الموضوع: قهوة هيونداي

المشاركة الأصلية كتبت بواسطة kareem fawzy

كشرى انتا متأكد انها الاسطوانة
انا حصلت معايا مرة زمان فى العربية الفورد الاسكورت اللعينة
وطلعت فى الاخر الكوبلن مالص
اتأكد يا كبير
وعموماً هتخلع الاسطوانة وتروح للراجل تقوله اية
هيقولك معرفكش يا صديقى

ماهى عملت نفس الحوار معايا بعد ما اشتريتها ب اسبوع وقفت وتدى غيار ماتمشيش وروحت للميكانيكى خلعها ورجعناها دى اللى ركبناها دى مكملتش 5 شهور مش عارف بقا البضاعه اللى عندو بايظه ولا ايه لسه الميكانيكى مفتحش هيفتح بوكره هروحلو ان شاء الله

صباح الخير على كل الموجودين ده لو كان فيه حد اصلا:d


انا قلت اعمل الموضوع هنا عشان استفاد من الخبرات ولا ساعة الجد مش هلاقى حد وتقولوا الموضوع مكانه غلط وبتاع :((((((( بصوا بقى يا جماعة انا فيه حاجات عايزة اعملها ف العربية وعايزة رايكم ولو حد يعرف سعر حاجة يقولى وكده يعنى

نيجى بقى للمهم
انا عايزة اول حاجة اغير طاسات العربية لانها باظت وفى حد هنا ضيع على فرصه طاسات يالا بقى ربنا يباركله فيها :))
طبعا لو حد عارف السعر يقول :)

تانى حاجة عايزة اغير المساحات لان المساحة اليمين باظت فلو فيه نوع معين مثلا ياريت تقوليلوا والسعر كمان اعرفه لانى هجيبها من ميت غمر فمش عايزة اتخم قوى يعنى:)

عايزة اركب صدادت كمان للعربية بس مش عارفة هل اللى بتكون ع كل الاكصدام افضل ولا اللى بتكون جزئين؟ وطبعا السعر

كنت بفكر بقى افيم الكشافات اللى ورا احمر والجزء بتاع الاشارة قدام على عسلى كده
وافيم الازاز بس درجة الزيرو
واعمل عتب استيكر وبفكر انى اعمل الاستيكر العاكس اللى بيكون احمر فى الاكصدام ورا ده

اهم شئ عايزة اعمل عايزة اعمل كشافات شبورة بس بصراحة عايزة اعملها زى بتاعت المرسيدس والكيا انها بتكون زى ليدات مش الشكل التقليدى ياريت لو حد يقدر يفيدنى فى الموضوع

انتهى الموضوع فى انتظار الاجابات

المشاركة الأصلية كتبت بواسطة shimo_moh

صباح الخير على كل الموجودين ده لو كان فيه حد اصلا:d

والله فى حد واتنين وتلات ههههههههههههه

انا قلت اعمل الموضوع هنا عشان استفاد من الخبرات ولا ساعة الجد مش هلاقى حد وتقولوا الموضوع مكانه غلط وبتاع :((((((( بصوا بقى يا جماعة انا فيه حاجات عايزة اعملها ف العربية وعايزة رايكم ولو حد يعرف سعر حاجة يقولى وكده يعنى

والله لو عرفت حاجه هقول معرفتش يبقا نصيبك كدا بقا

نيجى بقى للمهم
انا عايزة اول حاجة اغير طاسات العربية لانها باظت وفى حد هنا ضيع على فرصه طاسات يالا بقى ربنا يباركله فيها :))
طبعا لو حد عارف السعر يقول :)

السعر من 60-80 على حسب المكان ومش شرط تجيبى نفس النقشه بتاعت الفيرنا فى اشكال تانيه حلوه اوى كأنك مركبه جنط بس الاستوك فى الحدود دى على ما اظن يعنى لانى فاكر انى سالت علىهم فى مره كانو كدا وساعتها اشتريت لعربيتى الطقم ب 45 من التوفيقيه

تانى حاجة عايزة اغير المساحات لان المساحة اليمين باظت فلو فيه نوع معين مثلا ياريت تقوليلوا والسعر كمان اعرفه لانى هجيبها من ميت غمر فمش عايزة اتخم قوى يعنى:)

الطقم العادى ب 20 جنيه والرابر فى الواحده ب 20 جنيه بس انا بفضل الرابر لان شكلها احسن وبغيرها كل سنة

عايزة اركب صدادت كمان للعربية بس مش عارفة هل اللى بتكون ع كل الاكصدام افضل ولا اللى بتكون جزئين؟ وطبعا السعر

فى الصدادات اللى بتاخد الاكصدام من اولو لاخرو بصراحه شكلها تاكسى عالاخر انا بفضل الجزئين فى اشكال منها كتير والاسعار بتتراوح مابين 40 لحد 100 جنيه انا جايب الطقم ب 60 من سنة وشغال معايا

كنت بفكر بقى افيم الكشافات اللى ورا احمر والجزء بتاع الاشارة قدام على عسلى كده
وافيم الازاز بس درجة الزيرو
واعمل عتب استيكر وبفكر انى اعمل الاستيكر العاكس اللى بيكون احمر فى الاكصدام ورا ده

تفييم الازاز اللى ورا اول درجه بيكون ب 15 او 20 على حسب المكان والجوده انا مفيم دارك ب 20 جنيه وعامل استيكر على العتب كربون ب 20 جنيه العتبين القطعه ب 5 جنيه مركب 4 قطع والاستيكر اللى فى الاكصدام شكلو بيغير بعد فترة وبيبقا وحش دى نصيحه يعنى بالنسبة لتفيم الكشافات احمر بصراحه معرفش السعر

اهم شئ عايزة اعمل عايزة اعمل كشافات شبورة بس بصراحة عايزة اعملها زى بتاعت المرسيدس والكيا انها بتكون زى ليدات مش الشكل التقليدى ياريت لو حد يقدر يفيدنى فى الموضوع

ممكن تشترى الشبورة نوع كويس وتركبى زينون فيه مش هيتكلف 600 جنية

انتهى الموضوع فى انتظار الاجابات

يارب اكون عرفت اجاوب كويس فى الامتحان ده ههههههههههههه

المشاركة الأصلية كتبت بواسطة koshary

يارب اكون عرفت اجاوب كويس فى الامتحان ده ههههههههههههه

شكرا جدا يا كشرى مبروك جبت 10/10 :)

المشاركة الأصلية كتبت بواسطة kareem fawzy

شيماء ازيك
طقم الطاسات الاصلى مش هيعمل 60 جنيه فى التوفيقية
الفوجات هاتى الاستوك وحطى فيه زينون زى ما كشرى قالك
المساحات فى طقم الجوز ب 10 جنيه ودة ملوش لازمة وبيبوظ بسرعة
فى بقا نوع رابر بس دة الفرده الواحدة ب10 جنيه يعنى الجوز ب20 جنيه من اى حد بتاع كماليات
نيجى بقا لتفييم الفانوس الفانوسين هو كدة كدة الفانوس احمر يعنى كل اللى هتعمليه هتعملى دايرة حمره على لمبة المارشدير وكمان حتة صغيرة على الاشارة دول يخشولهم فى 20 جنيه بالكتير قوى يعنى لو بتاع الكماليات حرامى
لاكن لو عملتى الفانوس كله دى هتخش فى 40 جنيه لانه هيشتغلك
الاستيكر العاكس دة ممكن يخش فى 10 او 15 جنيه
العتب بقا كاربون يخشله فى 20 او 25 جنيه
الازاز اللى ورا لو هتفيميه نضيف يعنى ممكن نقول 20 جنيه
الصدادات دى بقا معرفش عنها اى حاجة
عموماً لو عوزتى اى حاجة انا ممكن اشتريهالك وابعتهالك مع اى حد
ومش بعمل كدة علشان انتى بنت ( ههههههههه ) والله مع كل الناس :)) ههههههههه
وابقى طمنينا

انا تمام ياكريم

تمام سعر الطاسات بس انا فعلا بفكر فعلا زى ما قال كشرى انى اشتريها شكل الجنوط كده عموما هشوف كده الدنيا هنا فيها ايه

بمعنى ايه الاستوك اللى بتقولوا عليه :)

غالبا هشترى الرابر دى واشترى اتنين والسليمة اللى عندى اسيبها جايز تنفع بقى بعدين

تمام الفوانيس هقوله ع حوار انها تبقى الاشارة والمارشدير

هو العتب الكربون ده افضل يعنى ؟؟ انا هعمله اسود هى العربية كحلى

لا انا مش هفيم الازاز اللى ورا لانى خايفة لما اجى اشيله يبوظ تكييف الازاز انا هفيم الابواب فقط

كنت عايزة غطا خفيف لان الووتر بروف ده بااااااظ خالص وشيفاه مش عملى ف الصيف بيعمل كام بقى :) يكون ووتر بروف بس خفيف كده

ربنا يكرمك يا كريم شكلك فعلا اسم على مسمى:) بص انا هنلز واشوف الحاجة والحاجات اللى ناقصة هخليك تجيبها ولو كده ابقى اخلى حد ينزل ياخدها منك او انزل انا اخدهم

نسيت اسال ع حاجة كمان هو الكفر او البتاع اللى بتحط ع الديكسيون عشان العرق انا عايزة حاجة محترمة جدا ونضيفة وشكلها يبقى راقى :)

كشرى بقولك ايه هى الصدادات دى فيه منها انواع لانى خايفة اجيبها ويومين وتتشال ويبقى شكل العربية وحش :(