الموضوع: تجربه بسيطه

المشاركة الأصلية كتبت بواسطة XMANX51

الاستاذ اشرف بيقول انه حط مرسيدس وبي ام فولكس (جيتا وباسات) مع ذلك انه افضل من العربيات دي فانا عايز اعرف افضل منهم في ايه؟؟ عشان بدل ما ادفع ربع مليون في عربيه وتيجي عربيه ب 60 الف تحط عليها

ماهو يا باشا حضرتك مش بتدفع ربع مليون جنيه في عربية عشان تجري بيها ! !

ولو حضرتك اشتريت جيتا عشان تجري بيها يبقى دي غلطتك ! لان كان قدامك باسعار اقل

برافو 1.4 تربو ! استرا هاتش باك تربو ! ممكن تجيب شروكو used ! هوندا سيفيك !

هتلاقي عربيات كتير اقل كتير في السعر وتجري بغباء عن الجيتا ! لان الجيتا مش العربية اللى ينفع يتجري بيها

المشاركة الأصلية كتبت بواسطة Eng.Geo

أقولك علي عربيات في نفس فئة الفيرنا وتسففها التراب علي أي سرعة ؟
نوبيرا 1
موتور 1500 كامتين
من 0 ل 100 ببنزين 80 في 10.8 ثانية
نص 80 ونص 92
من 0 ل 100 في 10.2
0ل 160 في 25 ثانية
0ل 200 في 38 ثانية
ب 92 مجربتش
عربية كمان
اللانوس بنفس موتور النوبيرا ال 1500
من 0 ل 100 في 9.5
0ل 160 في 22 ثانية
مش عارف ل 200 في قد ايه
مش هاكتبلك أرقام الفيرنا ... انت عارفها
ومتقارنش مع النوبيرا 2 عشان ده 1600 وموتور أضعف من ال 1500 ومتسألش ليه
عايز أقولك ان عداد السرعة في النوبيرا 1 واللانوس الكامتين مش بيقف لحد ال 200
وانا جبت 220

+1111111111111111111

الماتور ال 2 كامة ده غبي اوي بصراحة ! فعلا هيطلع من الفيرنا طلعة وحشة

المشاركة الأصلية كتبت بواسطة KHALED AYMAN

اى عربيه 1600 سى سى الفيرنا بتحط عليها ؟
يعنى بتحط على المينى كوبر :) ههه
انا شخصيا جربت مرارا و تكرارا مع الفيرنا ..بفيكترا سى "1600" سى سى ..والله عمرها ما طلعت منى
وانا ليل نهار على الطريق
الكورولا اصلا بحس ان دواسه البنزين عباره عن زرار ..يا دايس يا مش دايس ..مفيش تحكم فى القوه انك تقرص على العربيه و تطلع عزمها ...
اللانسر جايز 1300 ولا حاجه ..اصل 1600 تجميعها كويس ..ويمكن مش سواق
انما كلمه الفيرنا تطلع من اى 1600 صعبه ..
2000 سى سى زى ايه ؟
اكيد مش هتقولى فيكترا او بى ام و مرسيدس..ممكن تطلع من التيجو ال 2000 سى سى :)
او 504 2000 سى سى بشرط تكون حالتها وحشه ...لانها لو سليمه اعتقد الفيرنا ممكن تزعل من صوت البيجو اصلا

الانسر سواء 1300 او 1600 بصراحة الاتنين في الجلاش ! وانا شخصيا بالفيرنا لو شفت لانسر بتجري ممكن ماشدش معاها ! او اعلم عليه واهدي واسيبه يجري بقى مع نفسه

الفكترا ال 1600 ! ! مستغرب من كلامك بصراحة جدا ! لاني ركبت فكترا B 2.0 اتوماتيك ! وسحبها مش السحب اللى يطلع من الفيرنا ! فمستغرب ازاي ال 1600 تطلع ؟ ؟

المشاركة الأصلية كتبت بواسطة mmans

الكلام ده ملهوش اساس من الصحة بصراحة . التويوتا المذكورة دى موتورها اقوى و تجميعها احسن و اثبت من الفيرنا .. حتى لو كانت الفيرنا 1600 .. الكرولا 1300 المانيوال تبهدل الفيرنا على الطريق

لا يا باشا انا النهارده سقت كورولا 1300 وشديت بيها ! وماتطلعش من الفيرنا ال 1600 !