ال 320 ،،، انا عارف ان دي suv ودي سيدان ،،، ونفس الموتور والجير بوكس ،،، انا باتكلم عن الفرق في الأمان والتجيهزات والتجميع لان لحد علمي ان ال x1 ألماني ١٠٠٪ ،،، وشكرا مرة اخرى.

بعد التحيه ،
عن تجربه فى 4 سيارات بى-ام لا يوجد اى فرق بيع التجميع و الالمانى - ثق فى كلامى 100%.
و لا يوجد على ارض الواقع اى دليل يثبت عكس ذلك !! يعنى ايه التقفيل ماكانش عاجبه ؟؟ ازاى يعنى ؟؟ مستحيل تلاقى الا فرق !!
لو حضرتك ربطت عينيك و جربت الاتنين مش حتعرف التجميع من الالمانى :)
اطمئن من النقطه ديه - تحياتى لك....

**Horsepower** · 18-03-2012 02:39 PM

المشاركة الأصلية كتبت بواسطة amr81

إنت فى نفس موقفى بالظبط أنا بردو معايا سيفيك 2009 وهبعهاوبفكر فى كل العربيات دى إضافة للمرسيدس c180 الجديده جميله جدا

إمبارح واحد (ربنا يسامحه) قال لي "مافكرتش ليه في ال a4؟" ,,, قلت له تصدق هي كانت ناقصة حيرة.
ربنا يوفقنا لحسن الإختيار ,,, وياريت إللي يرسى على بر فينا يقول للثاني :)

المشاركة الأصلية كتبت بواسطة batman372

بعد التحيه ،
عن تجربه فى 4 سيارات بى-ام لا يوجد اى فرق بيع التجميع و الالمانى - ثق فى كلامى 100%.
و لا يوجد على ارض الواقع اى دليل يثبت عكس ذلك !! يعنى ايه التقفيل ماكانش عاجبه ؟؟ ازاى يعنى ؟؟ مستحيل تلاقى الا فرق !!
لو حضرتك ربطت عينيك و جربت الاتنين مش حتعرف التجميع من الالمانى :)
اطمئن من النقطه ديه - تحياتى لك....

والله أنا كمان مش مقتنع إن الفرق يكون كبير لأن العربيات دي في المستوى ده لو طلع فيها فرق ولو بسيط بين الألماني والتقفيل المصري الناس كانت راحت للألماني من غير رغي كتير ووجع دماغ ,,, أصلها هاتبقى كلمة واحدة "يوم ما أدفع ثمن الألماني يا أركب ألماني بجد يا بلاش منها وأركب ياباني أو أوروبي وفلوسي في جيبي" ,,, ربنا يسهل ويلهمنا الإختيار الأصلح ,,, وألف شكر يا باشا على رأيك.

**Batman372** · 18-03-2012 03:59 PM

المشاركة الأصلية كتبت بواسطة horsepower

إمبارح واحد (ربنا يسامحه) قال لي "مافكرتش ليه في ال a4؟" ,,, قلت له تصدق هي كانت ناقصة حيرة.
ربنا يوفقنا لحسن الإختيار ,,, وياريت إللي يرسى على بر فينا يقول للثاني :)

الفولفو و الاودى طبعا لا غبار عليهم فأنهم من افضل السيارات لكن للاسف سوقهم ضعيف و سعر اعاده بيع ضعيف جدا جدا ( ممكن تقول كده ان بعد 2/3 سنين متعرفش تبيع بنصف التمن و اقل !! ) - و برده فى الاخر البى-ام و المرسيدس افضل :)

والله أنا كمان مش مقتنع إن الفرق يكون كبير لأن العربيات دي في المستوى ده لو طلع فيها فرق ولو بسيط بين الألماني والتقفيل المصري الناس كانت راحت للألماني من غير رغي كتير ووجع دماغ ,,, أصلها هاتبقى كلمة واحدة "يوم ما أدفع ثمن الألماني يا أركب ألماني بجد يا بلاش منها وأركب ياباني أو أوروبي وفلوسي في جيبي" ,,, ربنا يسهل ويلهمنا الإختيار الأصلح ,,, وألف شكر يا باشا على رأيك.

للمره الالف : لا يوجد اى فرق يذكر - الناس بتكلم و خلاص !! حضرتك البى-ام هى و المرسيدس بتتجمع من ايام ابو الفتوح من سنه 1999 يعنى من 12 سنه - يعنى لو الموضوع ده صح مكانش استخبى !! و المثال على ذلك ان الاوبل فيكترا فى اول سنه تجميع بان فيها عيوب الدنيا و الاخره و خسرت سوقها و سمعتها حتى اليوم ولكن اخر شكل المانى صلح شويه و باع معقول !!
اتكل على الله و بالتوفيق ...