اقتباس المشاركة الأصلية كتبت بواسطة me_medoo مشاهدة المشاركة
موضوع جميل ولزيز ... لأني فعلاً كذا مرة بخش في نقاش حاد مع أحد الشباب وانا اقولوا العربية غير ثابتة وهو يقلك لا دي جميلة دي طايرة ... ويحسسك ان عربية زي التيدا او اللوجن دي بورش رقم 2 ... والي يقلك انا جبت بيها 200 مستريح ومش عارف أيه .

المهم : انا من رأي الثبات أن السرعات الي بعد 120 كيلو تلاقي نفسك سايق ومطمن ... ومفيش شعرة نفس في الدريكسيون ...

ثانياً : لو حبيت تعمل مناورات سريعة بعد 120 تقدر براحة تعملها مش تحس ان العربية هتتقلب منك لو بتفادي صندوق أو قفص بتناج واقع ومرمي على الطريق .

ثالثا: قوة الفرامل عندك هل بتستغيب على السرعات العالية ... ولا انتا بتنفخ في قربة مقطوعة ...

رابعاً : مبقاش ماشي على سرعة عالية والاقي العربية عمالة تتنطط مني فوق الاسفلت وكأن الكوتش بيطير فوق الاسفلت ...وده بيبقى عيب في نظم التعليق بتاعت العربية .

خماساً : أسئل الي جمبك وانتا بتجري بالعربية هل شاعر بالامان .. ولا حاسس اننا هنموت قريب ... ههههههههههه لأن كتير من العربيات أحساس السواق مختلف تماماً غير الي قاعد جمبووو .. وفي عربيات حتى الي قاعد ورى شاعر بالامان .

سادساً : الشكل الانسيابي للعربية ومقاومة الهواء ... بيلعب دور كبير أن العربية بتخترق الهواء بسهولة ويسر ... ولا عامالة تعافر مع الهوى ... واحياناً لو حبيت تعمل غرز الهواء بيقاومك .

سابعاً : وقت هبووب العواصف انتا حاسس ان العربية هطير منك وتقلب لو سيبت الدريكسيون ولا ثابتة وراسخة في الارض ... ولو عدى جمبك أتوبيس طايرررر بسرعة عالية هل بتحس أنو كان هيطيرك من جنبوو ولا عادي .

كل دي عوامل الاحساس بالثبات .... لكن مع الاسف كتير من الشباب ، فاكرين الثبات هو أن العربية بتطيرررررررر من على الارض ... ويقدر يقفل الطبلووم ... فاكرين ان الثبات اني اقدر اجيب بالعربية 160 و 180 و 200 كمان ... بس ده عمرو مكان ثبات ده بنسمية قدرة المتور ... بس تعاله اعمل غرزة كده بالعربية هتلاقي العربية فرفرة منك ... وقلبتك عشرين قلبة ... وزي شباب كتير بنلاقيهم معاهم 128 ولادا وطايرين بيها ... وفاكرين انها عربية سبق لمجرد انو ركب ليها زينون وطقم جنوط ... وميعرفش انها غير مصمصة للجري نهائي ... ومش معقولة قوة تحمل مسمار ب 10 جنية زي قوة تحمل مسمار ب 200 جنية .

والشباب التانية .. الي معاهم فيرنا ولا لانوس ... عربيات جراية وسريعة وكانو عندي ومجربهم ... أجري أجري أجري بس تعالة دوس فرامل تلاقي العربية فرملة والكوتش وقف والعربية لسه ماشية . فيافرحتي بعربية بتجري ومفهاش فرامل ... وتحياتي .
+111111111
متفق معااااااااااك فى كل حاجة ,, ماعدا حتة فرامل دى ؟!!