شكلي هكسر سخان الغاز ده

**shaddadfalcon1** · 17-03-2012 12:01 AM

الحجاره لو ضعفت هتلاقيه بيتكتك بس براحه طلع الحجاره وعضعضها شويه او ريح دماغك وغيرها
كان عندي نفس الحوار لسه مغير الحجاره الأسبوع اللي فات غيرت الحجاره وبقي تمام التمام

**Screenplays** · 17-03-2012 12:34 AM

من شويه اتلاقيت السخان ميعدش بينطق تماما لا تكتكه و لا غيره و مفيش ميه بتنزل لما نفتح الحنفيه السخنه المهم نزلت جبت بطاريتين انرجيزر و ركبتهم بعد عناء برضه مبينقطش عملت فيها ابو العريف و فكيت مسامير الوش بس الوش نفسه مطلعش بسبب زرار ضغط الميه و الغاز و عرفت اركب المسامير تاني بعد عناء و يا رب الناس بتوع الصيانه ميكتشفوش المحاولات الغاشمه لفتح السخان عشان ميطلعش من الضمان و ادي اخره اللي يستعمل المنتجات المصريه

**sasa44** · 17-03-2012 12:45 AM

هو افضل نوع سخان غاز ايه ؟؟؟؟؟؟
انا عندي وايت ويل ومطلع عيني ومبيشتغلش غير لما يكون ضغط المياه قوي جدا
غير كده مش بيشتغل خالص
بصراحة سخان سيئ جداااااااااااااااا
الناس بتشكر فى اوليمبك مش عارف صح ولا غلط

**shaddadfalcon1** · 17-03-2012 12:52 AM

انا لما غيرت الحجاره عمل كده بس كان فصل خالص برده ولما بصيت عليه لقيت الشاشه اللي مكتوب عليها درجة الحراه بتور بس الشعله مش بتشتغل وفيه زرارين واحد احمر وواحد اززرق قمت فاتح المياه السخنه واتكيت علي الزرار الأخمر قامت التكتكه شغاله وبقي فل الفل

شوف كده لو عندك حاجه بالنظام ده