صيانة خارج التوكيل؟

**electrical_king** · 17-03-2012 12:08 AM

السلام عليكم
إزيكم يا شباب نايل موتورز :)
دي أول مشاركة ليا في المنتدي رغم إني مشترك من فترة .. بس معلش مجتش فرصة مناسبة
دلوقتي أنا كنت شاري عربيتي السبارك موديل 2009 في 13/4/2009 والضمان بتاعها هيخلص في 13/4/2012 خلاص و عملت في الثلاث سنين دول خمس صيانات فقط في التوكيل عشان أنا استهلاكي مش عالي.

دلوقتي ده معاد الصيانة و بصراحة مش عايز أعملها في التوكيل تاني لأن الضمان خلص و مش عايز حاجة منهم تاني :)

السؤال الأول هل عمل الصيانة خارج التوكيل في أي مشاكل بعد الضمان و لا عادي؟

السؤال الثاني هل في أي مكان محترم زي التوكيل بيعمل صيانة زي التوكيل بس بسعر أرخص .. أنا سمعت أن في كذا مهندس بيسيب الشغل في التوكيل و يفتح مركز صيانة منافس .. هل الكلام ده صحيح؟

اَسف علي الإطالة و جزاكم الله خيراً

**Dr/ P.K.Sh** · 17-03-2012 02:02 AM

متابع

**hafeztamer** · 17-03-2012 03:30 PM

متابع

**electrical_king** · 18-03-2012 07:12 PM

هل من مساعدة ؟؟

**hafeztamer** · 20-03-2012 08:03 AM

هو فى واحد شاطر امام قسم عين شمس وانت ماشى فى شارع منشية التحرير عين شمس قبل نهاية الشارع مع جسر السويس تخش يمين فى وسط الشارع راجل مشهور كل شغله عربيات جديدة

**ahmed** · 05-04-2012 02:15 AM

فى واحد تخصص دايو وشيفورليه وكيا بس فى شارع متفرع من خضر التونى وممتاز وانا مجربه شخصيا فى كل حاجه فى العربية حتى صيانة السيور وتغيير طقم الدبرياج وامين وكويس هو ممكن يكون مصنعيه غالى شويتين بس ببقى مطمن والعربية معاه لو عايزه قولى اوصفهولك على الخاص

**amribrahim** · 05-04-2012 04:06 AM

على فكرة يا باشا إنت عربيتك أصلاً برا الضمان من زمان .. عربية 2009 و معملتش غير 3 صيانات .. بس ياريتك كنت انتظمت في الصيانات علشان صيانة ال-60,000 مكلفة جداً بس على العموم ممكن تروح لأي مكانيكي بعد كدة

**abou-yahia** · 05-04-2012 04:20 PM

الصيانه خارج التوكيل مفيهاش مشكله

اهم حاجه تواظب علي مواعيد تغيير الزيوت والاجزاء الداخليه مثل السيور والفلاتر في مواعيدها

انا لما بروح اغير زيت بفك فلتر الهواء وانظفه

واخلي العامل يربط العفشه

وكل اسبوعين تقريبا بشيك علي القربه بتاعت الميه

اهم حاجه تكون عارف ايه اللي مفروض يتعمل عشان تحافظ علي العربيه

وشكرا