الموضوع: ياريت مساعدة ياشباب (بخصوص تأجير سيارة لشركة)

بسم الله الرحمن الرحيم
للضرورة والله واكيد كلكم هتعرفوا كدة بعد ما تقروا الموضوع
انا موجود برة مصر وطبعا انتوا عارفين اد اية الواحد لما بيكون مسافر وعايز يعمل مشروع بيكون قلقان عشان كدة انا بتكلم معاكوا
من غير مقدمات انتوا اكيد عارفين شركات السياحة وانها بتعمل عقود لايجار السيارات الملاكى عشات تعيد هيا تشغيلها والعقود دى بتكون بمدة ما بين 3 الى 5 سنوات المهم ان فى واحد اعرفة عرض عليا ان انا اشترى عربيتين واعمل عقد مع شركة سياحو خاصا ان هو شغال فى الشركة دى وطبعا العربيات هتكون موديل السنة وكمان انواعها كويسة مثلا تويوتا كرولا او لانسر والعربيات دى هتاخد منى مبلغ جامد مووت تحويشة سنتنين غربة يعنى من الاخر ومحدش عارف يعنى اية فلوس غربة غير اللى فقى الغربة يعنى بتيجى بطلوع العين
المهم ان هو قاللى ان ايجار السيارة بيكون من 3500 الى 4000 فى الشهر وبتسلم السيارة توكيل وبتستلمها توكيل كمان
فاتا حبيت اسال لو فى حد عندة اى فكرة عن الموضوع دة او يعرف حد عاملوة قبل كدة يفيدنى وجزاءة عند الله ولية الشكر

يا أستاذ سامح دى العربيه بتبقى بتاعتك وبإسمك وكمان راكنها تحت البيت وبتتخبط.
فما بالك بقى يا راجل وهيه مع شركه بتدفع فيها 4000 جنيه فى الشهر (يعنى عمرها ما هتوقفها لحظه واكيد أكيد هتسلمهالك بعد سنتين خرده(وخصوصا إن إنت مش مقيم فى مصر)يعنى العربيه مش تحت عنيك .
يبقى بلاش منه يا ريس ,انا شايف إنك تشترى حتة أرض أحسن أو شقه بالتقسيط وبعد سنتين هتعرف الفرق.