قهوة هيونداي

**autocross** · 12-04-2012 12:18 AM

المشاركة الأصلية كتبت بواسطة koshary

يانجوم الفيرنا ايه رأيكو فى الكلام ده

http://www.nilemotors.net/nile/282263-verna.html

مساء الفل ياباشا على فكره الموضوع دا عجبنى جدا وبغض النظر عن محتواه الحوارات الشد والكلام دا يبقى ليه ظروفه والراجل كاتب بردو انه ميقصدش ان يبين عيب الفيرنا ولا حاجه الموضوع كله كان على الاشخاص والسلوك بس مش اكتر .

مع احترامى ليك يا بشمهندس سمير بس ردك "خلى اللى يقول يقول" يبقى حضرتك اخدت الكلام بجد والموضوع مش كدا خالص
تقبل مرورى ولكم كل احترام وتقدير :)

**koshary** · 12-04-2012 12:23 AM

المشاركة الأصلية كتبت بواسطة se_coralsea

عادي
خلي اللي يقول يقول هو الكلام و الحكايات بفلوس يعني

هههههههههه مش بفلوس بس حق الرد مكفول للفيرناويه انا بهدى النفووووووووووس فقط لاغير

**mahmoud_afifi** · 12-04-2012 12:25 AM

المشاركة الأصلية كتبت بواسطة autocross

اخوك شريف ياباشا من المحروسه قصدى من المنوفيه من اعلى مكان فى مصر :D عالى فى الدماغ مش فى الارتفاع اوعى تفهمنى صح :P

هههههههههههههه شكلك معمرها صح يا كبير .. طب مش تمسي على القهوه كلها كده وخليك كريم مش منوفي :d .. بضّحك معاك كركركر :d
وعاشت الاسامي يا شريف باشا ^_^

المشاركة الأصلية كتبت بواسطة SE_coralsea

عادي
خلي اللي يقول يقول هو الكلام و الحكايات بفلوس يعني

+1

في ناس كتير في المنتدى هنا بتكره الهيونداي قوي ( وانا كنت واحد منهم) لغاية لما جربت الهيونداي ولقيت ان الناس واخده عنها فكره وحشه بسبب الموديلات القديمه بس بجد الحديث غيييييير.

الخلاصه, زي الباشمهندس ما قال خلي الي يقول يقول المهم احنا الحمدلله مقتنعين بعربياتنا. لأن لو سمعنا كلام كل واحد يبقى هنبيع عربياتنا

**BUNSH** · 12-04-2012 12:46 AM

المشاركة الأصلية كتبت بواسطة mahmoud_afifi

الخلاصه, زي الباشمهندس ما قال خلي الي يقول يقول المهم احنا الحمدلله مقتنعين بعربياتنا. لأن لو سمعنا كلام كل واحد يبقى هنبيع عربياتنا

+111111111
فعلا اللى عاااايز يقووووول مايقووول (موضوع زاد عن حدة) وتحس ان تلت تربع اعضااااااااء بقووا جيرمي كلاركسون (احنا شعب ووووحيد اللى بيتريق على كل حاجة) وياريتنا بنعرف نعمل حاجة !
ربن يرحمناااااا برحمتة .

**mahmoud_afifi** · 12-04-2012 12:50 AM

المشاركة الأصلية كتبت بواسطة koshary

دايما الهيونداى رافعه راسنا ياكبير وانت رفعت راسنا فى الشداية دى بصرف النظر عن مراية السيفيك لان اصلا محدش بيشوف حاجه بعد ال 200 ههههههههههههه ياريتنى كنت معاكو كان زمانى لسه فى اول الطريق

ههههههههه الله يخليك يا كشري باشا انا بس حبيت اخليهم يغيروا فكرتهم عن الهيونداي بس ماعرفش عرفت ولا لأ.
و عادي ياما ناس محترفه سواقه بيعملوا حوادث اكبر من دي

انا لما برجع بالاحداث لورا بقول لأ كده الحمدلله وقراري كان صح لأن الي بيسوق بيشوف الموقف مختلف تماما عن الي جنبه وعن الي في الشارع واكيد طبعا الي سمع الموقف عمره ما هيعرف يتخيل الموقف من اساسه !

**Ashraf_Ibrahim** · 12-04-2012 03:28 AM

النهردة زوزو عملت 45000 كم الحمد لله بالتمام والكمال
كنت سعيد جدا وانا شايف العداد خصوصا اني غاسلها بنفسي النهردة وعاملها حملة نضافة منزلية النهردة
وماشي براحتي خالص وكل واحد يعدي من جنبي اقوم سايبه يعدي النهردة مجريتش مع حد خالص
احساس جميل انك تمشي مع نفسك وتنسى كل اللي على الطريق واللي يعدي يعدي يا عم يعني هي هتفرق ايه

لي تقريرر مفصل بعد صيانة ال 50000 ان شاء الله لما نوصلها -يحيينا ويحييكم ربنا - :d

*هي ايه التقاليد والخطوات المتبعة لو واحد هيشوف عروسة يا شباب ؟
بفكر ادخل القفص :d

**Ashraf_Ibrahim** · 12-04-2012 03:50 AM

المشاركة الأصلية كتبت بواسطة weta

طب متيجوا نتقابل بجد علي القهوه انا بقترح يوم الجمعه او السبت الجايين مثلا في المروطيه وهي جنب الدائري عشان بجد عايز اتعرف عليكما خصصوصا اشرف وكشري والبشمهندس ومحمود وياريت كل النجوم هونداي تيجي......؟؟!!

طبعا معنديش أي مانع مطلقا
بس الفكرة كلها اني من بكرة ان شاء الله مسافر لحد يوم الثلاثاء غالبا في دولة المنوفية العظيمة :d
ممكن نخليها الاسبوع اللي بعديه ان شاء الله