الموضوع: هية العربية مايلة شمال ولا بيتهيألى

المشاركة الأصلية كتبت بواسطة atefadel

هبيع
بس المشكلة هشتري اة

اشتري دماغك

المشاركة الأصلية كتبت بواسطة hossam_gabre

يا احمد باشا
حضرتك لو ركبت اى عربية ان شا الله حتى لامبورجينى ختطلع فيها عيوب برضه
ممكن تكون دقه زيادة من عندك
لكن استفسار صغير
انا واحد من الناس معنديش لا حدفه شمال ولا غيره
واعتقد ان مسافة السنتمتر وربع موجودة فى كل العربيات
يبقى بديهى جدا ان السبب فى الحدفة مش اللى انت بتقول عليه وحتى لو عالج المشكلة عندك ممك تكون عالجت مشكلة عندك بمشكلة تانية اللى هو الزرجينة
انا شايف انك جمعت فى موضوعك بتاع التوكيل 6 افراد بس من وسط عدد كبير من ملاك العربية فى المنتدى .
واعتقد ان العدد اللى جمعته مش كله مشاكل غير محلولة
يعنى ممكن تروح بضبط سليم للزوايا
او ممكن تكون مشكلة طريق , او حتى عيب كاوتش زى ما كان عندى
عموما الله اعلم
بس فعلا النيسان عربية محترمة حتى لو اختلف رايك فيها

انا كنت راكب قبلها 3 عربيات مابين فيليشيا و جولف و بولو و مكنش فيهم العك ده و لا السم ده و لا الملي ده و اظن المفروض نيسان اعلى .
و المشكله دي مشكلة زاويتين ثابتتين في العربيه دي و هم الكامبر و الكاستر اليمين لان نظام التعليق فيها ماكفيرسون مش دبل ويشبون و بالتالي لازم زرجينه و للاسف في بعض محلات الزوايا بتفتح التو بتاع العجله اليمين عشان تعوض فرق الكامبر و الكاستر اليمين الي بيحدفوها شمال و ده على المدى القصير بيبوظ الكاوتش ومنهم المصنع نفسه و ده الي بيخليك لما تبدل الكاوتش تعدل بس بعد فتره هاتحدف تاني نتيجة تاكل العجله السليمه الي اتحطت يمين زي العجله الي قبلها بدليل ان في اول 1000 عمرها ما بتحدف و ده باعتراف كل من التوكيل و عمرو بدوي و بريدجستون العبور و عباس العقاد و سيفتي سنتر و اشرفكوا و اخيرا سمير على (اكبر محل لقياس الشاسيهات في الحرفيين ) و للاسف مش عربيتي بس الي كده كلهم قالولي ان معظم الصني فيها المشكله دي و بجد عربيه محترمه

المشاركة الأصلية كتبت بواسطة peaceman

انا عربيتي 2009 و فيها الميل بس يا جماعة دي مع اللي مركز مع العربية اوي مش لدرجة ملحوظة يعني و علي فكرة رغم الميل انا معنديش الحدفة ديه خالص

انا عندي حل للحدفة اللي عند الناس اللي عندهم المشكلة ديه بس انا معرفش مدي صحة الحل يعني اف بي اي احمد يقول اذا كان الحل ينفع ولا لأ ..

الحل هو لو الحدفة من ناحية الشمال مثلا يبقي ممكن نقلل شوية ضغط الكاوتش اليمين فالعملية هتكون مظبوطة و مش هتحصل الحدفة ديه و لا ايه رأيكم ؟؟؟ انا معرفش الحل مناسب من عدمه

صح يا بشوي الحل ده بس هياكل كاوتش و يؤثر على زمن الفرمله بس نعترف ان فيه عيب الاول